Egypt Society Problems

مشاكل الحياه المصريه



السلام عليكم..معلش مشكلتي طويلة شوية لكنها في غاية الاهمية و الخطورة.. أنا طبيب…

‫السلام عليكم..معلش مشكلتي طويلة شوية لكنها في غاية الاهمية و الخطورة..
أنا طبيب حديث التخرج (طبيب امتياز) .. مرتب طبيب الامتياز مش بيكمل٣٠٠ جنيه..!
زمايلي كلهم بيشتغلو شغل خاص في مستوصفات و دخلهم كويس جدا.. برغم انه ممنوع قانونا على الطبيب مزاولة المهنة قبل انقضاء سنة الامتياز..
مش المشكلة الحقيقة في انه ممنوع لان محدش واخد باله.. المشكلة فعلا انه حرااااااام...!! لان الطبيب في المرحلة دي غير مؤهل بالمرة انه يشيل مسئولية مستوصف لوحده.. و مش بيكون في حد اكبر يستشيره.. يعني من الاخر بيجربو و يتعلمو في الناس..!! مأساه بكل المقاييس...
طبعا انا لو هموت من الجوع مش هعمل كده.. قولت ادور على اي شغلانة حلال و تكون في مجالي اشتغلت في صيدلية زي دكاترة كتير برده... بس معجبتش صاحب الصيدلية.. لانه عاوزني البس الزبون في اي دوا.. لو الدوا مش موجود اقنعه بالبديل حتى لو الدوا الاصلي موجود في الصيدلية اللي جمبنا..!!!
طبعا الناس كمان بيحبو و يحترمو اللي يشتغلهم و يفتيلهم في كل حاجة.. أنا لو جالي حالة انا شايف انها اكبر من خبرتي لازم احولها لدكتور اكبر و ده ميقللش مني.. كل اللي حواليا طبعا بيفتو حتى لو مش فاهمين علشان يبانو انهم جامدين اوي قدام المرضى.. و تكون النتيجة ان انا دكتور مش عارف حاجة و هو دكتور جامد جدا و بيعالج اصعب الحالات..!
أنا تعبت و مش عارف.. معقول انا صح و كل الناس دي غلط..?!!
انا في نظر اهلي فاشل و مش نافع في الشغل و كل زمايلي طبعا اشطر مني و بيكونو نفسهم..!
يا ريت تقولولي رأيكم اعمل ايه خصوصا اني محتاج يكون عندي دخل كويس بالحلال من غير ما اغش و لا افتي و لا اضر و لا اجرب في الناس.. و هل فعلا انا صح ولا انا مزودها و مأفور زي اللي حواليا ما بيقولوا...؟‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,036

    انضم الان: اخر الاحصائيات