Egypt Society Problems

مشاكل الحياه المصريه



انا مشكلتي انى خجولة جداا ومش بعرف احكي ولا اعبر…

انا مشكلتي انى خجولة جداا ومش بعرف احكي ولا اعبر عن مشاعري حتى مش بعرف أتكلم عادي مع اى حد ، بحس دايما بحاجة بتمنعنى انى اتكلم حتى لو عندى كلام كتير عايزة اقوله مش بتكلم .. دا بيحصل لما أكون مع اى حد إنما وانا بتكلم مع حد ع الفيس او ع الواتس عادى بكتب حاجات كتير ومش بيبقى فيه اى مشكلة . الموضوع دا مسببلى إزعاج بجد لأنى حتى لما اكون قاعدة مع حد مش بلاقى كلام اقوله او تقريبا مش بعرف اقول اى حاجة برد بس ع الأسئلة اللى ممكن الشخص دا يسألها وساعات كمان مش برد ع حد ! و الأسوء انى لما بشوف شخص حزين قدامي ببقى عايزة اقوله كلام كتير جداً وببقى فعلا حاسه بالوجع اللى هو حاسس بيه بس للاسف الشديد مش جريئة لدرجة انى اروح اقوله الكلام اللى ممكن لما يسمعه يبقى احسن وكمان لما بشوف حد مريض ببقى عايزة اعمل اى حاجة عشان اساعده وببقى حزينة جدا بس بفضل واقفة مكانى ومش بعمل حاجة حتى مش بعرف اقوله سلامتك او ممكن اساعدك ف حاجة او الكلام اللى الناس كلها بتعرف تقوله دا والناس بتفكر ان الموضوع مش فارق معايا أساساً وان انا مش بحس مع انى بكون اكتر واحدة بتتألم .. نفسي اتكلم عادي زى الناس واعيش من غير ما ابقى خجولة اوى كدا ، أعمل ايه ؟!

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,007

    انضم الان: اخر الاحصائيات