Egypt Society Problems

مشاكل الحياه المصريه



كان نفسي ابقي حلوة

انا مشكلتي باختصار ، ان عمري ما كنت حلوة في نظر الناس
انا عرفة الكلام اللي هو لازم انتي تشوفي نفسك حلوة و انتي اللي تثقي في نفسك و كل ده
بس انا مقتنعة ان البنت اللي و ثقة في نفسها ده جزء كبير من بتستمده من تلي حوليها
انا مش وحشة و ببص لنفسي في المرايا كتير بشوف شكلي كويس بالعكس الحمدلله احلي من ناس كتير
بس المشكلة في الناس و عائلتي بالأخص ، من و انا صغيرة بيتريقوا علي سماري و علي منخيري و لا دم يصنفوني انا و اخواتي ( بنتين) و انا اصغر واحدة و طبعا انا باخد لقب – اوحش وحده في اخواتها بس شخصيتها حلوة –
و اناصغيرة كنت بجد بضاااايق اوي ، ليه طيب ؟ انا ذنبي ايه ؟
انا كرهت سماري اللي هو انا اصلا مش شيفة أني سكرة اوي كده .. عادي قمحاوية و مش اوي كمان بس
مثلا بابا و لا ماما لما كنت البس غامق او اسود يقولولي ( انتي سوودة متلبسيش اسود ) فطبعا كنت بضايق جدا
عدت السنين و محدش حاسس اصلا أني بضايق ، كبرت و دخلت الجامعة و حابني واحد و انا حبيته جداااا و متجوزين دلوقتي بقالنا سنتين و معانا ولد
لما ارتبطت ، اختي الوسطناية اللي شيفك نفسها احلي واحدة في العيلة كان ديما عندها مشكلة ان محدش بيحاول يرتبط بيها علي عكسي كان ديما في محاولات و انا مكنش بيعجبني و في مرك قالتلي ازاي يعني انتي اكيد بتعملي حاجة يخليهم يعجبوا بيكي و لما ارتبط بجوزي قالتلي ده احلي منك و غريبة عجبه فيكي ايه
انا ديما مبردش لأني مبصدقش ، يعني حتي مستكترين عليا أحب و أتحب
و هنا بقي ديما مشكلتي ، ابني طالع شبه باباه و شكله ما شاء الله عسول ،فكل العيلة بقي من و انا في المستشفي يقولوا – الحمدللهههه طلع شبه ابوه بس ربنا يستر و البنت هي اللي متجيش شبه امها –
و هكذا بقي من ده كتير ، ابن اختي اول ما أتولد كانوا فكرينه اسمر فيقولوا و انا أعده طالع وحش لخالته …
من ده كتيييير بقي
مشكلتي أني بجد بقيت حسة ان كل الناس اللي أعجبوا بيا كان بس لشخصيتي
اه هي اكيد حاجة حلوة ان كل الناس بتقول ان شخصيتي حلوة و مسيطرة في شغلي و ناجحة فيه و محبوبة
بس هي دي الفكرة ديما بحس أني بتحب بعد التعامل
انا فعليا مفيش بني آدم قالي انتي حلوة !! كتير بيقولوا شكلك حلو انهرده ، لبسي حلو ، كلامك ، شخصيتك ، …
بالنسبة لجوزي : حسيت ان بعد ما بقينا اصحاب هو ابتدي يشوف ان حد كويس و شكلي مقبول ليه فحبني
هو في الاول فعلا مكنش بيحبني اوي يعني بس ده من ٨ سنين بس بعدها بسنتين فعليا كان بيموت فيا و انا وثقة من ده و مكنش بيستحمل اي حاجة تزعلنا و اول ما اتخرجنا اتخطبنا ، بس بعد ما اتخطبنا في مرة اكتشفت انه ساعات بيعد يقلب في صور بنات عادية علي الفيسبوك و لما قولتله ان دي حاجة تضايقني محبش انك تشوف غيري ، خصوصا انه كان ديما بيوصلي فكرة اني بس الي في حياته .. قالي انا غلطان و مش هعمل كده تاني و اني فعلا كنت ممكن أبص لأي بنت ماشية زي كل الولاد بس ده لأني طلعت وسط كل الناس ما بتعمل بس مش قصدي بده أنك مش ملية عيني او مش بعمل ده عن قصد اصلا بس بعد كده هقصد اني معملش ده فعلا
و فعلا من ساعتها و انا مشفتش حاجة
بس انا اللي خدت الموضوع بحساسية اوي ، كنت فكرة من يوم ما خلينا بعض ، اني اخيراً حد شفني حلوة .. بس ساعتها حسّيت اني عبيطة و ان مكنش شيفني فظيعة لأني فعلا مَش فظيعة و يمكن كل البنات دي احلي ١٠٠ مرة
بقيت ديما من ساعتها و انا ماشية ابص لأي بنت حلوة و انخيل يا تري دي هتعجبه في ايه .. طيب يا تري دي الناس شيفنها حلوة و مفرحنها بده ..يا ريتني كنت الشكل ده
انا عمري ما كنت كده .. بس بجد زهقت من كلمة ، انتي سمرة ، انتي قصيررررة اوي ، انتي طخنتي شوية، …
انا نفسي بجد احس اني حلوة مش مقبولة حلوة
انا مع جوزي كعلاقة حلوة جدا و هو بيقولي انا واثق ان عمري ما كنت هتبسط كده مع اي واحدة تانية و بيقولي اما والله شيفك حلوة و عجبتني كده و مش عاوزك تخسي وبحب لونك
بس كل الكلام ده جيه بعد ما حصلت مشكلة البنات بينا ، انا مصدقاه بس ديما بخاف
بخس انه بيحبني و بيعشقني و بيحب العلاقة معايا بس هو اكيد مش شيفني حلوة يعني ، أصل ازاي يعني كل الناس شيفاني وحشة و هو هيشوفني حلوة
ده ديما الحوار اللي بتكلم فيه مع نفسي و احيانا معاه
انا بقي شيفة نفسي اه مش حلوة بس مش وحشة .. عادي يعني …

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,025

    انضم الان: اخر الاحصائيات