اشهر المشاكل الشهر داه

اخر المشاكل


الاعضاء19,352

الكومنتات 25,958

المشاكل 31,007

انضم الان: اخر الاحصائيات


[wpdreams_ajaxsearchlite]

……………………………

انا بنت عندي 16 سنة وفي البيت اللي قصادنا ولد اكبر مني بكتير عنده حوالي30 سنة وهو علطول بيشوفني وانا راحة وانا جاية من الدروس وكدا يعني وانا اصلا عمري مخدت بالي منه بس هو بدأ كل ما يشوفني يلفت انتباهي باي شكل يخبط علي حاجة يصفر يعمل اي حاجة بس انا كنت بقول لنفسي انا مالي اكيد ميقصدنيش وخلاص وبعدين بدأ كل مايشوفني يقولي بحبك وبتوحشيني وكلام حب زي ده كتير بس انا مكنتش برد عليه خالص ومردتش اقول لحد خالص ولا حتي لاخويا خصوصا ان هو مش محترم ولسانه طويل وانا اهلي ناس محترمين اوي وانا مبحبش المشاكل ومش عايزة حد يتكلم عليا المهم قولت هطنشه وهو شوية وهيياس مني وخلاص لكن ده محصلش وكل مره يقولي كلام اكتر من اللي قبله اخر مزهقت قولت لماما وماما قالت لبابا هما زعلو مني شوية اني معرفتهمش من الاول بس راحو لابو الولد واتكلمو معاه براحة وباباه اعتذرلنا وقالنا هو مسافر انهارده ولما يرجع هيتصرف معاه الغريبة بقا انو بعدها علطول الولد ده قابل ماما قي الشارع وقالها انا مش قصدي حاجة انا بس لما بشوفها بقولها ايه العسل ده واحشتيني كدا يعني والله ماما مكنتش عارفة تقوله ايه منتهى البجاحة المهم فضل حوالي يومين ميكلمنيش فلما بابا سألتي بطل يكلمك قولتله اه بس هما يومين بس وبعدها رجع يكلمني بس مش مباشر زى الاول لا يعني مثلا يعمل نفسه بيكلم اي حد بس الكلام ليا او ساعت ميشوفني يمسك الموبايل ويقول بحبك اوي يا حمد مش هتيجي بقا وكلام من ده عشان يعني معرفش اشتكي تاني هيقول انا مش بقولها هي بس انا قولت لماما وهي قالتلي كدا برضو لو حد كلمو هيقول انا مكنتش بكلمها هي وقالتلي طنشيه وخلاص المشكلة بقا مش في دا كلو انا ممكن اطنشه عادي المشكلة اني خايفة اوي علي نفسي انا برضو بنت في سن المراهقه وممكن كلام الحب ده يأثر عليا بالسلب انا والله محترمه جدا ومحجبة ولبسي واسع يعني مش ملفت خالص وكمان مبصحبش ولا اي حاجة من الكلام ده خالص بس انا في الاول مكنتش طايقة الولد ده خالص بس دلوقتي بصراحة بقيت بحس اني مبسوطة اني بسمع الكلام ده او اتعودت اسمعه كلمة بحبك حلوة اوي بس طلعت من واحد ميعرفش معنى الحب بس انا خايفة علي نفسي وعايزة اي طريقه تخليه ميكلمنيش تاني خالص عشان انسى الموضوع ده بقى كمان احساس ان هو بيقولي الكلام ده غصب عني وانا مش عارفة اعمل حاجة مدايقني اوي لو سمحت حد يقولي اعمل ايه عشان ميكلمنيش تاني اا

الكومنتات

احب فتاة تكبرنى بشهر

انا معجب جدا ببنت اكبر منى بس بشهر واحد وفيها كل المميزات الى بدور عليها فهل لازم البنت تكون اصغر من الراجل عشان العلاقة تنجح وهل انتم تنصحونى اصرف نظر عن الموضوع ولا ايه؟؟
وشكرا على افادتكم لى.

الكومنتات

خطيبتى مش مهتمة بيا

خطيبتى تحبنى جدا وانا نفس الكلام المشكلة بدات من اربع شهور لما كلمتنى انها عايزة تعمل ماجستير وانا وافقتها وشجعتها بس للاسف مع الوقت بدات تبقى مشغولة اوى واهتمامها بيا مبقاش زى الاول هى بتعمل الى عليها دايما وبتحاول توفق بين كل حاجة انا خايف من نفسى الفترة الجاية انا من النوع الى بزهق وبمل بسرعة ولما بلاقى حد مش مهتم بديلة ظهرى على طول هى الفترة الجاية عدد ساعات شغلها هيزيد مع الدراسة يومها تقريبا مقفول حتى لما بنتكلم مبقتش زى الاول وانا عازرها واللة وواقف جمبها بس انا مبقتش قادر

الكومنتات

حياتي متشقلبه

مش عارفه في ايخ بس مرة واحده بقيت حاسه اني المفروض مبقاش عايشه كده بس مش عارفه اصلخ حياتي ازاي المزضوع بدا من اول م دحلت ثانوي المدرسه كانت بالنسبه لي زي الوحش طول عمري مدارس خاصه و مرة واحده ابقي ف مدرسه حكومه مفيش اهتمام مفيش مذاكرة و مفيش اي حد بيقول ذاكري بدات العب اهزر اهتم باللعب و مذاكرش و مستوايا الدراسي بقي ف النازل اول سنه و تاني سنه لحد مجات تالته ثانوي و مجبتش مجموع و دي كانت صدمه كبيرررة اووي بالنسبه لي ازاي انا البنت المتفوقه ف المراحل كلها اجي عند اهم مرحله و افشل بالطريقه دي اني ابقي ف 6ابتدائي جايبه 99ّّ.3% و 3إعدادي جايبه 95% و اجي ف 3ثانوي اجيب 75% دي كانت صدمه كبيرة ليا و لاهلي و اني دخلت كليه عمري ف حياتي متمنيت اني ادخلها و ان كل اللي حواليا و مستنيني اقع فرحوا و الشماته بقيت عيني عينك و اهلي هيتجننوا دلوقتي انا ف كليه تجاره انتساب و اهلي اللي كانوا متوقعين ان بنتهم تبقي دكتورة ناو كل حاجه اتغيرت اصلا ماما علطول شيفاني اني واحده فاشله المفروض اني مش اعيش و اني يدوم مش نافعه ف دراسه اقعد بقي ف البيت انا الكلام ده تاعبني نفسيا جدا و خصوصا ان تأنيب الضمير عندي واجعني و اني عارفه اني سبب تدمير حياتي هو انا لكن انا دلوقتي لما حبيت اهرب من كل المشاكل دي بقيت علطول بقرا روايات و كتب و اي حاجه ع الإنترنت لمجرد اني أضيع وقتي و مفكرش ف اي حاجه دراستي مش قادرة امشي فيها لاني مش حباها و مفيش اي حد يشجعني بابا من زمان مش مهتم بدراستنا و اخويا الكبير ف صيدله و كل م يشوفني مفيش ف لسانه غير يا فاشله عملتي كده ليه و خلاص مش لازم انك تذاكري او تنجحي مش من حلاوة الكليه اللي انتي فيها كل الناس حواليا بقيت حاسه انهم اتغيروا لدرجه اني انا كمان اتغيرت بطريقه كبيرة اوووي كمان بقيت حاسه اني مش حابه اي حد ولا حتي بحب نفسي بقيت بعيده عن كل الناس و مش عايزة اقرب من حد عايزة اضيع وقتي و خلاص و كل ده بعمله عن طريق القرايه عن موضوعات تافهة ملهاش اي لازمه بس لمجرد اني ابعد عن الناس و عن نفسي قبلهم حاسه اني متغيرة و ان الاحساس او الشعور عندي ميت انا حاليا ف امتحانات نص السنه و مش بذاكر و هضيع الترم ده و السنه دي زي اللي قبلهم و الظاهر ان الفشل بقي عنواني و انا مضايقه جدا بس للاسف الموضوع عندي ساعات بتجنن من فكرة اني فاشله و ابقي عايزة اذاكر و ارجع لطبيعتي زي زمان بس مرة واحده كان مايه طفت كل اللي جوايا و اتحول لشخص بارد مستسلم للفشل و اقول مش هعرف اعمل اي حاجه و بدل م اضيع الوقت ف المذاكرة و مستقبلي اقعد ع النت احسن … و علطول بعمل الاختيار التاني و مذاكرش انا فعلا ضايعه و مش قادرة و مش عارفه اتصرف و ماما بعيده عني اووي حاليا مش بعيده مكان لكن من نفسي بعيده هي مش بقت تقعد معايا زي الاول ولا يتخليني اقعد معاها كل م روحلها تزعقلي و تخليني انفر منها بسبب كلمتها ليا «فاشله» بتجرح كتير ماشي غلطت و وقعت مرة ليه متساعدنيش اني اققوم و خصوصا انها شايفاني عاجزة اني اقوم لوحدي شايفاني و انا بناديها بعيوني اني محتاجلها بس هي مش بترد مش بتساعدني و انا خلاص بعدت عنها و بقيت علطول ع الانترنت من غير اي هدف بس اضيع وقت بعيد عنها و انا اللي لو كنت كملت 10 دقايق ع النت اقول انا قعدت كتير حاليا انا ممكن مقعدش 10دقايق مع اهلي و الباقي ع النت .. لو سمحت اي مساعده اي حد يقولي اعمل ايه و ارجع حياتي ازاي

الكومنتات

الحب

لو البنت عملت بلوك للولد وهو بيحبها وهي بتحبه وهي عارفاه انه بيحبها وهما عارفين بعض كويس جدا يبقي كده البنت سبته ولا بتتقل عليه

الكومنتات