Egypt Society Problems

مشاكل الحياه المصريه



انا بحكى وضع او تقريبا مشكلة ملهاش حل ,, مشكلتى…

انا بحكى وضع او تقريبا مشكلة ملهاش حل ,, مشكلتى ببساطه انى بتخدع فى الناس بسهولة .. انا عندى 25 سنة وكنت عاملة شركة صغيرة تسويقية ( تسويق عبر النت ) كنت الاول بفصل هدوم واحط اسعارها على النت الحمد لله كنت ببيع كويس وبدل ما كنت عندى صفحه عملت مندى صغيور وجبت واحده تساعدنى علشان اقدر اعمل شغل اكتر وكان فى واحد جارنا كان بيشوف النااس داخلة علينا فى البيت انا ووالدتى ووالدى المسن فأستغرب حكيتله القصه .. قالى انا ممكن اساعدك واوصلك الطلبات وكده قولته ازاى قالى بدلا ماتجيب حد يوديلك الحاجه اوصلهالك انا بس تشتريلى موتسكل وكل … قلت فكرة كنت موحشه شوية فلوس كنت نفسى اطلع والدى عمرة بس قلت ان شاء الله الاتنين يطلعوا السنه الجاية ,,, المهم الموضوع تمام وبقى كبير والحمد لله الربح بقى كتير مشاء الله ,, وبقيت الفلوس كتير وطلعت والدى ووالدتى العمرة وكمان بحاول اجهز اختى الكبيرة على قد ماربنا يقدرنى .. جيه فى يوم من الايام جارى الى اسمه ياسر ( حسبي الله ونعمة الوكيل ) قالى انه معجب بيا وباخلاقى وبشغلى وشوية كلام سوق من بتوع الناس القذرة الى بتلاقيهم فى كل حته .. صراحه انا كنت مش فى دماغى ,,, اتخطبنا وكانت الكارثه الكلام الحلو كلو راااح وبقى التفكير مادى جدا ومعظم الشغل متأخر جدا لانه الباشا مش فاضى اكتشفت انه بيسرقنى وبياخد فلوس من فلوس الشغل طبعا هددنى انا وامى الغلابه وقالى حموتكم فى الشقة وحاخد كل حاجه يا اما تدينى فلوس بالهداوة كده ,,, انا اتفجأة من هول الموقف سبحانك يارب هو ده الى ساعدته ووقفت جنبه ,,, طبعا اخد كل ما املك حتى فكرة المشروع بتاعى اخدها واخد كمان الموتسيكل واكتر من 17 الف جنيه ,,, واضطريت أسفأ انى اعزل من بيت الطفولة علشان هو جارنا .. ماقلتش غير حسبيى الله ونعمة الوكيل طبعا قالى علينا كلام زفت فى الشارع وقال انه سابنى علشان بتاعت رجالة وكلام قذر مش من بشر حسبى الله ونعمة الوكيل … كملت وماسكتش علشان اقدر اعيش اهلى الى ملهمش غيرى امى الغالية الكريمة الى ربنا يخليها باعت أخر غويشة فى ايدها علشانى علشان مصاريف الشقة الجديده الى هى ايجار ,,, كملت وعافرت فى الدنيا والبنت دايما مظلومه وطبعا علشان كنت شكلى حلو ومقبولة دايما فريسة سهلة لى اى حد اقدم ورقى وعاوزة اشتغل عنده … الى يقولى اشتغل سيكرتيرة وبعدين يتحرش بيا ,,, والى يقولى اشتغلى فى المخزن فى مصنع ملابس وبرضوه نفس القذارة ,,, الدنيا اتقفلت فى وشى خالص وكنت ببكى يوميا على الله علشان البيت كله واقف على دماغى والله ماتستغربوش عمامى كلهم اغنياء مشاء الله بس محدش بيفتكرنا غير مرة فى العيد بتليفون كل سنة وانتم طيبين وشكرا … رحت يمين وشمال فى كل حته قابلت بالصدفة واحده من اعز صحابى بالصدفة كنت معاها فى الكلية قبل ما اسيب الكلية ,,, اتكلمنا كتير وكده وقالت انتى بشتغلى فين وكده وقلتها مافيش حد راضى يشغلنى قالت انا بشتغل فى محل ستاير وبعمل تصميمات على الكمبيوتر وكده ( لاننا كنا خرجين فنون جميلة بس هى اتخرجت وانا سيبت الكلية فى ثانيه frown emoticon ) قالت ماتيجى تشغلى معايا قلت ماشى ,,, اشتغلت المرتب ماكنش حلو بس الحمد لله ستر البيت شوية وقدرت اجيب حاجات كويسة وادفع الايجار والله صاحب البيت راجل محترم عمره مابيسألنى على الايجار لانه عارف الظروف ,,, اشتغلت كتير وكنت بعمل تصميمات حلوة كتيرا جدا والمحل كبر مشاء الله والناس كانت بتيجلى بالاسم علشان كنت بعمل شغل حلو واتعلمت كتير فى المحل ده ,,, حوشت الفين جنيه وجبت كومبيوتر وبدأت اعمل شغل فى البيت والحمد لله كنت ببيع رسومات كتيرة وافكار كتيرة حلوه وبرضو مواظبة على شغلى الطبيعى كنت بحاول ازود دخلى ,,, المهندس كانت معجب بيا ,, كلم صحبتى وقالها تقولى وتلمحى انه معجب بيا وعاوز يخطبنى صراحه انا كنت معجبا بيه جدا وقلت شخصية حلوة وممكن يكون سندى الى فى الدنيا الى كنت بدور عليه كتييير ,, اتعرفنا على بعض وكلمنى كتير وكده وبدأت احبه وهو كان شخصية كويسه على عكس الى اكتشفته ,,, فى يوم من الايام اتصل بيا الصبح بدرى جدا وقالى تعالى ضرورى بدرى المكتب ,, جيت بدرى لقيته وشه احمر وعلى غضب ربنا قلتله مالك فى ايه قالى هو انتى بتلعبى من ورا ضهرى وراح رامى فى وشى كام تصميم كنت عملاهم لى ناس برة الشغل ,,, حسيت باالاهانه جامد قولته والله ابدا انا من وقت للتانى ببيع كام تصميم لى محل واحدة صحبتى وباخود فلوس كويسة منه وكمان المحل ده فى مكان وانت فى مكان تانى .. وانت عارف ظروف بيتى ودخلت بينا وشوفت الظروف ,, طبعا على كمية الاهانة والشتيمة الى عمرى ما اشتمتها فى حياتى انتى وانتى وانتى ,,, اخرجى برة مكتبى مالكيش شغل عندى انتى وحشه وخاينه قولته كل ده بتقوله علشان الشغل حسبى الله ونعمة الوكيل فيك ,, ليا رب كريم هو الى حياخد حقى ,,, ومن ساعتها ماخرجتش من البيت وجالى احباط من الحياه والدنيا والحياة بقيت صعبة اوى والمسؤلية جبل وانا بطولى واحده فى الدنيا اعمل ايه بس مافيش اى حد قدامى غير ربنا الكريم . هل انا صح ولا غلط ولا اعمل ايه دلوقتى فى الدنيا الى مشاية معايا كده ..بالله عليكم الى عنده حل ودماغه كبيره يقولى اعمل ايه …….. والله انا اسفة جدا انى طولت عليكم بس كنت محتاجه احكى لى اى حد

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,025

    انضم الان: اخر الاحصائيات