Egypt Society Problems

مشاكل الحياه المصريه



انا بنت عندى عشرين سنة ..اصغر اخواتى ..كلهم متجوزين و انا بس اللى عايشة مع والدى…

‫انا بنت عندى عشرين سنة ..اصغر اخواتى ..كلهم متجوزين و انا بس اللى عايشة مع والدى و والدتى..لسة بدرس بكليه طب...مشكلتى تتلخص ق الاتى: ال STRESS >>انا شايلة هم كل فتفووتة حواليا...و طول الوقت قلقانة...معنديش احتمالية تقبل اى مكروه فى حد من اخواتى او اهلى..طبعا دا طبيعى بس الوضوع عندى تجاوز الشكل الطبيعى...مثلا انا اخويا من قريب تعب و عمل فحوصات و محتاج جراحة اعصاب و مش قايل لحد غيري...و من وقتها و انا طول الوقت عياط و قلق و خوف عليه...والدى من قترة تعب...كنت هتجنن من الخوف و التعب لحد ما بقي كويس بفضل الله...وهكذا..طبعا الكليه طول الوقت امتحانات و كويزات...بتبوظلى اعصابي من التوتر ...رغم انى ظاهريا يعنى مش مجتهدة اوى او ميبانش انه فى دماغى حاجة...بس من جوة طووول الوقت خايفة...انا مؤمنه بالله و قضاؤه و لطفه جدا...بس مقدرش استحمل اشوف حد بحبه بيقول آه بس...
مؤخرا جالى الحمدلله ..مرض مناعى ..نقص اصطباغ الجلد و سقوط الشعر و صداع مزمن..و اكتر من دكتور اكدلى ان دا بسبب نفسي مش عضوى اطلاقا و مش هيتحسن غير بالتحكم فى النفسية...
انا حاسة طول الوقت انى شايله هم اكبر من سنى و قدرتى...و مش عارفة دا طبيعى ولا ايه..بس انا متعلقة جدا جدا بللى حواليا و بحبهم...و الغريبة انى يعنى مش بتكلم كتير مع حد ولا يبان عليا التلههف دا...و طول الوقت هزار و ضحك ...انما جوايا على طول بكلم ربنا و اشكيله و اطلب منه اللطف فى كل المقادير...افتونى بقي...جزيتم خيرا و اسفه جدا عالاطالة‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,035

    انضم الان: اخر الاحصائيات