Egypt Society Problems

مشاكل الحياه المصريه



انا عشت حياتى كلها محرومة من عطف والدى وحنان امى كنت مستنيه اليوم اللى اتخطب في…

‫انا عشت حياتى كلها محرومة من عطف والدى وحنان امى
كنت مستنيه اليوم اللى اتخطب فيه علشان الاقي اللي يحبنى بجد ويعوضنى عن كل ده
الحمد لله اتخطبت وانا في تانيه جامعه لواحد متدين واخلاقه كويسه
فى الاول مش كنا مقتنعين ببعض
بس بعد كده ربنا قدر انى احبه اكتر من اى حد او حاجه في حياتى
وهو كمان حبنى
في الاول كنا فعلا عايشين حياة اروع مما تتخيلوا
كان ممكن يفضل يكلمنى لحد الساعه 2 بليل وبيكون واقف في الشارع في عز التلج لانه ساكن مع صحابه في شقه في مكان شغله ومش بيعرف يكلمنى فيها
وبرغم البرد يفضل يكلمنى لحد الساعه 2 وساعات 3 كمان
وكان دايما هدايا
انا بحب الاكسسوارات فهو كان بيشتريها لي دايما
فجأة كل ده اتغير
بقي لو كلمنى ساعه يبقي كويس
ولو عدى يوم من غير مانتخانق يبقي انجاز
هدايا مش بقي يجيب لي غير لما اطلب انا
عيد ميلادى مش افتكره برغم انى قلت له قبلها باسبوع
ولما عرف حتى مش جاب لى حاجه
وانا اللى طلبت منه يكتب لى على صفحتى كل سنة وانتى طيبه هو مش كان راضي
كل حاجه نفسي فيها مش ينفع تتعمل من غير مااطلب
احساس وحش قوى ان حبيبك يعمل حاجه تفرحك لانك طلبتها منه
انا عارفه انه عنده مشاكل كتير ومشغول وتعبان بسبب حاجات كتير
بس الاهتمام بسيط قوى
هديه بتفرحنى
رساله حلوة
مش ينام قبل مايكلمنى
الساعه دلوقتى 1 بليل
هو اتصل بيا 3 دقايق تقريبا وقالى هاكلمك قبل ماانام ومش اتصل كالعاده
اقسم بالله انا بكتب الكلام ده وانا بعيط لانى تعبت من قلة الاهتمام
يعنى هى حياتى كلها هتبقي كدا
حزن دايما

واخرتى بتكلم مع عيل في ثانوى دلوقتى فيس بيقولى انتى بتلبسي النقاب الافغانستانى اصله شكله شيك قوى على البنات

انا تعبت وعارفه انه حرااام
حاجه كمان هو انا مفروض اقول لخطيبي على مكالمتى مع الولد ده

انا والله مش اتكلمت معاه في اى حاجه غلط

بس ضميري واجعنى لانى كده خونته‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,024

    انضم الان: اخر الاحصائيات