Egypt Society Problems

مشاكل الحياه المصريه



انا عندى مشكلة مع اختى ومراتى….انا بشتغل في احدى الدول…

انا عندى مشكلة مع اختى ومراتى….انا بشتغل في احدى الدول الاوروبية ومتجوز قريب من رومانية بحب مراتى جدا وهيا بتحبنى وفي نفس الوقت مليش غير اخت واحدة اختى الصغيرة بعد وفاة بابا وماما وخدتها تعيش معايا هناحسب رغبتها..المشكلة انها بتكره مراتى جدا لما كنت خاطب مراتى –كانت زميلتى في الشغل- اختى كانت معترضة جدا اول موقف حصل ان اختى خدتها من غير مانا اعرف عند مركز طبي وضحكت عليها وقالتلها علشان يبقي الجواز معترف بية لما تنزلوا في مصر لازم تحاليل معينة وراحت بطريقة غير مباشرة خلتهم يكشفوا عن عذريتها وطلعت فيرجن ولما اناعرفت انها عملت كدة في مراتى (خطيبتى وقتها) من ورايا بهدلتها وقالتلي كان لازم اطمن قلتلها هيا مش حتضحك عليا لو وحشة كانت قالت انتى مش من حقك تعملي فيها كدة..(ملحوظة : المسلمات والمسيحيات الملتزمين بيحافظوا هنا على عذريتهم لحد الجواز…اللي بتسمعوة في الافلام من انهم بيكونوا مش فيرجن دول اللملحدين واللي في الطرواة والاعلام والافلام اللي بيبينلكم عكس كدة هوة نفسة الاعلام في مصر اللي بيقول ان فيفي عبدة الام المثالية بتاعة المصرين ..ومش معنى كدة ان كل المصرين رقصات؟) …….تانى موقف حصل لما اتجوزنا اختى سابتلي البيت وراحت باتت في نزل (فندق) وكنت قلقان عليها علشان ماتعرفش غيري وفضلت يومين ادور عليها واسيب مراتى …وصالحتها ورجعتها تعيش معنا وطول ماهيا عايشة معانا وعمالة تلقح بالكلام مع مراتى ..ومراتى اصلا غلبانة وفي حالها ..قبل الجواز اختى قالتلي اراهنك انها مش حتسيب الشغل وتقعدلك في البيت دول عندهم قلة اصل وحتبيعك ..ويوم ما اتجوزنا وقعدت في البيت من شغلها علشان خاطري فضلت تقولي دة محن وكهن نسوان ما اتامنهاش ..المشكلة واللهى مابحبش ازعل اختى لان ابويا الله يرحمة موصينى عليها ..بس في نفس الوقت مابقتش طايق كدة ..انا اختى بتعمل عمايل وتلقح بالكلام بالعربي وكويس ان مراتى ماتعرفش عربي اوى عمالة تاخد على دماغها من اختى وتسكت .في موقف تانى .كنا بنتفرج على التلفزيون مرة في الصالة فانا متسطح ع الكنبة ورحت في النوم وانا لما بنام بشخر ..فقلقت من النوم لاقيت مراتى واقفة ادامى على الكنبة وبتبصلي فبقولها فية اية …فبتقولي اصلك كنت بتشخر جامد وانا برتاح لما بلاقيك بتشخر بحس انك كويس وبتتنفس ففجئة بطلت تشخر فقلقت افتكرت نفسك اتقطع فقمت اطمن عليك بس ..فلاقيت اختى جاية علينا وبتقولي دى تلاقيها كانت بتقرب منك تعملك سحر وانت نايم .مراتى خدت بالها واتضايقت جدا…ومرة كنت في المطبخ وكان مراتى بتطبخ مع اتى فدخلت اساعدهم فبقول لمراتى في وسط الكلام: سبحان الله الست هيا الست بتتكلم لغة واحدة مهما كانت جنسيتها هيا حتفضل واحد نفس الغيرة ونفس الطبع والحنية والنكد ساعات فردت اختى وقالت اه ماهو اخويا قبل مايعرفك عاشر بنات من كل الجنسيات وياعالم لسة بيعرف ولالا..فموقف تانى ..انا علشان مراتى قعدتها في البيت فبديلها كدة مصروف بسيط كل شهر حاجة ليها كدة ..اختى اول ماعرفت بقت والعة ومارضتش تسكت مع انى بديها بردو مصروف بس فضلت تسمم بالكلام وتقولي دى بكرة تحوشهم كلهم و تامن مستقبلها وتسيبك اقولها انتى هبلة ولا عبيطة دول ملاليم …و اول امبارح الاقي مراتى واحنا مع بعض في العربية بتكلمنى انها حوشت حاجة كويسة من الفلوس اللي بدهالها وبتاخد رايي تجيب لاختى اية هدية في عيد ميلادها ..بقيت بفكر في نفسي واقول شوف مراتى بتفكر ازاي وشوف اختى بتفكر فيها ازاي ؟؟ … انا مابصراحة تعبت من اختى وكل مازعقلها تخشلي في اسطوانة حتزعقلي علشان حتة اجنبية هيا دى وصية ابوك ..انا مابقتش عارف اتعامل ازاي بجد وصبرت عليها كتير انا الحمد لله بعرف ارد عليها بس حاسس ان صبري نفذ ..حاولت اجوزها واشوفلها كذا عريس مفيش فايدة…مراتى ساعات بتنجرح جامد اوى وبتسكت وبتاخد في نفسها ..بتكتفي بس لما تزعل بانها تقولي ..انت وعدتنى قبل الجواز انك عمرك ماحتظلمنى مش كدة ..انا حفضل واثقة فيك وحصدق اللي انت قولتهولي ..بس ماتخيبش املي.

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,036

    انضم الان: اخر الاحصائيات