اكتر المشاكل شهره

اخر المشاكل


الاعضاء19,352

الكومنتات 25,958

المشاكل 31,035

انضم الان: اخر الاحصائيات


[wpdreams_ajaxsearchlite]

مرتبط ببنت 3 سنين واتكلمت مع اهلها بعد الارتباط بسنه ونص وكان شرطهم وجود شقة وعد…

‫مرتبط ببنت 3 سنين واتكلمت مع اهلها بعد الارتباط بسنه ونص وكان شرطهم وجود شقة وعدتهم انها هتكون موجوده خلال شهرين وللاسف مقدرتش احقق ده كملت معايا في ظل وجود مشاكل كتير وشك وغيرة استحملتها وكانت احسن مني وفي شهر 9 قررت انها تبعد عني وتنهي الموضوع اتمسكت بيها واتحملت اهانه منها وبعدها ب3 شهور رجعتلي تاني وقالتلي اعملي حاجه احس بيها انك عايزني وادتني مهلة شهر اجيب فيها الشقة واسيب شغلي في مجال الصحافة وارجع للبنك تاني وخلال المهلة بعتتلها بنت رسالة قالتلها اني مش كويس وبتاع بنات واني بلعب بيها والموضوع ده صحي المشاكل اللي خلال ال3 سنين تاني وفي الوقت اللي رجعت فيه شغلي القديم وجيبت الشقة التمليك كانت هي بعدت تاني وقفلت كل الطرق للرجوع … انا بحبها ومستعد اعمل اي حاجه ترضيها بس مش عارف ازاي ؟!!‬

الكومنتات

بدون زكر اسماء لو سمحت…

‫بدون زكر اسماء لو سمحت… انا مرة قلت لواحدة من صحابي علي موضوع يخصني …وراحت فضحتني وقالت لكل الناس تقريبا ودلوقتي الناس بتستحقرني اوي انا عاوزة اردلها اللي هي عملتة فية اعمل اية ؟؟ اتريقوا براحتكوا بس افيدوني‬

الكومنتات

ﻫﻞ ﺗﻌﻠـﻢ ﺃﻥ ﺍﻟﻬﻮﺍﺀ ﺍﻟﻤﻨﺪﻓﻊ ﻣﻦ ﺍﻟﺒــﺎﺏ ﻋﻨﺪ ﺩﺧﻮﻟـﻚ ﺍﺣﺪ ﺍﻟﻤﺤﻼﺕ ﺍﻟﺘﺠﺎﺭﻳـﻪ ﻫﻮ ﻓﻘﻂ ﻟﻤﻨ…

‫ﻫﻞ ﺗﻌﻠـﻢ ﺃﻥ ﺍﻟﻬﻮﺍﺀ ﺍﻟﻤﻨﺪﻓﻊ ﻣﻦ ﺍﻟﺒــﺎﺏ ﻋﻨﺪ ﺩﺧﻮﻟـﻚ ﺍﺣﺪ ﺍﻟﻤﺤﻼﺕ ﺍﻟﺘﺠﺎﺭﻳـﻪ ﻫﻮ ﻓﻘﻂ ﻟﻤﻨﻊ ﺍﻟﺤﺸﺮﺍﺕ ﻣﻦ ﺍﻟﺪﺧﻮﻝ !! ﺇﻟﻠﻰ ﻛﺎﻥ ﻓﺎﻛـﺮﻩ ﺗﻜﻴﻴﻒ ﻳﻴﺠﻰ ﻫﻨﺎ ﺟﻨﺒﻰ #TamTam‬

الكومنتات

انا صاحبة المشكة دي الي انتقمت من الي بحبه وفضحته قصاد المفضوحة الي فضلها عليا h…

‫انا صاحبة المشكة دي الي انتقمت من الي بحبه وفضحته قصاد المفضوحة الي فضلها عليا ‬<a class="colorbox" rel="nofollow" href="https://www.facebook.com/BrideGroup00/posts/404734073018614″ rel=”nofollow”>https://www.facebook.com/BrideGroup00/posts/404734073018614‫
انا بس عاوزة افهمكم ان الي حصلي دة مش من فراغ انا اتاذيت نفسيا جامد منه ودة كان اقل واجب اقوم بيه معاه علي فكرة انا اقدر اعمل اكتر من كدة اقدر اروح لامها واحكيلها وتبقي ظيطة لكن هي في الاخر ملهاش ذنب هي جايز تكون زيي مخدوعة الله اعلم بس وجايز زي ناس كتير ما قالت انه يرجعلها ويضحك عليها بكلمتين ويرجعوا ما انا عارفة البنات هبلة بس انا برضه حرقت دمه وضايقته ودة مريحني شخصيا لانه والله يستاهل اكتر من كدة كمان الي انتوا متعرفهوش بقي ان في الرسالة دي شتيمة عليها علي خطيبته وعلي امها كمان ايوة هو كان بيشتم عليها وجاب سيرتي في النص وقال انا لسة مقدرتش انساها وبفكر فيها وكمان قال انه متغير مع خطيبته دي عشان لسة بيفكر فيا كلام كتير اقسم بالله اي واحدة تسمعه متفكرش تبص في خلقته امه تاني كفاية انه شاتم علي امها ومش كدة وبس وكمان سهره معايا للصبح ومكلمات التليفون الي كنا بنجيب سيرتها في المحادثات ولما بيقولي ابعتيلي صورتك بشعرك نفسي اشوفم حالا وحاجات كتير تودي في ستين داهية طب انا راضية زمتكم اي بنت في الدنيا تسمع الكلام دة هتقبل علي نفسها تبقي معاه تاني طب حتي لو سامحته تفتكروا الحياة هتبقي كيك ووردي وردي ولا هتفضل شاكة في الي خلفوه طول حياتها ومشاكل بينهم مش هتخلص بسبب الشك والحيرة الي هتبقي فيها اصل خلاص مدام دخل الشك قلبها هتفضل معاه في مشاكل لحد برضه ما الموضوع يتنيل علي عين اهاليهم الاتنين ويبوظ بس برضه انا عملت كل دة لاني فعلا اتوجعت والبنات هي الي هتحس بيا وانا ملاحظة دة في الكومنتات انهم مشجعني اكتر من الولاد لانهم عارفين حرقة قلب البنت لما تعرف ان حبيبها خاين ابن سرمة .. وفي نهاية انا بشكر كل حد اتكلم كويس وبشكر الناس الي برضه شتمت عليا انا ميهمنيش كل دة انا يكفي اني عرفت اجيب حقي من ابن المجعلصة دة وبرضه رقصني يا جدع ولولولولولي

الكومنتات

ياجماعة ارجوكوا انا حاسة انى بموت من 3 سنين اخويا خطب واحدة بعد فترة من الخطوبة…

‫ياجماعة ارجوكوا انا حاسة انى بموت من 3 سنين اخويا خطب واحدة بعد فترة من الخطوبة انا وابن اختها اعجبنا ببعض من بعيد بدون كلام ده لانى عمرى مااتكلمت مع ولاد انا 24 سنة خطيبة اخويا حاولت تقربنا من بعض وانا كنت رافضة اتكلم معاه رغم اعجابى الشديد بيه بس بعد فترة وافقت انه يسلم عليا على موبايلها ارتبطنا جدا ببعض وهيه عرفته رقمى عرفت ماما وهيه مش وافقت اننا نتكلم مع بعض هوه ظروفه كانت صعبة مكنش مخلص كلية بسبب ظروف فحياته اخرته بس اول ماحبنا بعض قدم فكلية تانى وقفت جنبه واستنيته اهلى مهم جدا عندهم ان الانسان اللى يتجوز بنتهم يكون عنده مستقبل والتعليم رقم واحد فى حياتنا بعد دا كله حاولت سنتين اقنع اهلى بيه وانه خلاص هايخلص كلية واتقدملى واهلى وافقوا بس اهل مامته ومرات اخويا كانوا بيبعدونا عن بعض بكل الطرق ولما فشلوا بالذات مرات اخويا وقعت العلتين فبعض وكرهت مامته فيا وفاهلى لدرجة انها اتخانقت مع اخويا وقالته انى كنت بكلمه قبل الخطوبة وانى انا اللى حاولت اكلمه واوقعه انا وماما طبعا اخويا اتخانق معاها وغضبت فبيت اهلها وقالت ان خطيبى هوه اللى قالها انى انا اللى بجرى وراه طبعا عشان توقع الاطراف فى بعضها كبر الموضوع واهلى رفضوه بسبب انها جابتها فمنطقة الكرامة ومش كرامتى لوحدى واهلى كمان من حوالى 8 شهور وانا بموت محتش انى عايشة من يومها خطيبى كذب كل كلام مرات اخويا وحاول يتمسك بيا وقاطع اهله وهوه كمان تعب اوى مقدرناش نبعد عن بعض حاولنا وهوه حاول يتقدم تانى اهلى مش موافقين ولا مامته رضيت تيجى معاه مع ان اهلى مطلبوش حاجة منه تقريبا قالوا علينا كلام كتير وفترة الخطوبة كانت صعبة عليا انا وهوه بدل منكون سعدا هو عمل اللى قدر عليه وانا كمان عشان نتمسك ببعض استنيا الظروف تهدا ويتقدملى تانى لكن بالعكس كل يوم مرات اخويا تعمل مشاكل اكتر لدرجة انها رفعت قضايا على اخويا وسرقت العفش والشبكة هيه واخواتها و قالت فالقضايا ان اخويا اخدهم ومنعته يشوف ابنه 7 شهور دلوقتى انا كل يوم بيفوت عليا بحس انى بتخنق وبموت مبقتش بحس بطعم الضحكة ولا الاكل حتى الهوا بالنسبالى سم الدموع مش بتفارقنى وقلبى سكاكين بتقطع فيه ده اقل وصف وهوه كمان بيتعذب زيي حاول يكرهنى فيه ويعرفنى انه بيحب غيرى عشان مصلحتى مقدرتش اكرهه بالعكس اتعذبت اكتر دى قصتى باختصار بس السؤال هو مش عايزنى اتعذب ولا هوه وعايز يتقدملى لاخر مرة ونعمل اللى فجهودنا انا وهوه وهايتقدملى لوحده من غير اهله واهلى 95% هايرفضوا بس لو هوه عمل كده ورفضوا عايزنى اروح معاه واعرف اهلى قبل ما نتجوز انا عارفة انى مقدرش اعمل كده فاهلى وانا مش انانية وفنفس الوقت مش قادرة ابعد عنه الدبح عندى اهون اعمل ايه وخايفة اقول لا يتجرح منى ويفتكر انى بعته اعمل ايه ساعدونى وارجوكوا حاولوا تحطوا نفسكوا فى وضعنا احنا بنحب بعض لدرجة الجنون مش قادرين نشوف حد غير بعض فالدنيا ارجوكوا ساعدونى ارجوكوا بلاش الاستهزاء بالام الناس يمكن اللى بيتريق ده عمره ماحس بالالم اللى بحسه انا مش قادرة اعيش وبتنفس بألم بلاش تكونوا سبب فألم واحدة قلبها مجروح وروحها كل يوم بتطلع كفاية اللى حصلى انا عمرى ماتمنيت لحد الا كل خير‬

الكومنتات

المشكلة اني عاوزة اتجوز ظابط ..

‫المشكلة اني عاوزة اتجوز ظابط .. هي دي المشكلة .. و انا في ابتدائي كنت بحلم اتجوز ظابط..و انا في اعدادي عاوزة اتجوز ظابط.. و انا في ثانوي عاوزة اتجوز ظابط..المشكلة اني خلصت مرحلة المراهقة من زمان و كنت فاكرة الموضوع هينتهي بس لا دلوقتي بقي عندي 27 سنة و في نفس ذات المومنت عاوزة اتجوز ظابط .. اتخطبت قبل كدة لمحاسب في شركة بترول علي اعتبار ان كان مركزه كويس و متدين و وسيم بس سبته عشان كان بخيل اوي اوي و فرحت فرحة الاهبل لما فركشت عشان هرجع لحلمي اني عاوزة اتجوز ظابط المشكلة بقي دلوقتي اني لما بعرف ان حد متقدملي بقيت اسأل بيشتغل ايه ؟؟ ظابط اعد معاه و اشوف هيبقي في قبول ولا لا .. و لو مش ظابط مبسمعش حاجة في الموضوع .. اعمل اييييييه !! شايفاكي يا اللي هتقولي ايه التفاهة و المحن ده .. علي فكرة انتي كمان عاوزة تجوزي ظابط و شايفاك ياللي هتقول فين المشكلة انا احط ايدي عالمشكلة تلاقيني فوريرة علطول المشكلة اني مش عارفة اقبل فكرة اي حد تاني الا الظابط و شايفاك ياللي هتقول مالهم الدكترة و الصيادلة و المهندسين و المحاسبين و النبي انتوا زي الورد و تحياتي طبعا لكل وكلاء النيابة اللي متخرجين من شرطة .. و متشكرين‬

الكومنتات

زى اى شاب ابحث عن زوجه تشاركنى حياتى سألت بعض المعارف تبحثلى عن زوجه ( صالونات)…

‫زى اى شاب ابحث عن زوجه تشاركنى حياتى سألت بعض المعارف تبحثلى عن زوجه ( صالونات) نظراً انى لست مقيم فى مصر مقيم فى دوله اوروبيه ، كان الرد ” عايز تجيب شبكه بكام علشان اشوفلك عروسه مناسبه” انا ممكن ماكنش احسن واحد فى الدنيا بس مش على قد فلوسى ادور على عروسه.

اعتذر لبنات بلدى ومنهم اختى بس الى اهلكوا بيعملوا فينا ده كتير، انا عارف ان فى بنات كويسه بس مع الاسف قليله. احب اقول لكل واحده اهلها بيعملوا كده اتقوا الله! وافتكرى والدك وصل للمستوى ده بعد قد ايه. الله يسامحكوا والله سديتوا نفس الواحد عن الجواز بعد ما كان طاير من الفرحه انه رايح بلده يقابل بنات الحلال
بالنسبه للشباب ماتتجوزش واحده تطلب طلبات فوق طاقتك الجواز عمره ماكان عبىء ماتستلفش ! ولو عندك فرصه تتجوز واحده مش مصريه توكل على الله فى زوجات نجاحه وفى لا زى لو اتجوزت مصريه بالظبت
للبنات والله العظيم مش تناكه بس فى مفاهيم مجتمعيه غلط لازم تتغير مش لازم تقارنوا كل واحده جالها شبكه بكام وفرح فين دوروا على الى يسعدكوا مش الى يعملكوا ويجبلكوا
ربنا يصلح الحال ( بلاش تريقه الله يكرمكوا و ادعولى الاقى بنت الحلال)‬

الكومنتات

انا مشكلتي مش عارف هي مشكلة ولا لاء عايزكم تقولوا انتم انا شخص غيور جدا جدا (شرق…

‫انا مشكلتي مش عارف هي مشكلة ولا لاء عايزكم تقولوا انتم انا شخص غيور جدا جدا (شرقي اوي يعني ) يعني كنت مرتبط بواحده و الصراحه حبتها بجد و كنت محافظ اوي عليها و كنت بغير عليها من تراب الارض حتي من قرايبها الشباب والله كنت بغير عليها جدا و كنت بحبها لدرجة اني حاطط في دماغي ان خلاص اول ما هجهز نفس هروح اخطبها بس الموضوع باظ بسبب صحابها معظم بنات اليومين دول بيلبسوا البناطيل الديقة و الحجات القصيرة و اللبس القذر ده المهم انا اقنعتها فيوم انها تتحجب مكنتش لسه اتحجبت بس صحابها طبعا قلعوها الحجاب و خلوها تلبس زيهم و ده كان سبب من اسباب اني انهي الموضوع هل انا غلطان ؟ و هل انا غيور فعلا زيادة عن اللزوم ؟ و الموضوع الغيرة ده مش عليها بس ده علي بنات عائلتي و امي بغير عليهم جدا و بلاش تريقة والنبي يا جدعان‬

الكومنتات