Egypt Society Problems

مشاكل الحياه المصريه



انا بنت عندي 19 سنة من اسرة متوسطة الحال اوضاعنا المادية كويسة والحمدلله ،أنا مخ…

‫انا بنت عندي 19 سنة من اسرة متوسطة الحال اوضاعنا المادية كويسة والحمدلله ،أنا مخطوبة بقالي شهرين ونص وفاضل للفرح 3 اشهر ، المشكلة اللي انا بعاني منها ولا زلت بعاني منها ان خطيبي لمى يبقى فاضي بيكلمني وبنقعد نتكلم ساعات طويلة وم بنحسش بالوقت خالص ، اما لمى ابقى ساعات اطلبو ومحتاجاه يسمعني بيقلي انا مش فاضي دلوقت ولو اصريت بيقفل في وشي، وبعد كده يراضيني وانا بسامحو كل مرة ، وساعات لمى نتكلم بالليل ونكون في مكالمة طويلة واقلو اني نعست او عايزة اروح انام بيقفل في وشي وبعد كده يراضيني وعلى نفس الموال ، وانا كل مره بكلمو في نفس الموضوع واسألو انت بتعمل كده ليه بيقلي ببقى مضغوط في الشغل أو ساعات بيعمل كده عشان بيكون خارج مع صحابه أو ناس انا معرفهاش بسالو مع مين خارج يقلي مع ناس ، اما لو انا بالصدفة مردتش عليه او كان الموبايل بتاعي مشغول يفضل يسال لحد ما يعرف مين معايا ، انا دايما صريحة معاه بس هو بيكون غامض ومش دايما صريح معايا ، انا واياه بنخرج كتير وبنقعد مع بعض كتير بس تعامله معايا وهو بعيد عني في الشغل او اما بيبقى خارج مع “ناس” زي ما بيقول بيبقى مختلف عن ما بيبقى عندي وهو بيصلي وملتزم في الصلاة، انا مش عارفه هل سبب المشكلة ديه انو هو غني ف بيشوف حالو عليا .. أو ممكن تكون المشكلة ايه بالزبط من وجهة نظركم ، اتمنى اني الاقي اراء مناسبة عند حضراتكم عشان اعرف بعد كده اواجه. وشكراً‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,036

    انضم الان: اخر الاحصائيات