Category : عام

مشاكل الحياه المصريه



Category Archives: عام

ثانوية عامة

انا مخنوقة جدا جدا بسبب الثانوية خصوصا الفترة دى انا امتحانى شهر ٦ونفسيتى زفت سبت الدروس كنت باخد فى كل المواد اول السنة
بس فوجئت انا فى شهر ١ ومبذاكرش غير قشور المواد فسبت الدروس وبدأت مع نفسي مع العلم انى طوال حياتى مباخدش دروس فضعت بسببها وكمان بسبب الموبايل انا الحمد لله شلتو بس انا دلوقتى خايفة جدا لمجبش مجموع خصوصا انا علمى علوم ونفسي فى. اسنان وفاضلى شهر ونص بس هل هقدر مع انا والله لما بضغت بوصل للى عايزاه بس كل شوية افكر فى ٦شهور اللى فاتو دول

انا بكرهه عيلتي و عايزة اهرب بس مش عارفة هعمل كدة ازاي ..كل حاجة اعملها بالغصب ! و كل شوية الوضع يسوء و انا مش بقول كدة عشان حد يعطف عليا و يقولي لا متفكريش في كدة ..انا فعلا عايزة اهرب و بشدة و مقتنعة بقراري بس انا مش كبيرة اوي و دة اللي مخوفني هعمل ايه بعد كدة ..لو ينفع بس حد يقولي اعمل ايه عشان مش هستحمل اكتر من كدة والله!

عايزة سبب منطقي للي حصل ده

انا عندي٢١ سنة متجوزة من ٧ شهور قبل الجواز حمادة وبعد الجواز حمادة مات من الخضة
حياتي اتقلبت رأسا علي عقب وزني زاد ٢٠ كيلو معرفش ازاي بقيت بنام كتييير يعني ممكن اقعد اليوم كله نايمة بس لولا ان عليا التزامات زي نضافة البيت والجامعة كنت فضلت نايمة علي طول مبقيتش اعرف ابقي مصحصحة كدة الا لما اشرب قهوة او نيسكافيه مع اني عمري ما قربت ناحية المشروبات دي وبعد ما اشرب القهوة افضل نشيطة ٤ ساعات كدة وافصل بعدها واناااام حاسة اني بقي عندي ٧٠ سنة مع ان معايا اصحاب متجوزين وبيروحوا الجامعة عادي بكل نشاط ومتخنوش جسمهم زي ماهو ده غير وشي اللي بقي شكله غريب وطلع عندي انيميا واملاح
انا لو اعرف ان الجواز بيبوظ الدنيا كدة مكنتش اتجوزت خالص

ظل في حياه الاخرين

انا بنت عندي 17 سنه حاسه اني ظل ف حياه الناس معنديش اصدقاء كان عندي، صديقه من ايام الطفوله ولكن اتخلت عني بسبب اتفه موقف انا دايما حاسه ان مفيش حد بيحبني حتي اقرب الناس ليا انا مش قادره اعيش انا ظل ف حياه الناس عادي وجودي، زي عدمه ولو مت محدش هيزعل عليا ومفيش حد يحبني ويحس بيا ابدا وكأني بين الناس مش موجوده انسانه مش موجوده اصلا ربنا ياخدني وحتي الارتباط محدش بيعجب بيا ابدا ابدا زي بقيه البنات ربنا يخدني ادعولي ا
بالرحمه عمري ما هيكون عندي اصدقاء ولا حد بيحبني ابدا

يلا نعيش يوم مختلف وللبنات وبس

هو مش مشكله لكن دعوه أننا نحضر يوم مختلف في ايفنت للبنات وبس ليجمع بين التنميه و الترفيه هيبقى عباره جزئين الجزء الاول: جزء تنموي هيقدمو مجموعة مدربين شباب هيتكلمو معاكم في موضوعات مهمه جدا في الصحه النفسيه والتخطيط والاتش ار والاراده والخوف بتطبيقات عمليه
أما الجزء التاني فده الجزء الترفيهي هيكون في تصوير فوتوغرافيا ليكم مع اصحابكم أو لوحدكم زي ماتحبو والجزء التاني رقص زومبا وده طبعا زي ماقولتلكم للبنات وبس
للتفاصيل تقدرو تتواصلو من خلال البيدج دي
https://www.facebook.com/move.never.stop/

يلا نعيش يوم مختلف وللبنات وبس

هو مش مشكله لكن دعوه أننا نحضر يوم مختلف في ايفنت للبنات وبس ليجمع بين التنميه و الترفيه هيبقى عباره جزئين الجزء الاول: جزء تنموي هيقدمو مجموعة مدربين شباب هيتكلمو معاكم في موضوعات مهمه جدا في الصحه النفسيه والتخطيط والاتش ار والاراده والخوف بتطبيقات عمليه
أما الجزء التاني فده الجزء الترفيهي هيكون في تصوير فوتوغرافيا ليكم مع اصحابكم أو لوحدكم زي ماتحبو والجزء التاني رقص زومبا وده طبعا زي ماقولتلكم للبنات وبس
للتفاصيل تقدرو تتواصلو من خلال البيدج دي
https://www.facebook.com/move.never.stop/

قصر القامه

انا بنت عندي 17 سنه وطولي 140 قصيره جدا جدا هل في امل اني اطول

يعاملوني كطفله!!!

انا بنت عندي، 17 سنه قصيررره جدا وبسبب كدا الناس بيعاملوني كأني طفله انا بعاني من المشكله دي، اووي ومش عارفه اعمل ايه وبزعل لما حد، يقولي اتتي قصيره اوووي ده غير، ان مفيش اي علاقات لانهم فاكرين اني طفله طبعااا الحمد لله علي كل شئ

حياتي متشقلبه

مش عارفه في ايخ بس مرة واحده بقيت حاسه اني المفروض مبقاش عايشه كده بس مش عارفه اصلخ حياتي ازاي المزضوع بدا من اول م دحلت ثانوي المدرسه كانت بالنسبه لي زي الوحش طول عمري مدارس خاصه و مرة واحده ابقي ف مدرسه حكومه مفيش اهتمام مفيش مذاكرة و مفيش اي حد بيقول ذاكري بدات العب اهزر اهتم باللعب و مذاكرش و مستوايا الدراسي بقي ف النازل اول سنه و تاني سنه لحد مجات تالته ثانوي و مجبتش مجموع و دي كانت صدمه كبيرررة اووي بالنسبه لي ازاي انا البنت المتفوقه ف المراحل كلها اجي عند اهم مرحله و افشل بالطريقه دي اني ابقي ف 6ابتدائي جايبه 99ّّ.3% و 3إعدادي جايبه 95% و اجي ف 3ثانوي اجيب 75% دي كانت صدمه كبيرة ليا و لاهلي و اني دخلت كليه عمري ف حياتي متمنيت اني ادخلها و ان كل اللي حواليا و مستنيني اقع فرحوا و الشماته بقيت عيني عينك و اهلي هيتجننوا دلوقتي انا ف كليه تجاره انتساب و اهلي اللي كانوا متوقعين ان بنتهم تبقي دكتورة ناو كل حاجه اتغيرت اصلا ماما علطول شيفاني اني واحده فاشله المفروض اني مش اعيش و اني يدوم مش نافعه ف دراسه اقعد بقي ف البيت انا الكلام ده تاعبني نفسيا جدا و خصوصا ان تأنيب الضمير عندي واجعني و اني عارفه اني سبب تدمير حياتي هو انا لكن انا دلوقتي لما حبيت اهرب من كل المشاكل دي بقيت علطول بقرا روايات و كتب و اي حاجه ع الإنترنت لمجرد اني أضيع وقتي و مفكرش ف اي حاجه دراستي مش قادرة امشي فيها لاني مش حباها و مفيش اي حد يشجعني بابا من زمان مش مهتم بدراستنا و اخويا الكبير ف صيدله و كل م يشوفني مفيش ف لسانه غير يا فاشله عملتي كده ليه و خلاص مش لازم انك تذاكري او تنجحي مش من حلاوة الكليه اللي انتي فيها كل الناس حواليا بقيت حاسه انهم اتغيروا لدرجه اني انا كمان اتغيرت بطريقه كبيرة اوووي كمان بقيت حاسه اني مش حابه اي حد ولا حتي بحب نفسي بقيت بعيده عن كل الناس و مش عايزة اقرب من حد عايزة اضيع وقتي و خلاص و كل ده بعمله عن طريق القرايه عن موضوعات تافهة ملهاش اي لازمه بس لمجرد اني ابعد عن الناس و عن نفسي قبلهم حاسه اني متغيرة و ان الاحساس او الشعور عندي ميت انا حاليا ف امتحانات نص السنه و مش بذاكر و هضيع الترم ده و السنه دي زي اللي قبلهم و الظاهر ان الفشل بقي عنواني و انا مضايقه جدا بس للاسف الموضوع عندي ساعات بتجنن من فكرة اني فاشله و ابقي عايزة اذاكر و ارجع لطبيعتي زي زمان بس مرة واحده كان مايه طفت كل اللي جوايا و اتحول لشخص بارد مستسلم للفشل و اقول مش هعرف اعمل اي حاجه و بدل م اضيع الوقت ف المذاكرة و مستقبلي اقعد ع النت احسن … و علطول بعمل الاختيار التاني و مذاكرش انا فعلا ضايعه و مش قادرة و مش عارفه اتصرف و ماما بعيده عني اووي حاليا مش بعيده مكان لكن من نفسي بعيده هي مش بقت تقعد معايا زي الاول ولا يتخليني اقعد معاها كل م روحلها تزعقلي و تخليني انفر منها بسبب كلمتها ليا «فاشله» بتجرح كتير ماشي غلطت و وقعت مرة ليه متساعدنيش اني اققوم و خصوصا انها شايفاني عاجزة اني اقوم لوحدي شايفاني و انا بناديها بعيوني اني محتاجلها بس هي مش بترد مش بتساعدني و انا خلاص بعدت عنها و بقيت علطول ع الانترنت من غير اي هدف بس اضيع وقت بعيد عنها و انا اللي لو كنت كملت 10 دقايق ع النت اقول انا قعدت كتير حاليا انا ممكن مقعدش 10دقايق مع اهلي و الباقي ع النت .. لو سمحت اي مساعده اي حد يقولي اعمل ايه و ارجع حياتي ازاي

حد يساعدنى

الامتحانات قربت و انا مفتحتش كتاب و انا فى الاعدادية بس مليش نفس افتح كتاب اعمل ايه سعدونى

الاعضاء19,352

الكومنتات 25,958

المشاكل 31,039

انضم الان: اخر الاحصائيات