Category : عام

مشاكل الحياه المصريه



Category Archives: عام

مشكلة مع الدروس الخصوصية

السلام عليكم
انا فى اداب انجليزى وهبدا باذن الله دروس انجليزى للمرحلة الابتدائية
الصراحة انا عايزة اعرف الدروس للاطفال دى بتبقى عبارة انى التزم بالمنهج ولا ابدا معاهم اول شهرين مراجعة او تنمية مهارات الاول عندهم وبعدين التزم بالمنهج
واية افضل الكتب الخارجية فى الانجليزى
كمان عادى لو اسخدم الكومبيوتر فى انى اسمعهم اخر الحصة الحروف الابجدية مثلا او اى حاجة متعلقة بالدراسة
كمان بالنسبة للمعاملة اتعامل معاهم ازاى

المنصوره

انا نفسيا هموت م التعب ياجماعه وانا ف ثانويه عامه كنت علمي والتنسيق صدمني ومريت بظروف ومتوفقتش ادخل حلمي ودخلت اداب فرنساوي
لان ملحقتش حتي خاص اعصابي تعبانه جدا لحد الان من الموضوع اتعالجت نفسي وعضوي وحاسه بعجز فظيع طول الحياه واتخطبت كمان اهو وماجله الفرح لان مش مأهله نفسيا بالاضافه لان الدنيا كلها كانت بتقولي يادكتوره
سؤالي هنا بعيدا عن الثانويه السودانيه والجو دة الثانويه السعوديه دي اقدر اخدها ازاي لو سافرت مع خطيبي يعني مفتوحه اقدر اخد الشهاده واكمل من هناك لان هيعملي اقامه معاه وعاوزة اقدم ف الثانويه دي هل ينفع ولا لا والجامعات الخاصه هناك معترف بيها ف مصر ولا لا ياااريت تفيدوني وجزاك الله خيرا مقدما

ضرورى حل

انا عندى مادة دور ثانى وانا فى ثانوية عامة عاوز آخش كلية ليها علاقة computer science

مصر

بسم الله الرحمن الرحيم ..
حضراتكوا انا جبت مجموع فى الثانوية الازهرية والحمد لله مجموعى جايبلى كلية الهندسة + كلية الصيدلة + كلية طب اسنان ..
وانا دلوقتى محتار بين كلية الهندسة وكلية الصيدلة ومش عارف اختار كلية ايه مع العلم انى الحمد لله كنت متفوق فى مادة الانجليزى والكيمياء والفيزياء والرياضيات وخاصة اخر اتنين ف انا بفضل بعرف اذاكر دا ودا ..
دلوقتى انا بسأل الناس اللى عندها خبرة بالكليات دى او المتخرجين منها اى واحدة من الكليات دى افضل ومستقبلها ازاى جوه مصر وخارجها ..
ياريت تفيدونا بكل امانة وصدق عشان محتار ومشوش ..
شكرا على اهتمامكم

مشكلة اجتماعية

انا من ما دخلت الكلية وانا حاسة انها مش بتاعى وانا غريبة فيها واتعرفت على ناس كتير وكلهم زمايل بس مش اكتر مليش اصدقاء وانا لوحدى مش عارفة اصحاب حد وكل اما اقعد مع حد يقولى انا همشى هروح اقعد مع صحبتى وكده وبالتالى معتدش بعقد مع حد واغلب الوقت لوحدى

انا بحب واحد و هو بيحبنى

انا بحب واحد و هو بيحبني
انا هاحكي كل حاجه
انا في واحد صاحبنا و كده بس ماكوناش صحاب اوى يعني لو شفتوا في الشارع ماسلمش عليه احنا نعرف أسامي بعض بس المهم
روحت في يوم و لقيته بعتلي ادد فا انا ضفته عادى و بعد ما ضفتوا بعتلي هاي و عامله ايه و احنا لسه كنا مخلصين امتحانات فا كتبلي عملتي ايه في الامتحانات قولتلو الحمدلله و خلص الموضوع و كان كلامنا عادى اوى بس هو كان مهتم بيا بطريقه غريب كده المهم
بعت ادد لصحبتي بعد لما سألني مين اكتر صاحبه ليكي قالتلي ده بعتلي ادد و كالمته عادى فا مره انا اتشديت ليه اوى و كان نفسي نتكلم علي طول فا صحبتي دى بتحب صاحبه من زمان اوى و هي جريئة شويه فا قولتلها انا عايزه رقمه و دخلناه جروب معانا بس هو لما كان معانا كان بيكلمني انا بس و الصراحه انا حسيت انو معجب بيا فا قول لصحبتي تقولو هو انتي بتحبها قالها ليه و علي العموم انا بحبها فا قالتلو و هي كمان بس انا ماكنتش بحبه اوى مجرد إعجاب و لقيته كاتبلي انا بحبك فا الموبيل كان مع صحبتي و كتبتلو و انا كمان علي اساس انها انا و اتكلمنا و حبيته اوى بس ساعات كنت بعمل فيه مقالب و أقوله انا عايزه اسيبك و هو الصراحه كان بيتعب اوى و ساعات كان بيعيط و يقولي ماتسبنيش انا بحبك و كده و احنا متصاحبين بقالنا تقريبا ٤ شهور و انا حبيته اوى بس المشكله ان كل صحابي بيقولو عليه مش كويس و حتي لو سبتوا انا حبيته بس كل الناس بتقول عليه مش كويس و دايما يقولي انا عايز أبوس ايدك و حاجات اكتر من كده اكيد فهمتوها دلوقتي مشكلتي عايزه اسيبه هو بيتعب لما بسيبه و اختو حلفتلي بكده و في نفس الوقت كلام الناس كتير اوى عليه و علي اسلوبه اعمل أية؟؟

Mansora

انا بقالى خمس شهور مخلص جيش وزى اى حد بدور على شغل يليق بدراستى ومتعلق بيها بس مش لاقى ادامى شغل مناسب فنزلت اشتغل مع واحد معرفة فى محل هو مكبرنى فى مكانى ومديلى وضعى و مرتب كويس جدا بس المشكللة ان مظهر اجتماعى للشغل مش مناسب ليا لما أبص على اصحابى مثلا على اساس ان انا شغال فى محل واللى شغال فى بنك شركة اتصالات كده يعنى
ثانيا عدد ساعات العمل بيبقى 12 ساعة ودا كتير ان الواحد يشوف مصالحه انه يدور على شغل تأتى ه
خايف افضل قاعد فى الشغل لغاية ملاقيها وظيفتى الاساسية
انا خريج تجارة 2013 وعمرى 24 سنة
ياريت حد ينصحنى مع العلم انى قدمت فى بنوك بس سالت شيوخ و لقيتها حرام

القاهرة

انا عندي 16 سنة……بابا توفي من 4 شهور في حادثة ومن ساعتها وانا مش عارفة اعيش حياتي زي اي حد حاسة اني الدنيا سودا والحياة مملة وملهاش طعم مش عارفة اركز في مستقبلي ولا في اي حاجة حواليا مش حاسة بامان ولا استقرار وحاسة ان كل حاجة ملغبطة وان حياتي واقفة …..انا بمثل قدام امي اني كويسة وبحاول اهديها لان بابا كان بالنسبة ليها كل حياتها فمش بعرف اطلع اللي جوايا لاى حد خصوصا اني معنديش صحاب وانا اللي اخترت انهم ميكونوش في حياتي لانهم موقفوش جنبي في اكتر وقت انا محتجاهم فيه بعد وفاة بابا عشان كدة انا ا قررت اني اقول كل اللي جوايا هنا يعني ممكن استريح شوية

السلام عليكم

اعاني من القلق والتردد وعدم الثقه

اذكروا الله

لا اله الا انت سبحانك اني كنت من الظالمين

الاعضاء19,352

الكومنتات 25,958

المشاكل 31,027

انضم الان: اخر الاحصائيات