حبيت واحده مسيحية

مش عارف ابداء منين اول حاجة انا مسلم وعرفت واحده مسيحية كنت بسمع عنها كلام مش كويس زي مثلا علاقتها كتير وكانت بتصاحب كل يومين ثلاثة مثلا وحاجات زي كده المهم اتعرفت عليها وحصل بينا مواقف كتير وحبيتها وحسيتها جدعة وكل الكلام اللي كان عليها كذب ف سالتها قلتلها انتي فعلا كنتي كده قالتلي لا والله وحلفت بيا وحلفت بالمسيح وحلفت كتير بعدين عدت فتره وجم ناس وقالولي حاجات عنها وبالدليل والصور ف رحت وكلمتها قالتلي انا مرضتش اقولك عشان حبيتك ومش عايزة اخسرك وكل الكلام ده وتعيط المهم انا قلت كل واحد فينا ليه ماضي وحش ف عادي اسامحها وخلاص لحد من شهر تقريبا حصل اللي حصل وغلط معاها واتجوزتها عرفي وحصل اللي حصل ومفيش ثلاث ايام واهلها عرفو كل حاجة عشان هيه خافت وراحت حكت المهم اهلها رفعو عليا قضايا وبهدلوني وعملو قاعده وفي القاعده راحو جايبين البنت وقالولها لو عايزاه روحي معاه وملناش دعوة بيكي تاني قالت لا قدامي ف مكنش عليا غير اني بدل ما اتهزق واسكت اني اتكلم واقول بنتهم كانت ايه وانا جيت صلحت كل حاجة ف هما عشان منصب ابويا وبرستيج عيلتنا وعيلتهم ف راحو متنزلين على القضايا طبعا بعد ما اهل البنت كلهم عرفو والبنت اتفضحت وراحو واخدين تليفوني عشان الصور والشاتات بس دلوقتي انا عاوز اوصلها انا حبيتها بجد مش شايف نفسي غير معاها لدرجة اني رحت للسفارة عشان اقدم ورق هجره لكندا البلد اللي هيه عايشة فيها بس مش عارف اعمل ايه كل يوم ابعتلها مسجات اقولها خلي بالك على نفسك وحافظي على نفسك عشان مش واثق فيها من كتر ما كانت بتكذب عليا وفي نفس الوقت انا مريض بيها مش عارف وكل يوم اروح عند بيتهم ابص ملاقيش العربية بتاعتها ولا عربيات اهلها كانهم اختفو مش عارف اعمل ايه اكلم ابوها وامها وحاولت انساها واتعايش مش عارف !

اكتب رايك
إلى الأعلى