Category : حب

مشاكل الحياه المصريه



Category Archives: حب

خطيبتى مش مهتمة بيا

خطيبتى تحبنى جدا وانا نفس الكلام المشكلة بدات من اربع شهور لما كلمتنى انها عايزة تعمل ماجستير وانا وافقتها وشجعتها بس للاسف مع الوقت بدات تبقى مشغولة اوى واهتمامها بيا مبقاش زى الاول هى بتعمل الى عليها دايما وبتحاول توفق بين كل حاجة انا خايف من نفسى الفترة الجاية انا من النوع الى بزهق وبمل بسرعة ولما بلاقى حد مش مهتم بديلة ظهرى على طول هى الفترة الجاية عدد ساعات شغلها هيزيد مع الدراسة يومها تقريبا مقفول حتى لما بنتكلم مبقتش زى الاول وانا عازرها واللة وواقف جمبها بس انا مبقتش قادر

احب فتاة تكبرنى بشهر

انا معجب جدا ببنت اكبر منى بس بشهر واحد وفيها كل المميزات الى بدور عليها فهل لازم البنت تكون اصغر من الراجل عشان العلاقة تنجح وهل انتم تنصحونى اصرف نظر عن الموضوع ولا ايه؟؟
وشكرا على افادتكم لى.

الحب

لو البنت عملت بلوك للولد وهو بيحبها وهي بتحبه وهي عارفاه انه بيحبها وهما عارفين بعض كويس جدا يبقي كده البنت سبته ولا بتتقل عليه

مليت من خطيبي

انا زهقت من خطيبي اوي مع اني بحبه بس هو اللي مزهقني منه هو شخص معندهوش طموح خالص في حياته يومه روتيني اوي مبيحبش يعمل جديد في حياته مبيحبش يفكر كئيب اوي حتى اما بيتكلم معايا بيكرر الكلام ومبيقوليش كلام مفيد زهقت واما اجي انا افتح مواضيع جديده يقفلها في وشي وبيبقى بايخ اوي هو مش بيبقى قصده بس هو بارد اوي وكلامه تقليدي اوي لدرجة اني بمل من المكالمه وبقفل حاولت اغير فيه بس مش بيتغير دا حتى مبيحبش التعليم كل مره يقولي انا عمري في حياتي تاني ما هقرا حتى جرنان مش عايز اقرا حاجه .. ومش عايز يسمع كلامي في حاجه عنيد اوي وعايز يبسطني على مزاجه يعني عايزني اتبسط بالعافيه على حاجات هو يعملها وهي مش بتبسطني اصلا وكمان عايز يعيشني في مكان انا مش حابه اعيش فيه خاالص وكل مره بقوله كده يقولي هتتعودي وانتي لو بتحبيني مش هتقولي كده في حين ان هو بيلاقي فرص شغل في اماكن تانيه وفرص حلوه جدا وبيرفضها عايزه حل انا تعبت ولا قادره اصلح فيه ولا قادره اسيبه عشان بحبه ومحدش يقولي لو بتحبيه تضحي وتستحملي عشان لازم نلاقي حل وسط يرضيني ويرضيه وكءا مره قولتله كدا وهو راسه ناشف اعمل ايه ياريت تفيدوني

تعبان نفسيا ومش مركز ف دراستي بسبب حبي لبنت خالتي وهى متعرفش

بحبها جدا جدا ويوميا بفكر فيها ونفسي اخطبها لاني بحلم تكون هى شريكة حياتي
المشكله: اولا هى ماتعرفش اني بحبها
ثانيا : مش غايز اعترفلها بحبي دلوقتي علشان دراستها هى في 3ثانوي
ثالثا: محرج ان اقول لابويا عايز اخطب وانا ف الجامعه
على فكره هى قريبتي ومحترمه جدا وجميله جدا جدا فوق الوصف
المشكله بتعاملني عادي ولوكلمتها ع الفيس عادي بس انا من جوايا نفسي اقولها بحبك بس خايف من رد فعلها تقولي انت زي اخويا او غيره
اعمل ايه ياجماعه ارجوكم

نفسي احب واتحب بجد

نفسي احب واتحب بجد
……………………..
اسمى احمد الشاعر
من اسكندريه
23 سنه
انا مش اجمل واحد فى الدنيا دى بس يمكن يكون ليا قلب اجمل من ناس كتير
………
نفسي احب واتحب بجد
حكايتى هقولها
بس دى صورة مش اكتر
من زمان كنت اسمع عن الحب فى حكايات
فى قصص فى روايات مكنش بيتغير
مبدا الحب جميل .قلوب بتعشق قلوب بتسامح
قلوب عايشه بجد بتبنى حلمها على وعد
حلم جميل بيبنو جنة حبهم
وتحس ان ليك حد يفرحك ويشيل عنك تعبك ويكون ليك
ناس بتتممنى
وناس كتير بتعشق
وناس كتير محتاجه تعيش لو لحظه حب وحده
.
كل حب فى حياتنا بيعيش جوانا
اصل الحب جميل و معناه اجمل
…………………..
ودلوقتى
نفسي احب واتحب بجد
نبنى مستقبلى وحلمى معا حلم انسانه حلمها نفس حلمى
تحب وتتحب بجد
انا مش عاوز جمال انا عاوز ادب واحترام
اخلاق وبنت ناس وطيبه
تبقا فى ام ولادى
تحلم واحققلها
اصونها و اخافظ عليهاا و من الدنيا كلها احميها
………………..
اللهم ارزقنى بمن يقربنى اليك
وهب لى من لدنك زرية صالحه
اللهم امين ….\
دا رقمى واتس او لاين او فايبر او ايمو

01099875484

مش بعرف اتكلم مع اي بنت

انا عندي مشكله كبيره جداا ليه كل ما اروح عشان ابقاا عايز ارتبط بي بنت مبعرفش اكلمهاا يعني اناا اي بنت بتبقاا عايزه اني اكلمهاا بس انا بهرب و مش عارف اظبتهاا ياريت ونبي حد يقولي نصيحه اواجه المشكله الي بتخليني مش عارف اتكلم مع اي بنت او اظبتهاا بس ونبي ما عايز تريقاا

مبعرف اكلم اي بنت

انا عندي مشكله كبيره جداا ليه كل ما اروح عشان ابقاا عايز ارتبط بي بنت مبعرفش اكلمهاا يعني اناا اي بنت بتبقاا عايزه اني اكلمهاا بس انا بهرب و مش عارف اظبتهاا ياريت ونبي حد يقولي نصيحه اواجه المشكله الي بتخليني مش عارف اتكلم مع اي بنت او اظبتهاا بس ونبي ما عايز تريقاا

مصري بدبي احببت باكستانية .. ولكن ما الحل!!!!؟؟؟؟

السلام عليكم ورحمة الله وبركاته
10 شهور مده عملي بالشركة
من اول يوم في الشركة دخلت قلبي وكياني عمري في حياتي ما حبيت ابدا وهي اول حب ليا
حاولت اربع شهور ابعد حاولت ازيح الفكرة من راسي لان عارف الموضوع مستحيل
ولكن حصلت المفاجاه من5 شهور حسيت منها باهتمام غير عادي ناحيتي
حسيت منها بالاعجاب ونظراتنا لبعض اكبر دليل علي ان الموضوع مشترك مابينا
كل مره ارجع واقول انسي صعب العلاقه دي تتم لاني من النوع اللي مايحبش يلعب ببنات الناس
بس للاسف مقدرتش ووقعت في احدي المرات وانا بتكلم معاها وعلمت بحبي ليها
وشفت فرحة في عنيها مش طبيعيه كانها مستنيه اللحظه دي مني من زمان
هي كمان اعترفتلي بانها بتجبني جدا من زمان بس كانت هي كمان بتداري عليا
هي جميلة جدا ماشوفتش اجمل منها في حياتي وكل الشباب بيضايقوها حتي فيه مديرين بالشركه حاولوا يقربوا منه
وعملت شكاوي كتير في اداره الشركة
لكن انا كنت بالنسبالها كل حاجه واديتلي رقم تليفونها والعلاقه كبرت جدا في الشهرين اللي فاتوا
اهلي مستحيل يوافقوا علي فكره جوازي بها لانها مش عربيه ومن بلد مختلفه
ولما حبيت اعمل جس نبض من بعيد لبعيد مع اهلي عرفت انه من المستحيل يوافقوا عليها
ومن شهر اتصدمت اكتر بعد لما عرفت قوانين الشركة تمنع زواج العاملين ببعض
انا عايز اعترفلها بان زواجي منها صعب جدا لاني مبحبش اكون انسان كداب
بس انا للاسف بعشقها وهي كمان بتموت فيا اعمل ايه بعد ما خليتها
تتعلق بيا مكنتش اعرف ان زواجي منها هيبقي مستحيل
وهل هقدر هتحمل نكون مع بعض بالشركة واحنا بنحب بعض
انا والله تعبان جدا وكل ثانيه قلبي بيبكي ومبقتش قادر استحمل كل الالم اللي فيا
انا عارف اني غلطت لما اعترفتلها من الاول بحبي ليها بس انا وقعت غصب عني كنت بحاول اداري علي اد مااقدر
لكن في لحظه نسيت نفسي وخليتها تتعلق بيا اكتر وممكن يجرالها حاجه لو قولتلها لازم نبعد
اعمل ايه

مشكلتي اني اول مره احب

انا شاب مصري عمري 22سنه في لجيش المصري وبحب بنت من المغرب وهي خايفه اني اتعلق بيها وخايفه انها تحبني وبتقولي مش عايزن غيرن نكون اصدقاء علشان انت ف بلد وانا ف بلد وعمرنا ما نتقابل وانا مش عارف اعمل ايه عايز حل ف اسرع وقت

الاعضاء19,352

الكومنتات 25,958

المشاكل 31,039

انضم الان: اخر الاحصائيات