اكتر المشاكل شهره

اخر المشاكل


الاعضاء19,352

الكومنتات 25,958

المشاكل 31,041

انضم الان: اخر الاحصائيات


[wpdreams_ajaxsearchlite]

سؤال ربما يكون غريب بس حقيقى محيرنى ومحتاج اجابته ازاى افهم نفسى انا معاها من 2…

‫سؤال ربما يكون غريب بس حقيقى محيرنى ومحتاج اجابته
ازاى افهم نفسى انا معاها من 20 سنة ولسه مفهمتهاش مش عارف ايه مميزاتى ربما اكون عارف بعض عيوبى لكن مقدرش اقول عن نفسى ميزه واحده وعلى اساسها مبعرفش اقدر كويس ايه المناسب واللى مش مناسب ليا فى خيارات كتير مهمة جدااا فى حياتى , لو حد يعرف #ازاى بجد محتاجه يساعدنى؟؟
شكرا‬

الكومنتات

انا عايزة اخذ رايكم ف حاجة ..

‫انا عايزة اخذ رايكم ف حاجة .. اخوياا راسه و ألف سيف يتزوج مغربية و هو اصلا خااطب بنت خالتي بس مش رسمي بس أمي ادات كلمتها لخالتي و مش عايزاها تزعل و امي شافت المغربية ده و حبتها و بصراحة احنا كلنا قابلين بس خالتي و بنتها نعمل معاهم ايه‬

الكومنتات

نزل يا ادمن من غير اسم …

‫نزل يا ادمن من غير اسم … أنا عندى 21 سنة و عندى مشكلة كبيرة اوووى و مش لاقيلها حل … زمان لما كان عندى 7 سنين اتعرضت لتحرش جنسى من راجل كان فوق الخمسين , كان سواق التاكسى اللى بيودينى المدرسة و عشان أنا كنت عيلة صغيرة و مش فاهمة حاجة فضل يعمل معايا كده فترة بس الحمد لله ربنا سترها و انا فضلت بنت .. المهم بعد فترة قولت لماما بالصدفة و طبعا مش صدقونى وواجهووه و هو كذب و حلف انه مش عملى حاجة و اضربت أنا و اتعاقبت و الموضوع خلص على كده .. و مرت السنين و فضلت اضحك على نفسى و كان ماحصليش حادثة باشعة زى دى فى يوم من الأيام بس للاسف ماقدرتش .. كل لما كنت بتعرف على ولد كنت بفتكر الراجل ده و اخاف منه و لما ولد بيقولى انه معجب بيا ببقى حاسه انه عايز منى حاجة وحشه و مش باديه فرصة يدخل حياتى و يقرب منى .. و قضيت مراهقتى كلها كده لوحدى خايفة ان حد يقرب منى و دلوقتى لما كبرت و المفروض انى اتجوز برضو نفس الموضوع واقف فى طريقى و كل عريس بيتقدملى مابحسش انى مستريحة لييه و برفضه و مش عارفة هفضل كده لحد امتى … و كمان بفكر حتى لو غصبت على نفسى و اتجوزت واحد ازاى هقدر اعيش معاه الحياة الزوجية اكيد كل حاجة هتحصل بنا هتفكرنى بالراجل ده و هتخلينى اكرهه و اظلمه معايا و هو مالوش ذنب …. انا تعبت اوووى و مش عارفة اعمل ايه انا نفسى اتجوز و اخلف و يكون ليا عيلة و اعيش زى اى بنت طبيعية بس غصب عنى مش عارفة انسى اللى حصل زمان … أنا فكرت كتيير ارووح لدكتور نفسى بس اهلى رفضوا جداا و والدتى حلفتنى انى ماعملش كده و كمان أنا عمرى ما اجرات و حكيت الموضوع ده لأى حد ابدا و لا أقدر احكيه لحد …. ساعدونى و انصحونى اعمل ايه‬

الكومنتات

انا من اسكندرية وكنت شغال في باند كبير ومشهور وانا بدرس في حقوق المعاناة بقا ان…

‫انا من اسكندرية وكنت شغال في باند كبير ومشهور وانا بدرس في حقوق المعاناة بقا اني بحب المزيكا واهلي رافضييين شغل تاني فالمزيكا اسمع كلامهم واشتغل حاجة مش بحبها ولا اية ساعدوني‬

الكومنتات

المدير بتاعى حاططنى فى دماغة لدرجة لا تتخيلها مستقصدنى من الاخر .عشان مبعرفش اطب…

‫المدير بتاعى حاططنى فى دماغة لدرجة لا تتخيلها مستقصدنى من الاخر .عشان مبعرفش اطبل زى زمايلى فى الشغل.اللى يقولة ياباشا وياريس واللى ياخد عربيتو يصلحهالة فى الحرفين واللى يجيب لة الاكل لحد البيت واللى يعملو سباكة البيت الخ الخ الخ انا بقة مبعرفش اعمل كدة ولا بعرف اطبل عشان كدة هو حاططنى فى دماغة ومستقصدنى واحتمال كبير يوقف ترقيتى. الحل اية اطبل زى زمايلى ولا امشى على منهجى انى اكون فى حالى واخد بالى من شغلى مع العلم ان احنا 3 افراد مبنعرفش نطبل زى باقى الزملاء.بالله عليكم عايز حل للمشكلة دى بدون تريقة بالله عليكم.موظف بنك‬

الكومنتات

هو انا لو خطيبي مسافر بلد عربي بيشتغل وانا عايزة حاجة من هناك مفروض اطلبها منه و…

‫هو انا لو خطيبي مسافر بلد عربي بيشتغل وانا عايزة حاجة من هناك مفروض اطلبها منه ولا مينفعش وهيفتكرني مادية؟ انا لو عليا اديله فلوسها بس برضو خايفة اقوله كده يزعل مني‬

الكومنتات

والدي شخصية سيئة، لا يصلح يكون زوج ولا أب، كل واحد له حظه السيء من الدنيا وأنا ت…

‫والدي شخصية سيئة، لا يصلح يكون زوج ولا أب، كل واحد له حظه السيء من الدنيا وأنا تقبلت إن يكون ده حظي والحمد لله على كل حال. هو صعب يتغير ولا ينفع معاه الكلام، وأنا مبحبوش نهائيًا وده غصب عني لكن مش عايزة أكون ابنة عاقة برغم ده. تنصحوني أعامله إزاي؟‬

الكومنتات

عن تجربتى القاسية مع الاكتئاب سأتحدث وأريد نصائحكم الجليلة :

‫عن تجربتى القاسية مع الاكتئاب سأتحدث وأريد نصائحكم الجليلة :
اصبت ف عام 2010 بمرض الاكتئاب ثنائى القطب او الهوس الاكتئابى او اكتئاب الهوس والجنون او ال bipolar disorder واعانى من هذا المرض حتى الان ... رحت لدكاترة بالهبل ... شوفت الويل ايام وايام ف المستشفيات ال طبية النفسية ... اتحجزت ف اماكن كتير .. مشيت ع ادوية حتى انهك جسدى .. اخدت حقن عضل لما اتفشخت... اخدت جلسات كهرباء لحد لما دماغى اتشوت.. اتعذبت ف النزم كتير جدا .. بطلت صلاة واتحولت حياتى لجحيم يومى دائم .. صرفنا فلوس بالالفات المؤلفة والله لحد لما استلفنا من الناس ... كتبنا ورق وطلبات واستنذفنا ورق بالهبل ف كتابة اعراض وعمل ملفات بالحالة المرضية..اتمرمطتنا ف الكلية وتاخر مستواى الدراسى وتخرجت دفعتى منذ سنتين وانقطعت عن الدراسة لمدة سنتين ... ومنذ اغسطس 2012 لم اصنع انجازا واحدا يذكر بالمرة ... نوووم +اكل+ ادوية + نت وبس ... هروب من كل شئ .. هروب من الخروج اوحتى النضافة الشخصية الاهتمام بالذات ... تدنى ف المستوى العقلى .. خمول وضيق وقريفة وصداع وتعكر مزاكى وكل الاعراض الاكتئابية العامة والخاصة ...
ارجوكم .. يا من تسمعنى.. اخيكم يعيش ف جحيم لا يوصف ولو ف مجلدات تكتب ... هل من شخص لديه حل او مخرج ؟... هل حد يرشك اسم طبيب او طبييبةاروحلهم .. هل حد يشير على بقول او نصيحة او توعية ا و وصية او موعظة حسنة ... هل حد يقدر يفيدنى لو مر بحالتى وكانت له تجربة مرضية قاسية مع الاكتئاب .. هل من مغيث ا معين او ملبى او متعاون معى ... هل احد يسطتيع ان يقول لى كبيف اعيش لانى انسان متدمرنهائى ... انسان ميت ولكنه حى ... ارجوكم يا كل انسان ورجل ويا كل انثى اوامراة ف هذا الجروب شجعوا انفسكم ع ان تكتبوا وتناضلوا معى كى نخرج من هذه المأساة ..اكتبوا ولو سطور نصيحة وانا هنفذها ...
محتاج كل كلمة وكل همسة عتاب وكل قول منكم ..
اخيرا اسف ع لاطالة وجزاكم الله خيرا‬

الكومنتات