Egypt Society Problems

مشاكل الحياه المصريه



السلام عليكم بالنسبه للبنات اللى من المدن انتى ممكن تتجوزى…

السلام عليكم
بالنسبه للبنات اللى من المدن انتى ممكن تتجوزى شاب من الارياف ولما الظروف تتحسن تقعدوا ف مدينه ؟
وانا كشاب مغترب بره مصر نفسى اتجوز عن حب ازاى احقق دا ف ظروف سفرى خارج مصر؟
اللينك لو سمحت

  • مشاكل اخرى

  • اكتب رايك

    بص هيا بتختلف من واحده لوحده فى ناس حتستحمل وفيه ناس مش حتستحمل انا قرايبى كلهم من البلد وبحب اقعد عندهم على طول فيه ناس بتحب تروح زياره وخلاص ومبتحبش تقعد

    Salma Talaat says:

    عايز تتجوز عن حب اتعرف على واحده على الفيس والموضوع ممكن يمشى جدا جدا وناس كتير عملت كده ومتجوزين ومخلفين دى مجرد وسيله وبالنسه لان بنت من مدينه تتجوز فى الارياف انا من اسكندريه لما روحت الاسماعيليه سنه عشان الدراسه مكنتش عارفه اعيش هناك صعب اتاقلم لكن ممكن بنت من مدينه اصلها من ارياف توافق بس اللى اعرفهمكلهم صعب 🙂

    انا مش شايفة انه فيه مشكلة
    ع العكس ممكن تلاقي اللي بتحبك و تعيش معك بالظروف اللي انت عايش فيها

    ياباشا الحب نصيب .. واللي له نصيب في بوء مايه هايخده حتي لو فين فبلاش تربط ده بموضوع الغربه … وأصله مش لازم يبقي الحب هو العلاقة اللي قبل الجواز مايمكن تروحلها صالونات وربنا يرزقك حبها ويرزقها حبك … أأما بقي موضوع الأرياف ده فمالوش أي علاقة لإن الراجل بأخلاقه وأهله ونسبه والأرياف دي شرف مش عيب ولا عمرها هتكون عيب المهم انت بقيت إيه وبقيت راجل يُعتمد عليه 🙂 بالتوفيق يارب

    Vedra Phonix says:

    والله العيشة فى الفلاحين الصراحة تقرف ومفيش خدمات ولا عيشة اصلا ولا تعليم ولا ثقافة ولا اى حاجة … الناس مش بتبطل كلام اصلااا وبتكلموا على الناس وحاجة تقرف الصراحة . لكن فى المدينة كل واحد فى حالة ومفيش علاقات ولا اختلاط . وحاول تشتغل وترفع من مستواك واتجوز فى المدينة على طوال مش تتعب نفسك من الاول وابدا الخطوات صح مش لازن تسكن فى فيلا مثلا . عيش على ادك وربنا يرزقك الزوجة الصالحة

    شوف انا هقرا الكومنتات معاك لانى ف نفس الحوار ده بالظبط …مغترب بردو وعايش ف قريه وعاوز ارتبط وفى نفس والوقت يكون البدايه ف شقتى وبعدين بعد كده اجيب بره

    Rahma Mohmed says:

    على فكره دلوقتى عادى مبقاش فى فرق بين المدن والارياف كل حاجه اتطورت دلوقتى مبقاش فى حاجه فى الأرياف زى زمان وأنا بنت من مدينه شيفاها حاجه عاديه وده برضو بيرجع لتفكير الإنسان وده رأيى

    Koko Yasso says:

    حياه المدينة مختلفه عن الأرياف كمان الطبع مختلف يعنى متنتظرش من اللى حتجوزها من المدينة انها تخدم البيت كله باللى فيه عكس لو أخدت من الأرياف
    كمان ذى دينا ما قال لازم التكافا ولازم توفر لها نفس العيشه اللى كانت عيشها قبل ماتجوزها اوأحسن

    والله والله احلى عيشه كفايه انك لما يكون ليكي حق هتخديه.. لاكن معظم شباب المدن ماالهومش كبير… اسمعي مني انا جربت وكنت ف هذا ال واقع المرير من ابن المدن…. وكفاية الخير والحب إلى ف الأرياف…

    Nody Hamdy says:

    وانا عن تجربة اقدر اقول مينفعش لان ناس كتير كده بيغيروا كلامهم بعد الجواز ومابينقلوش للمدينة ده غير التدخل الدائم في حياتكم الشخصية الناس في الريف مختلفين في الطباع والتعامل البيوت كلها مفتوحة علي بعض في الفة بينهم وكلام كتير الي من المدينة مش واخدة علي كده متعودة علي الخصوصية وبيتكلموا في كل حاجة بجراة غريبة والله الي تقدر علي كده تروح بس الي ماتقدرش اوعي تيجي علي نفسك علشان ظروف لانك هتتعبي كتير قوي هناك

    Yasmin Kerr says:

    ا في الزمن الي احنا فيه ماينفعش تتجوز عن حب
    انت تتجوز بنت لما تشوفها كويسة ومحترمة
    وتدخل البيت من بابه وبعد الجواز حبها براحتك

    ثانيا /لو جيت لبنات القاهرة أغلبهم هيقولو لا وهيكون اول شرط شقه في القاهرة وماتقوليش هجيب بعدين
    لان بعدين مس هتجيب حاجه خلاص
    فنصيحة لوجه الله /خد وأحدة من نفس المنطقه بتاعتك عارفه التقاليد والعادات بتاعتكم كويس وربنا ييسرلك الحال

    الزمن اللي احنا فيه حاليا معتش فيه فرق بين الارياف والمدن بل والارياف بقت احسن واتطورت ومعتتش زي ايام زمان ايام الفقر والجهل والمرض وفيها اجدع ناس وفيها الكرم كله وناس بتدور علي لقمه عيشها مش نايم زي المره الحامل في البيت وياخد فلوس من امه عشان يسهر في القهوه يتريق علي اللي رايح واللي جاي وبعدين اللي في المدن اصلهم فلاحين وطالع عين ابوهم فبلاش منظره وفشخره كدابه وكلمه مدن وارياف ارتقوا شويه

    Rania Sultan says:

    ولا عمري أفهم واحد زي ده، يبعت يخاطب متابعي صفحة المشاكل ليه، إلا إذا كان عايز يوجد تبرير لشيء في نفسه. ولو هو مرتبط بواحدة من المدينة، الأولى إنه يكلمها مباشرة. واتقوا الله في بنات الناس.

    Mai El-Sawy says:

    ان شاءالله تحققه .. عادي يابني مع النت و وسائل التكنولوجيا مفيش حاجة مستحيلة.. مع اني دايما بقول التعامل الشخصي مع الانسان اللي تترتبط بيه افضل كتير واسهل انك تعرفه كويس… بس بالنسبة لحالتك يا تصبر لحد ما تلاقي اللي تحبها او تحب اللي مامتك تختارهالك ..

    Soad Ahmed says:

    لو فى بيت مستقل ليه لأ …بس فى بنات تقدر تعيش فى الريف وفى بنات متقدرذ الصراحه ..بالنسبه للجواز عن حب فانت ممكن تشوف زوجه صالحه وتحبها فى فتره الخطوبه يعنى !

    Waleed Samir says:

    الزمن دا انتهي خلاص ماعدش في فرق انت حاليا تنزل اي بلد ارياف متعرفش تفرقها عن اي مدينه بالعكس البيوت ف الأرياف اشيك واوسع واغلب البيوت حاليا اخدت الطابع الجمالي والمعماري ف التصميم وأهم حاجه ف دا كله التوافق بين الأتنين انا عن نفسي عندي شقتي ف سيدي بشر عبدالناصر ف مكان رائع جدا وبرغم من دا اعيش ف الأرياف . وأولادي ف مدارس لغات ومعنديش اي مشكله الحمدلله

    Nader Naizak says:

    نصيحه اخويه لكل بنت اوعي اوعي اوعي تتجوزي واحد يجوزك شهر ويسافر سنه وسناتين علشان نادرا ما هتستحملي علي الوضع ده يا اما بقي ياخدك معاه علي البلد الي مسافر بيها ودي نصيحه لوجه الله

    Dina Samir says:

    طيب ايه المشكله لما تتجوز من نفس المدينه بتاعتك لان مش سهل تلاقي واحده في المدينه تقدر تتأقلم بسهوله علي الارياف انتو الاتنين هتتعبو
    تاني حاجه لازم تتجوز عن حب في الغربه بالذات علي الققل تعوضك الحجات الي ناقصاك وتهون عليك غربتك ربنا يكرمك ان شاء الله ويرزقك الزوجه الصالحه ويجعل نصيبك افضل ما انت بتتمني انت والي زيك

    Mona Serag says:

    ياجماعه انتو لسه محسسني ان عيشة الارياف وحشه اوي كدا انا قاعده ف الاتنين والموضوع واحد ياعني مش بيفرق حاجه غير وجود ناس بتحبنا وبتخاف علينا وبنسبه لآنك مسافر ونفسك تحب انت ممكن تحب وتتحب عادي جدا بس تكون نيتك خير علشان الطيبون للطيبات

    انا من الصعيد وبموت فى عيشة بلدى…هو فيه احلى من الخضره والطبيعة والشجر والزرع والمساحات الزاعيه والراحه النفسيه
    وكمان ناس الارياف تعرف الأصول على حق وناس لما تطلع منهم العيبه
    وبيحافظو على بنات الناس كأنها جوهره فى بيتهم
    يابنى عيش عيشت اهلك وربنا يرزقك بالحلال ولا حب ولا كلام من ده ..سبحان الله بيآلف بين القلوب بالمحبه
    وربنا بيزرع الحب والموده والرحمه بين الزوجين
    بس اهم حاجه ..الاحترام والاهتمام
    هما أساس كل علاقه
    وربنا يوفقك

    وعليكم السلام ……سيدنا النبي قالك من ترضون دينه وخلقه…. واحنا مش هنعرف احسن منه …مقالش من ترضون ماله و مكانته وبلاده ….انا وانا من النوع اللي بحب العيشه في الارياف .ويارب ييسرلي ولكم ……وفعلا بتكلم جد …وعشان مش حد يقعد يترأ ويقول تعرضي نفسك …اقوله انا مش مصريه اصلا ..وبتكلم انطلاقا من بلدي

    Mostafa Adel says:

    وعليكم السلام ورحمة الله وبركاته

    حضرتك عايز كل حاجه من غير ما تخسر حاجه؟

    تتجوز عن حب دا لو كنت بتحبها من قبل ما تتغرب

    اتغربت من غير حب هتتجوز صالونات

    دا الواقع وع فكره انا متغرب زيك

    وهو دا اللي هيحصل

    بالنسبه ل الارياف

    ف ولاد الناس بيختارو ل بناتهم ناس ليهم اصل ومتربين وسمعتهم حسنه

    محدش بيبدء كبير

    ف النهايه كل شئ نصيب وربنا يهون علينا غربتنا

    الاعضاء19,352

    الكومنتات 25,958

    المشاكل 31,035

    انضم الان: اخر الاحصائيات