الاعضاء19,352

الكومنتات 25,958

المشاكل 31,024

انضم الان: اخر الاحصائيات

احب فتاة تكبرنى بشهر

انا معجب جدا ببنت اكبر منى بس بشهر واحد وفيها كل المميزات الى بدور عليها فهل لازم البنت تكون اصغر من الراجل عشان العلاقة تنجح وهل انتم تنصحونى اصرف نظر عن الموضوع ولا ايه؟؟
وشكرا على افادتكم لى.

الكومنتات

الحب

لو البنت عملت بلوك للولد وهو بيحبها وهي بتحبه وهي عارفاه انه بيحبها وهما عارفين بعض كويس جدا يبقي كده البنت سبته ولا بتتقل عليه

الكومنتات

حياتي متشقلبه

مش عارفه في ايخ بس مرة واحده بقيت حاسه اني المفروض مبقاش عايشه كده بس مش عارفه اصلخ حياتي ازاي المزضوع بدا من اول م دحلت ثانوي المدرسه كانت بالنسبه لي زي الوحش طول عمري مدارس خاصه و مرة واحده ابقي ف مدرسه حكومه مفيش اهتمام مفيش مذاكرة و مفيش اي حد بيقول ذاكري بدات العب اهزر اهتم باللعب و مذاكرش و مستوايا الدراسي بقي ف النازل اول سنه و تاني سنه لحد مجات تالته ثانوي و مجبتش مجموع و دي كانت صدمه كبيرررة اووي بالنسبه لي ازاي انا البنت المتفوقه ف المراحل كلها اجي عند اهم مرحله و افشل بالطريقه دي اني ابقي ف 6ابتدائي جايبه 99ّّ.3% و 3إعدادي جايبه 95% و اجي ف 3ثانوي اجيب 75% دي كانت صدمه كبيرة ليا و لاهلي و اني دخلت كليه عمري ف حياتي متمنيت اني ادخلها و ان كل اللي حواليا و مستنيني اقع فرحوا و الشماته بقيت عيني عينك و اهلي هيتجننوا دلوقتي انا ف كليه تجاره انتساب و اهلي اللي كانوا متوقعين ان بنتهم تبقي دكتورة ناو كل حاجه اتغيرت اصلا ماما علطول شيفاني اني واحده فاشله المفروض اني مش اعيش و اني يدوم مش نافعه ف دراسه اقعد بقي ف البيت انا الكلام ده تاعبني نفسيا جدا و خصوصا ان تأنيب الضمير عندي واجعني و اني عارفه اني سبب تدمير حياتي هو انا لكن انا دلوقتي لما حبيت اهرب من كل المشاكل دي بقيت علطول بقرا روايات و كتب و اي حاجه ع الإنترنت لمجرد اني أضيع وقتي و مفكرش ف اي حاجه دراستي مش قادرة امشي فيها لاني مش حباها و مفيش اي حد يشجعني بابا من زمان مش مهتم بدراستنا و اخويا الكبير ف صيدله و كل م يشوفني مفيش ف لسانه غير يا فاشله عملتي كده ليه و خلاص مش لازم انك تذاكري او تنجحي مش من حلاوة الكليه اللي انتي فيها كل الناس حواليا بقيت حاسه انهم اتغيروا لدرجه اني انا كمان اتغيرت بطريقه كبيرة اوووي كمان بقيت حاسه اني مش حابه اي حد ولا حتي بحب نفسي بقيت بعيده عن كل الناس و مش عايزة اقرب من حد عايزة اضيع وقتي و خلاص و كل ده بعمله عن طريق القرايه عن موضوعات تافهة ملهاش اي لازمه بس لمجرد اني ابعد عن الناس و عن نفسي قبلهم حاسه اني متغيرة و ان الاحساس او الشعور عندي ميت انا حاليا ف امتحانات نص السنه و مش بذاكر و هضيع الترم ده و السنه دي زي اللي قبلهم و الظاهر ان الفشل بقي عنواني و انا مضايقه جدا بس للاسف الموضوع عندي ساعات بتجنن من فكرة اني فاشله و ابقي عايزة اذاكر و ارجع لطبيعتي زي زمان بس مرة واحده كان مايه طفت كل اللي جوايا و اتحول لشخص بارد مستسلم للفشل و اقول مش هعرف اعمل اي حاجه و بدل م اضيع الوقت ف المذاكرة و مستقبلي اقعد ع النت احسن … و علطول بعمل الاختيار التاني و مذاكرش انا فعلا ضايعه و مش قادرة و مش عارفه اتصرف و ماما بعيده عني اووي حاليا مش بعيده مكان لكن من نفسي بعيده هي مش بقت تقعد معايا زي الاول ولا يتخليني اقعد معاها كل م روحلها تزعقلي و تخليني انفر منها بسبب كلمتها ليا «فاشله» بتجرح كتير ماشي غلطت و وقعت مرة ليه متساعدنيش اني اققوم و خصوصا انها شايفاني عاجزة اني اقوم لوحدي شايفاني و انا بناديها بعيوني اني محتاجلها بس هي مش بترد مش بتساعدني و انا خلاص بعدت عنها و بقيت علطول ع الانترنت من غير اي هدف بس اضيع وقت بعيد عنها و انا اللي لو كنت كملت 10 دقايق ع النت اقول انا قعدت كتير حاليا انا ممكن مقعدش 10دقايق مع اهلي و الباقي ع النت .. لو سمحت اي مساعده اي حد يقولي اعمل ايه و ارجع حياتي ازاي

الكومنتات

مليت من خطيبي

انا زهقت من خطيبي اوي مع اني بحبه بس هو اللي مزهقني منه هو شخص معندهوش طموح خالص في حياته يومه روتيني اوي مبيحبش يعمل جديد في حياته مبيحبش يفكر كئيب اوي حتى اما بيتكلم معايا بيكرر الكلام ومبيقوليش كلام مفيد زهقت واما اجي انا افتح مواضيع جديده يقفلها في وشي وبيبقى بايخ اوي هو مش بيبقى قصده بس هو بارد اوي وكلامه تقليدي اوي لدرجة اني بمل من المكالمه وبقفل حاولت اغير فيه بس مش بيتغير دا حتى مبيحبش التعليم كل مره يقولي انا عمري في حياتي تاني ما هقرا حتى جرنان مش عايز اقرا حاجه .. ومش عايز يسمع كلامي في حاجه عنيد اوي وعايز يبسطني على مزاجه يعني عايزني اتبسط بالعافيه على حاجات هو يعملها وهي مش بتبسطني اصلا وكمان عايز يعيشني في مكان انا مش حابه اعيش فيه خاالص وكل مره بقوله كده يقولي هتتعودي وانتي لو بتحبيني مش هتقولي كده في حين ان هو بيلاقي فرص شغل في اماكن تانيه وفرص حلوه جدا وبيرفضها عايزه حل انا تعبت ولا قادره اصلح فيه ولا قادره اسيبه عشان بحبه ومحدش يقولي لو بتحبيه تضحي وتستحملي عشان لازم نلاقي حل وسط يرضيني ويرضيه وكءا مره قولتله كدا وهو راسه ناشف اعمل ايه ياريت تفيدوني

الكومنتات

الانطوائية

انا و لد عندى 19 فى اوله كلية الموضوع انى مش اجتماعى او فى مشكلة مش لقيلها حل بجد انا بعمل تصرفات غبية مع الناس يعنى مثلا سعات ناس لسة متعرف عليهم فى الجامعة الاقى نفسى عديت من جمبهم و مسلمتش عليهم ..! و بعد كدة بدايق انى عملت كدة ومش بعرف افتح موضيع مع بنات و للاسف بلاقى نفسى بقفل المواضيع يعنى حتى لو فى بنت كانت بتسأل عليا بغبائى بخليها متسألش حتى البنت الحبتنى ضيعتها لانى مش عارف اخش اققولها اية…لو لسة بتكمل قراية انا كنت شايف نفسى اقل بكتير مما انا عليه بسبب الهزار ان انا مثلا على شكلى وتصرفاتى ولاسف كل دا كان من صديق بدافع الهزار كل دا هز ثقتى بنفسى لدرجة ان صدقت انى فعلا فاشل ولكن الحمد لله ربنا قدرنى على انى اعرف نفسى بجد و اكتشفت اكتر صديق ليا حقود و نفسة يكون مكانى و انا فعلا شخص كويس وان فعلاً شكلى كويس و شخصيتى كويسة بس بعد ما خسرت حاجات ياما بسبب عدم الثقة بنفسى بس للاسف لسة انطوائى بعض الشىئ تخلصت من الانطوائية مع الولاد و كونت صداقات لكن لسة مع البنات .. ولسة عندى اعتقاد ان النظرات الناس ليه بيكون فيها نوع من ان فيا حاجة غلط انا كنت بشوفها كدة لكن الحاجة دى قلت معايا شوية و دا الى بيحصل لما بشوف بنت بتبصلى لاسف بشك فى الاول انها مش اعجاب لكن بيبان فى الاخر بعد فوات الاوآن و الموقف دا اتكرر ياما . بس بجد انا كرهت وحدتى دى و الى انا السبب فيه كأن جوايا شخص تانى مش عايزنى اعرف ناس طولت عليكوا بس دى مشكلتى الى مش عارف احكيها علشان هتسف عليا و عارف انها مش مشكلة عويصة بس انا مش عارف اتخلص منها ..

الكومنتات

حد يساعدنى

الامتحانات قربت و انا مفتحتش كتاب و انا فى الاعدادية بس مليش نفس افتح كتاب اعمل ايه سعدونى

الكومنتات

تعبان نفسيا ومش مركز ف دراستي بسبب حبي لبنت خالتي وهى متعرفش

بحبها جدا جدا ويوميا بفكر فيها ونفسي اخطبها لاني بحلم تكون هى شريكة حياتي
المشكله: اولا هى ماتعرفش اني بحبها
ثانيا : مش غايز اعترفلها بحبي دلوقتي علشان دراستها هى في 3ثانوي
ثالثا: محرج ان اقول لابويا عايز اخطب وانا ف الجامعه
على فكره هى قريبتي ومحترمه جدا وجميله جدا جدا فوق الوصف
المشكله بتعاملني عادي ولوكلمتها ع الفيس عادي بس انا من جوايا نفسي اقولها بحبك بس خايف من رد فعلها تقولي انت زي اخويا او غيره
اعمل ايه ياجماعه ارجوكم

الكومنتات

مبحبش جوزي

انا واحده عشت عمري كله مبكلمش ولاد ولا بعمل اي حاجه غلط مهما كان وانا حلوه وكان بيجيلي معجبين كتييير وناس كتير كان نفسهم يرتبطو بيا انا والله مش اصدي تناكه بس بحاول اوصل اصدي
المهم انا كنت ديما برفض الارتباط الغير رسمي عشان كنت ديما بقول اكيد ربنا هيجازيني بواحد كويس عشان انا عمري ما كلمت حد
الي حصل ان اهلي كانو مستعجلين اوي على جوازي وفي فتره كده كان بيجيلي عرسان كتير ورا بعض بس للاسف كانو مش كويسين ووالله كنت برفضهم لاسباب اي بنت مكاني هترفضها يعني واحد اكبر مني ب ١٢ سنه والتاني مليان كده ومع ذلك اهلي مكانوش مقتنعين بالاسباب دي وكانو بيضغطو عليا اوافق على كل واحد بييجي لحد ما تقدملي واحد يعني بالنسبه للي فاتو مقبول بس انا مكنتش قابلاه اببدا ولا شكله ولا عيلته ولاي اي حاجه كان بالنسبالي مفيهوش ولا حاجه واحده مالي نفسي فيها واكيد رفضته اهلي بقا مسكتوش المرادي وقلبو الدنيا وماما تعيط وبابا ضربني وفالاخر غصبوني اوافق وكمان قرينا الفاتحه تاني يوم اتقدم !! تاني يوم !! انا كنت في حاله صدمه !! كنت بسمع الكلام وخلاص ومش مصدقه الي بيحصل اسبوعين بالظبط وكانت الخطوبه في قاعه وكل حاجه وانا بردو لسه في حاله صدمه
هو بقا كان فرحان بيا اوي انا اصلا كنت كتير عليه احلى منه بكتير اهلي مستواهم المتدي والاجتماعي اعلى من اهله بكتيييير هو اصلا مكنش مصدق اني وافقت عليه المهم حاولت احبه حاولت كتير معرفتش فحاولت اسيبه بس هو كان متمسك بيا اوي كنت بسيبه وبيرجعلي تاني انا عامه شخصيتي ضعيفه وبتهز بسرعه ومبعرفش احد قرار عدت سنه الحطوبه كلللها مشاكل وقرف سبته ييجي ٣ مرات وكل مره كان بيرجع كانو اهلي بيكلموه يقولوله معلش هي غلبانه حدها على قد عقلها وهو كان بيصدقهم عشان عايز يصدقهم لحد ما تجوزنا وانا مبحبهوش ومعدش عندي اي امل اني احبه وهو عارف اني مش بحبه بس كتجوزني عشان مش هيلاقي احسن مني انا دلوقتي بقالي ٤ شهور متجوزه ٤ شهور من اسوا ايام حياتي وكلللهم مشاكل حتي واحنا في شهر العسل وهو بدا يتغير بدا كانه بينتقم مني اني مش بحبه مش بيتقي ربنا فيا ابدا انا دلوقتي حاسه بوحده فظييييعه حاسه اني عندي احتياجات كتير وهو مش بيلبيلي منها حاجه انا مش بستمتع معاه عالسرير لانه كمان عنده سرعه قذف وكمان بارد يعني ممكن ابقا لابسه وعامله كل حاجه وميبصليش حتى انا حاسه بندم مش طبيعي اني مخدتش موقف قوي ورفضت اتجوزه مشفتش يوم واحد حلو معاه وبدل ما كنت مبحبهوش بس دلوقي بقيت بكرهه مش لاقيه حاجه واحده تصبرني عالي انا فيه نفسي اتطلق واسافر اعيش لوحدي بعيد عن اهلي وبعيد عن كل حاجه وابدا حياه جديده انا بس الي اقرر كل حاجه فيها

الكومنتات

خطيبتي معندهاش مشاعر ليا

انا خاطب بقالي ٧شهور وخلال الفتره دي انا اتعلقت بيها وهي معندهاش مشاعر ليا ومش عايزه تقرب مني خالص مع اني حبتها ولو سبتها مش هلاقي واحده محترمه

الكومنتات