Egypt Society Problems

مشاكل الحياه المصريه



انا اسف لو هطول عليكم بس انا محتاج حد اتكلم معاه في الموضوع ده

دلوقتي انا في اولي ثانوي تمام اسمي عبدالله انا اكبر واحد في اخواتي
مشكلتي هيا اني مبروحش دروس ولا بروح مدارس انا روحت المدرسه اول شهر ونص كده
الحكايه بدأت ازاي ( أنا كنت في السعوديه من وانا عندي 4 سنين درست هناك لحد 2 ابتدائي يعني انا قعدت في السعوديه خمس سنين مسافرتش فيها مصر ولا حتي مره واحده تمام فا بعد ما خت شهاده 2 ابتدائي ابويا قرر اني انا ادرس في مصر لأن هوا كان بيقول ان التعليم مش قد كده في السعوديه تمام فا انا وامي واخويا الصغير بنسافر وقت الدراسه مصر وبعدين نرجع السعوديه في اجازه اخر السنه… مشينا علي النظام ده لحد 2 اعدادي وابويا قرر اني احنا منسافرش السعوديه تاني عشان 3 اعدادي شهاده وكده فلازم أذاكر عشان اجيب مجموع كويس … ابويا سافر السعوديه قبل ما يتجوز امي ب 2سنه هوا هناك شغال مهندس مدني بيجي مصر كل سنتين تلاته كده… هوا هناك بقاله 25 سنه مسافر ) فا في اجازه تالته اعدادي اجازه اخر السنه اول ما خلصت امتحانات تالته اعدادي وجيبت مجموع كويس ابويا رن عليا وقالي انا مبسوط بيك وبأذن الله انا هنزل مصر كمان اسبوعين وهنروح الشقه بتاعتنا اللي في الأسكندريه و هظبطك يعني فا المهم الأسبوعين خلصوا وهوا منزلش ع معاده زي ما كان بيقولي تمام هوا كان وحشني جدا ونفسي اشوفه لأن من 2 اعدادي مشفتوش يعني بقالي حوالي سنتين ونص مشفتوش فا انا رنيت عليه فاكان كل مره اسأله يقولي شهر والشهر يخلص وهكذا ….لحد ما الأجازه خلصت وانا طول الأجازه مستنيه يعني حتي مخرجتش ولا يوم مع صحابي ولا روحنا البحر ولا اي حاجه ..انا طول الأجازه قاعد في البيت ايوه بنزل مع صحابي نلعب كوره بلايستيشن اي حاجه كده ماهو مش معقول هفضل قاعد في البيت الأجازه كلها اكيد بنزل اشوف اموري اليوميه .. تمام فا اول ما الدراسه بدأت انا مكنتش مرتاح نفسيا حاسس اني مأجزتش اصلا فا قررت اني مش اروح دروس ,المدارس مكنتش لسه بدأت ..وقررت افهم ابويا اني بروح دروسي وتمام واموري زي الفل مفيش اي مشاكل ..انا معرف امي كل حاجه معرفها اني مش هروح دروس , ولا مدارس .. انا امي مبتكلمش ابويا متخاصمين حاجه زي كده يعني مبيكلموش بعض نهائي تمام ..اول ما المدارس بدأت قررت اروح المدرسة قعدت شهر ونص اروح المدرسه امتحنت امتحانات الشهر وبعدين قعدت في البيت.. المدرسه بتعتنا مش بتهتم بالغياب كده كده ,,انا مفهم ابويا طبعا اني بروح دروسي ومدرستي وبذاكر وكل حاجه بس انا طول فتره الدراسه دي بخرج مع صحابي بروح هنا وهنا بتأخر برا البيت عايش حياتي من الأخر ومش في بالي حاجه اسمها دراسه اصلا .. لحد امي اتضايقت من الموضوع وقررت اني لو مرحتش دروسي ومدرستي هتعرف ابويا ,انا برضوا مكنش في بالي لأني اصلا امي مبتكلمش ابويا ..تمام لحد اما ابويا رن عليا من 3 أيام وقالي انا هنزل بعد اسبوع انا مكنتش مصدق بس هوا بعت ليا صوره تذكره الحجز ع الواتس انا اتصدمت بقيت مش عارف اعمل ايه انا مفهمه اني بروح دروس ومدرسة .. .ا

انا متأسف اني طولت عليكو

( ارجو الرد في اسرع وقت )

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,035

    انضم الان: اخر الاحصائيات