انا متجوزه من 9 شهور من اول جوازى وانا متمرمطه مقعدتش ف شقتى ولافرحت بيها زى اى…

‫انا متجوزه من 9 شهور من اول جوازى وانا متمرمطه مقعدتش ف شقتى ولافرحت بيها زى اى عروسه وربنا كرمنى وحملت ع طوول يعنى انا خلاص ع وش ولاده المشكله ان حمايا مات قبل جوازى بتﻻت شهور وجوزى ليه اخت بنت واخ ولد البنت متجوزه ونقلت حياتها القاهره والولد بردو كذلك وانا جوزى قالى انا مش هسيب امى انا استحملت مع انى طبعا مش بستريح هناك وكمان انا لسه اعتبر عروسه معيشتش حياتى اقوله طب سيبنى ابات ف الشقه وبات عند مامتك ميرضاش ويقولى لمى حاجتك وروحى عند اهلك وطلعنى من بيتى كذا مره كده المشكله انه لما بيروح يبات عندها بينزل من الصبح مش بيرجع غير الفجر يعنى هى اصلا مش بتشوفه يعنى مش مثلا قاعد مونسها او بياخد باله منها ولما بقوله كده يقولى انا كده ضميرى مستريح وهى كمان مش شايفه ان الموضوع ده عامل مشاكل بينا تقوله يابنى روح اقعد ف بيتك لا مبسوطه كده وهى شايفانى متبهدله ومتشحططه كل شويه من بيت ل بيت المشكله الى مخوفانى بعد ما اولد قالى هنقعد ف كل بيت يومين انزل انا ازاى بطفله رضيعه ف عز البرد كده واشيل هدومى وحاجتى واتمرمط ليه وعشان مين انا قولتله خليها تيجى تقعد معانا بس مبترضاش طب انا ذنبى ايه معيش حياتى واستقر ف بيتى زى باقى الناس دى حماتى رجلها اتكسرت بنتها مفكرتش تقعد معاها مع العلم انهم بييجو كل اسبوع وانا الى قعدت اخدمها وانا ف الشهر التاسع جيت ع نفسى وع صحتى وياريته عاجب كل ده عشان ارضيه وبردو مفيش فايده الكارثه انى حاسه ان قعاده عندها مش خوف عليها زى مابيقول ده بياخد هناك راحته يرجع وقت مايحب ويتاخر براحته ومحدش بيساله وعايش حياته مع اصحابه لانى لما حصلت مشكله والموضوع وصل لاهلى قالى خلاص خليكى عند اهلك ونبقى نروح لما اخواتى ييجو اخر الاسبوع طب بالذمه دى اسمها عيشه انا بجد تعبت وزهقت حاسه انىمتجوزتش اصلا ولولا الحمل وبنتى انا مكنتش كملت ادعوولى ربنا يفرج همى واستريح واستقر ف بيتى ولو ماليش خير مع جوزى ربنا يشيله من قلبي ويرزقنى بالى يفرحنى ويحبنى ويحب بنتى‬

اكتب رايك
إلى الأعلى