Egypt Society Problems

مشاكل الحياه المصريه



السلام عليكم انا كنت مترددة جدا قبل ما ابعت لكم مشكلتى بس انا بجد ربنا اللى يعل…

‫السلام عليكم
انا كنت مترددة جدا قبل ما ابعت لكم مشكلتى بس انا بجد ربنا اللى يعلم قد ايه انا تعبانة جدا ,, انا اتعرضت لحادثة اغتصاب من سنة ونص تقريبا
وللاسف سكت علشان اسباب كتير اولهم اهلى وانهم ممكن يروحوا فيها
غير نظرات الناس وان حياتى هتتلغبط وحاجات كتير جدا انتو مش هتقدروا تحسوها وعارفة ان كل واحد هيقول المفروض متسكوتيش بس بجد اللى بيشوف الموضوع من برة غير اللى عاش المشكلة بنفسه انا مش مشكلتى ان حصلي كدة على قد ما مشكلتى انى حاسة انى مينفعش اعيش زى بقيت الناس
مينفعش احب ولا اتحب وبمنع نفسي من انى اتعرف على اى حد او افتح قلبي لاى حد زمان كنت بقول انه عادى وان انا ماليش ذنب فى كل اللى حصلي وان فى رجالة بجد بتفهم وتقدر بس بعد ما حصلي كدة بفترة اتعرفت على حد وحبيته جدااا وهو كمان ولما اعترفلى بحبه صارحته وكان رده بيوجع اوى رده كان ” وانا اعرف منين انك شريفة فعلا وان دة كان غصب عنك ”
وقتها عرفت قد ايه مفيش انسانية وان الناس وحشة وان انا مينفعش اعيش زى اى بنت واحب عادى واتجوز انا كان ممكن اعمل عملية بكل سهولة بس انا مش عايزة اغش ولا اخدع حد
فكرت كتير جدا فى الانتحار لانى مش عايزة اعيش واكمل حياتى كدة واللى عمل فيا كدة عايش ومش هامه ولا خايف من بكرة ولا خايف يعيش حتى زيي
لما بفتكر زمان لما كنت بقول هكون اسرة جميلة وهعمل لاولادى حاجات كتير متعملتليش
وابص لنفسي دلوقتى وانا بس كل اللى بفكر فيه ان حصلي اغتصاب
زمان قبل ما انام كنت بتخيل شكل حياتى انا وجوزى واولادى اللى معرفهمش
دلوقتى كل اللى بييجي فى خيالى اللى حصلي واللى لسه هيحصلي
يمكن بعت مشكلتى عشان انا محتاجة اتكلم فعلا بس عشان كمان اقول لاى بنت متسكوتيش على حقك مهما كانت الخساير :))
وربنا يتولانى انا واللى زيي‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,039

    انضم الان: اخر الاحصائيات