اكتر المشاكل شهره

اخر المشاكل


الاعضاء19,352

الكومنتات 25,958

المشاكل 31,007

انضم الان: اخر الاحصائيات


[wpdreams_ajaxsearchlite]

نزل مشكلتي من غير إسم واحد متقدملي من شهر 10 و اهلي اجلوا الموضوع و تعارف الأهل…

‫نزل مشكلتي من غير إسم
واحد متقدملي من شهر 10 و اهلي اجلوا الموضوع و تعارف الأهل لنص السنة عشان الدراسة
و لقيته انهارده جاي و جايبلي 6 كيلو لبن هدية و مشي أموت نفسي أنا، أول مره يجبلي حاجه كانت لبن هطققق و المهم أننا مش محتاجين أصلا! قال لبن قال‬

الكومنتات

نزل لو سمحت انا بجد يا جماعه والله بضايق اوووى من الناس اللى بتدخل البوست مخصوص…

‫نزل لو سمحت انا بجد يا جماعه والله بضايق اوووى من الناس اللى بتدخل البوست مخصوص عشان تتريق وتهزر وتورينا اد ايه هى ظريفه طب ليه كدا والله ممكن اوى تيجى فى يوم وتتحط فى مشكله من المشاكل اللى حضرتك اتريقت عليها دى وهتضطر انك هتيجى وتنزلها هنا وهتلاقى اللى يتريق عليك برضو وانت هتضايق اووووى عارف ليه عشان كما تدين تدان والله ياجماعه مفيش حد خالى من المشاكل وكل واحد عندة هما والدنيا كلها مش فرح بس فلازم نقول رأينا بما يرضى الله عشان نلاقى اللى يقف جمبنا فى محنتنا برضو ويدينا رأيه واسفه ان كنت طولت بس ياريت نعمل باللى قولته وانا عارفه انكوا حتى هتتريقوا على الكلام دا بس والله نفسى نعمل بيه ولو سمحت ابقا ابعتلى اللينك ياادمن لما تنزلها‬

الكومنتات

السلام عليكم ورحمة الله وبركاته على فكرة انا مش تافهة والله وﻻ بنزل المسدج دي لم…

‫السلام عليكم ورحمة الله وبركاته على فكرة انا مش تافهة والله وﻻ بنزل المسدج دي لمجرد اني اتسلى وخلاص لكن انا واحدة بقالي ييجي 15 سنة بدور على علاج وروحت لدكاترة في بلدي والبلاد اللي جمبي كمان ومع ذلك مش عايزة ايأس فمفيش قدامي غير اني اعرض مشكلتي على اابيدج هنا لان اكيد فيكم دكاترة ومين عالم يمكن يكون بينكم اللي يكون معاه العلاج بعد ربنا سبحانه وتعالى طبعا الحكاية اني تقريبا المناعة عندي صفر لاني مولودة قبل معادي فجالي مرض اسمه scleroderma من وانا عندي 8 سنين وطبعا لان المرض نادر وملوش علاج الدكاترة معرفوش ساعتها انه المرضده عندي بس انا من وقتها طبعا دايخة عالدكاترة عشان الأعراض اللي كانت بتظهر عليا وهي تغير في لون جلدي واللون ده بينتشر في جسمي وكمان في الشتا اطرافي بتزرق وتورم من السقعة وجلدي ناشف شوية والدكاترة كانوا كل اللي يعملوه يدوني في مراهم وكريمات ويقولولي اصل جلدك حساس من اشعة الشمس ولما روحتي المصيف عمل فيكي كدة فضلت عالحال ده من دكتور لدكتور لمدة 12 سنة وبعدها دكتورة قالتلي بعد ما عملت تحليل جلد انه كان عندي مرض scleroderma بس حصلت معجزة ومن رخمة ربنا انه راح من عندي وقالتلي احمدي ربنا انها جت على قد اللون اللي في جسمك لان المرض ده بياكل في العضم والجلد وبياكل كمان فيكي من جوة وقالتلي بالنسبة للون مفيش حل ليكي واحمدي ربنا على كدة فانا مخطوبة وعلى وش جواز ومايأستش روحت عملت ليزر وعملت تأشير كيميائي واخدت حقن جلوتاثيون ومفيش اي نتيجة خالص انا عارفة اني طولت عليكن بس ارجوكم لو فيه دكتور ويعرف اي وسيلة اوحد بيها لون جسمي مايبخلش عليا وياريت تدعولي ان ربنا يدلني على علاج ويتم فرحتي ومايحرمنيش منها احسن انا عمري والله مافرحت في حياتي وشكرا ليكم واسفة مرة تانية اني طولت عليكم #emy‬

الكومنتات

محتارة اوى وعايزة اعرف رأيكو واعمل اى ارتبطت بواحد اكبر منى بسنه في السن لكن ف…

‫محتارة اوى وعايزة اعرف رأيكو واعمل اى
ارتبطت بواحد اكبر منى بسنه في السن لكن ف الدراسه هو في 2 وانا في رابعه جه اتقدملى وحصل مشاكل من اهله واهلى والموضوع اتلغى اتفقت معاه انى هستناه و نتكلم كل فترة نطمن علي بعض لحد ما ظروفه تتظبط ودراسته ورفض الحل دا ومكنش ينفع ارجع اتكلم من ورا اهلى تانى كذا سنه بعد ما الموضوع مشى رسمى لما رفض الحل دا بعدنا وعملتله بلوك بعدها رجعتله تانى وحاولت اقنعه منبعدش رفض وبعدنا شهرين
جالى يكلمنى تانى وعرفت انه رجع لحبيبته القديمه ع اساس انها تعبانه ومحتجاه جمبها هو بيقول مش مرتبط بيها هى صعبانه عليه بس بيتكلموا ومش عارف يعمل اى لانها تعبانه في القلب وهتعمل عمليه وخايف يبعد يحصلها حاجة وطبعا مطلوب منى انى اساعده ازاى معرفش حاولت اتكلم معاه ع اساس انه ياخد قرار ويبعد عنها وبعدين محدش بيموت من غير حد لان مستحيل هقبل وضع زى دا مخدوش وبيقولى المفروض تساعدينى طب ازاى هو في كدا اصلا انا قولتله مش هينفع وانت خايف عليها يبقي خلاص بس طبعا هو شايف انى بستغنى عنه‬

الكومنتات

انا معنديش مشكلة هى فضفضة انا بنت عندى 26 سنه عندى هموم واحزان كتيره مش مهم ايه…

‫انا معنديش مشكلة هى فضفضة انا بنت عندى 26 سنه عندى هموم واحزان كتيره مش مهم ايه هى المهم انى بقالى اربع سنين فى نفس الهموم دايما دموعى على خدى وحزينة انا مش معترضة على قضاء ربنا لان عارفه ان ده هو الخير ليا لان رب الخير لا يأتى بالا بالخير بس انا انسانه غصب عنى بمل وبتعب وساعات بيأثر فيا كلام الناس وبستغفر ربنا كتير ادعولى ربنا يفرج همى وكربى لانى خلاص تعبت نفسيا من كتر الهموم يمكن ربنا يستجيب منكم ويفرج عنى همى لان ربنا وحده اعلم بحالى‬

الكومنتات

يلييز نزلي مشكلتي وبسررعة انا بنت وعندي 14سنة،يعني لسة صغيرة انا مش اجتماعيه اوو…

‫يلييز نزلي مشكلتي وبسررعة انا بنت وعندي 14سنة،يعني لسة صغيرة انا مش اجتماعيه اووي وبالتالي انا معنديش صحاب كتيير وانا عايشة برة مصر ويومي كلوا عبارة عن اني اصحي من النوم واتفرج ع tv شويه واقعد ع الفيس شويه وطول النهار بسمع اغاني وخايفة،يكون ربنا مش راضي عني بحااول اقرب منو واقرا شويه قران الاقي نفسي امسك الموب واقول بلا قراءة بلا بتاع بجد بجد انا حياتي كلها ملل في ملل مش عارفة،اخرج من الروتين اللي انا فيه وبلييز من غير تريقة‬

الكومنتات

السلام عليكم الحكاية و بإختصار عندى صحبتى بتحب واحد جارها فى العمارة بالاعتبار ا…

‫السلام عليكم الحكاية و بإختصار عندى صحبتى بتحب واحد جارها فى العمارة بالاعتبار انه أكبر منها بشويه و هى حسه انه هو كمان بيحبها بس مقلش حاجة . فهى نفسها تعرف إذا كان بيحبها ولا لأ تعرف إزاى . مع الاعتبار انه عنده إخوات بنات و انها أخرها فى الكلام معاه السلام عليكم بس ممكن تتكلم مع اخواته البنات عادى‬

الكومنتات