Egypt Society Problems

مشاكل الحياه المصريه



بما انها قلبت على رعب دا بقى ملعبى …

‫بما انها قلبت على رعب دا بقى ملعبى … خدوا الموقف دا حصل حقيقى ….. وطبعا بدون اسم …… الكلام ده من 15 سنه كنت بشتغل ف منطقه بقت سياحيه ومشهورة جدا لاكن ايام الموضوع دا كانت هووووو …انا كائن ليلى بعشق الليل جدا … ف اليوم ده خرجت اتمشى بليل كانت حوالى 12 بليل ومكنش جيلى نوم نهائى بسبب مشكله كنت فيها فخرجت اتمشى وافكر على البحر ورجلى سحبتنى بعيد … لحد ما لقيت نفسى قدام عشه قاعد قدمها راجل كبير ومولع راكيه نار روحت رايحله اول ما شافنى قالى انت مين وايده مسك شومه قولت بس هايروح رزعنى بيها قولت انا فلان وشغال ف كذا قالى وايه الى جابك هنا ومشاك كل المسافه دى … قولتله كنت بفكر ف موضوع شغلنى رجلى جابتنى لحد هنا … قالى اقعد ريح واشرب كوبايه شاى … لسه هقعد قالى معلش نولنى جركن الميه من جوة العشه … دخلت العشه لقيت سرير من الاقفاص عليه مرتبه وملايه نضيفه وتربيزة عليها عيش واكل متغطى وكلوب منور العشه ولقيت جركن الميه جنب التربيزة خدته واديته للراجل وقعدت وعمل كوبايه الشاى وقعدنا نرغى ف اى رغى … خلصت الشاى والنوم كبس عليا … لقيت بفرد جسمى على الكليم الى انا قاعد عليه وبقول للراجل صحينى لما الشمس تطلع … ابتسم وهز دماغه ورحت ف النوم … صحيت على الشمس وهى بتضرب ف عينى …. فتحت عينى وبتمطع وملقتش حاجه حوليا لا مكان نار ولا كليم نايم عليه مكنش ف اى حاجه غير العشه بس مكنتش زى ما شوفتها … كانت قديمه اووى ومقفوله بعروق خشب وبابها عليه قفل ولما بصيت جواها من بين فتحات الخشب كان جواها شبه مزبله …. فيما بعد عرفت انها كانت سكن غفير بيشتغل ف موقع جنبينا ومات جوة العشه دى و عرفوا بعدها ب 3 ايام …. هتصدقونى انى بعدها روحت هناك كتير عشان كان نفسى اشوفه تانى .. ليكم مطلق الحريه تصدقوا او متصدقوش الموضوع لاكن انامخفتش لان بجد شوفت كتير اووووى وحصلى مواقف كتير اوى من دى قبل الموضوع ده وبعده ودا الى جمد قلبى‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,039

    انضم الان: اخر الاحصائيات