باختصار هي مش مشكله قد ماهي شوية فضفضه بس ، انا مريض بمرض اسمه الوسواس القهري ،…

‫باختصار هي مش مشكله قد ماهي شوية فضفضه بس ، انا مريض بمرض اسمه الوسواس القهري ، اكيد بعضكوا سمع عنه ، المشكله اني بقالي 5 سنين مصاب بالمرض ، من وانا عندي 11سنين ، لان حاليا عندي 16 سنه ، ف الاول مكنتش عارف الحركات اللاراديه دي تفسيرها ايه ولكن سرعان مابدأت ايرأ رابحث واسرش ع النت لحد ماوصلت لتقييم حالتي ، وسواس قتري ، واه متاكده عشان محدش يقول جايز انت واهم نفسك ، المهم بقا المشكله بتزيد اكتر واكتر ، بدأ يظهرلي تجاعيد ف وشي من اثار الوسواس ، مش كده وبس ، طول المده ال عشتها مع الوسواس خلته زي ماتقولوا يعمل آليه دفاعيه ضد معتقداتي ، بقيت بنصح اي حد واقنعه ، ف حين ان كلامي مبيأثرش في
البته ، حاجه كده ربنا يكفيكوا شرها ، ولكن احقاقا للحق انا ربنا عوضني ، تقدر تقول كده ان كل خير انا فيه بسبب الوسواس ، هتقولي خير ايه ياعم ده انت لسه عيل ، هقولك متبصش لسني ، الحياه الطويله مع الوسواس بتقويك وتضعفك ف نفس الوقت ، خمس سنين او اكنر معشتش لحظه بدون الوسواس ، وتريقه بقا من كل خلق الله ، القريب قبل الغريب ، لدرجة اني كرهت الناس وحياتي ، وصلت لدرجة اني مبقدرش ابص ف وش حد وانا بكلمه كتير عشان ميحسش اني مش سوي ، بقيت شبه انطوائي وبكتئب بسرعه ،
بس الحمدلله ربنا رزقني بناس بتحبني جدا جدا ويتخاف ع زعلي وبتهتم بيا ، وانا والله الوسواس حسن فيا ، اكتر من شخص شهدلي اني احسن انسان مر عليه ف حياته ، مش بذكي ف نفسي وربنا ، بس بوضحلك بس النعمه ال ف باطن الابتلاء ، هتقولي واما انتي راضي كده باعت هنا ليه ، هقولك فضفضه ياام ايييه حرام ، تعبت شويه قولت اجي احكي اسمعني شويه بقا ، عموما انا متعرضتش لاي علاج لاني يائس م العلاج ، انا بس بطلب منكم تدعولي من قلوبكم ، واتريقوا عادي اشطه انا نفسي هدخل اتريق وياكوا بس ادعوا ربنا يكرمكوا لواحد شبه بائس
ونزل يابا الادمن الهي يسترك ياسطا ..

اكتب رايك
إلى الأعلى