Category : حب

مشاكل الحياه المصريه



Category Archives: حب

غرام وانتقام

انا مشكلتي اني كنت بحب المدرس بتاعي لما كان عندي سنه 16 وهوكان شاب صغير كان بيديني درس عربي وهو كان بيحبني وانا اتعلقت بيه اووي وكان بيعمل حاجات بتدل علي انه بيحبني مثلا كان بيمشي ورايا وانا بصراحه كنت امورره اوي يعني بس المشكله انه لما سابني انا مقدرتش انساه خالص وعلطول بحس انه معايا وانه هوه الحب الاول كان علطول بيعاكسني ويبصلي بصات مش عاديه انا دلوقتي عندي21 سنه ومشتفهوش بقالي سنين بس مش قادره انساه بيجلي عرسان وبرفضهم كلهم عشان مش لاقيه حد يحبني زيه وطبعا هو اتجوز وخلف دلوقتي بس انا مش ندمانه اوي عليه بس حقيقي انا اتعلمت منه حاجات كتير بس هوه قال عليه صغيره الله يسامحه لكن انا مش هسامحه حسا اني تعبت بعديه واتصدمت في حبي لييه اللي مقدرهوش واللي كان معتبره تسليه انا نفسي اقوله منك لله عشان عرفت تضحك عليا صح

الهرم الكوم الاخضر شارع الشباب

انا في بنت عايز اخطبها هي جارتنا وامي موافقة عليها بس معظم اهلي بيقوليلي ان البنت كويسة ايوا بس دا نسب مش مناسب علشان هما مش عايلة كبيرة عندنا وان خال البنت كان بيشمي مش كويس قبل كدا مع العلم ان البنت كويسة جدا وباباها راجل محترم وامها كويسة وهي وحيدا اية رايكم المهم البنت ولا اهلها لازم يبقوا نسب كويس اوي وبنت متعلمة واخلاقها كويسه وبعدين انا قادر بعد كدا اسيطر على بيتي مين اللي يزرنا ومين لا سوا اهلها او اهلي انا ايه رايكم

مشكلة خيانة . الرجاء النصيحة

تزوجت من حوالى سنتين ولى ولد منها حوالى عشر شهور . زوجتى عصبية جدا وتغضب لأتفه الاسباب و تذهب الى بيت اهلها رغم انها دائما تكون على خطأ. دائما تكثر الكلام على اهلها وتقول لو زعلتنى أهلى هيعرفوا ياخدوا حقى. وكنت كل مرة اذهب الى بيت اهلها لاسترجعها فى نفس اليوم. ولا أجد من ابيها او أمها ردا على افعالها ويبرؤون افعالها بأنى اعاملها بطريقة غير لائقة فبالتالى هي لها الحق ان تكون عصبية لهذه الدرجة. توالت غضباتها اكثر من مرة وكل مرة اذهب الى بيت أهلها ولا أجد من ينصرنى. وكل مرة استرجعها اجد انها تسئ معاملتى اكثر من ذى قبل. ويعلو صوتها لدرجة ان الجيران يسمعون صوتها العالى ويشهدون بذلك و تطلب الطلاق اثناء عصبيتها. وكثيرا ما كنت ارضيها وأحاول تهدئتها. وكأنها استشعرت ان الطلاق يهددنى. أخر مرة تركت البيت قررت فيها ان لا أذهب مجددا لاسترجاعها. وطلبت من أحد الاقارب التدخل فى الأمر والذهاب الى أبيها والتحدث معه ولكن دون جدوى. بصراحة كنت انوى استرجعها لكن بعد مضى فترة كنوع من التأديب. مضى شهرين على هذا الحال.كنت أعرف كلمة مرور حسابها على موقع التواصل الاجتماعى وكنت كل فترة افتحه للمراقبة وهى فى بيت اهلها. تفاجئت انها تكلم شخص من الاقارب لها على الانترنت فى مواضيع جنسية ثم تطرق الأمر الى انهما يتخيلان نفسهما على فراش واحد. ووجدتها تحكى بكل سفالة وبألفاظ بذيئة كل مايدور بينى وبينها من علاقات جنسية. ثم اعطته رقم تليفونها ليستكملوا الحديث عبر التليفون. ولا أعلم ماتم خلال المكالمة. صدمت صدمة شديدة عندما قرأت كل الكتابات الوقحة بينهم. ولا استطيع فعل شئ غير البكاء. لا أدرى ما أفعل. اتصلت بها وانا فى شدة حزنى . قلت لها لماذا فعلت ذلك. انكرت فى البداية ثم قالت لى ” انت اللى خلتنى اعمل كدا وانت السبب” ولم اجدها ندمانة على فعلت بل اصرت انه خطئ انا وليس خطؤها. لم اجد من خلال كلامها انها تحس بذنب. بعد عدة ايام ذهبت الى محل عملى وقالت لى “انت عاوزنى انا وابنك ولا لأ ” .فشعرت انها سوف تقر بذنبها ثم قالت “انا قابلت شخص لا اعرفه فى المواصلات وقال لى اطلقى وانا هدخل البيت تانى يوم” . فزادت مصيبتى اكثر. ولا أعلم ماذا افعل معها هل اطلقها فهى حتى لاتعترف بذنبها وتقول “هوه انت مسكتنى معاه فى شقة !!!” وكأن هذا طبيعى والمفروض اتقبله. ام انا أخطأت بتركها فى بيت اهلها فترة طويلة

[email protected]

بحب واحد وعيز اخطبة وابوية مش موفق….. ارجو الحل

المحله

انا بحب واحده وهيا كمان بتحبنى بش المشكله ابل محبتها كنت بكلم واحده ابلها والوحده دى تلعط صحبتها وانا والله معرف ومش عارف احل الموضوع ده ازاى

هترجعلي تاني ولا لا؟؟

انا بحب واحدة من سنة و نص تقريبا هي تقريبا مش حبيبتي دي تقريبا حياتي كلها اتعرفت عليها بصعوبة جدا في البداية كانت رافضة الموضوع كفكرة صبرت اكتر من 4 شهور عشان بس ابدا افاتحها في الموضوع حبينا بعض من ايام ثانوي و عشنا اجمل ايام حياتنا لمسة ايديها دي هي اللي بتخليني حي مرت الايام و زيي زي اي شاب مصري كنت بحلم بمستقبل في كلية عسكرية فقدمت و كان وضعي مختلف اكمن والدي ضابط فعشمت نفسي و ركزت في التقديم فترة طويلة للاسف اهملتها فيها لكن يعلم ربنا والله كان عشان اخليها تعيش معايا في وضع كويس هي بتعشقني و بتحبني جدا والله و المشاكل دخلت علينا اول ما دخلت الجامعة طبعا بعد فترة اهمالي ليها الحياة الجديدة كانت صادمة ليها و عرفت ولاد و قالتلي زمايلي و مفيش حاجة و الكلام قدامك انا انسان غيور جداا مش بقدر استحمل للاسف كنت بشتمها حتي عشان اجبرها تبعد عنهم حصل موقف زبالة انها واحد قايلالي عملتله بلوك و مبكلموش رحتلها الجامعة لقيتهم ماشيين لوحدهم !!! مرت الايام و حاسسها بعيدة عني طبعا انا اترفضت من الكلية العسكرية من غير سبب فكان صدمة ليا و اهملتها تاني من اسبوع بالظبط خرجنا اكلنا و دخلنا سينما و كانت خروجة اول مرة تحصل تقريبا … كنت شايف الفرحة في عنيها و حبها ليا من يومين قالتلي صراحة بتكلم زمايلها الولاد في التليفون كمان و انها كدبت عليا كل ده و انها لو بتحبني كان حبها ليا منعني انا قولتلها مسامحك بس خليكي لكن هي مقتنعة انها بطلت تحبني … انا مش عارف الوم نفسي ولا الظروف ولا الوم مين بالظبط انا بعشق التراب اللي بتمشي عليه و لما
قالتلي هبعد عنك انا مكلتش ولا نمت من كتير
انهارده قابلتها مسكت ايدها و نامت علي كتفي زي ما بتحب و قالتلي انها بتحبني بس تعبت من المشاكل و البعد و اعصابها تعبت الصراحة احنا كنا دايما في مشاكل و خناقات فترة طويلة جدا عرضت عليها نبعد اسبوع عن بعض تستريح و تتاكد من حبها ليا عجبتها الفكرة جدا و ادينا بدانا الاسبوع …
انا كده اللي عملته صح ؟؟ تفتكروا هترجعلي ؟؟ ولا هتسبني ؟؟ مش ممكن الاسبوع يقلب ضدي و تقرب من واحد من زمايلها دول و انا بعيد ؟؟
.. انا بموت من فكرة انها ممكن متبقاش معايا يا رب هون عليا الاسبوع ده

مش عارف اقول ايه

انا كنت بحب واحده وانا في الكليه
وسيبنا بعض الكلام ده من 9 سنين المشكله انى لسه بحبها ، انا دلوقتى متجوز و مخلف ولسه بفكر فيها مش عارف اعمل ايه
دلونى يا جماعه

مش فارقه

واحده ابن عمها بيحبها اوى وبيغر عليه اوى وهى مش بتحبوا خالص ومش حسه من جوها اي اتجاه من ناحيته وعاوز يخطبها غصب واهلها موافقين تعمل اي

الاعضاء19,352

الكومنتات 25,958

المشاكل 31,027

انضم الان: اخر الاحصائيات