الاعضاء19,352

الكومنتات 25,958

المشاكل 31,007

انضم الان: اخر الاحصائيات

انا عندي ٢٥ سنه، و عمري في حياتي ما عدت عليا قصه حب و الكلام ده، كنت بحسه عبط و…

‫انا عندي ٢٥ سنه، و عمري في حياتي ما عدت عليا قصه حب و الكلام ده، كنت بحسه عبط و مش جد ( ملحوظه: انا كنت مليانه اوي اوي اوي كنت اتخن واحده في اصحابي و كنت متاءكده كمان ان ده سبب من الاسباب ) المهم اتخرجت من الجامعه و اشتغلت في شركه و سبتها، بعدين اشتغلت في حته تانيه، بداءت اعمل دايت بس مش عشان حاجه عشان نفسي انا و بس. كان معايا واحد في الشغل اصغر مني ب١٠ شهور شافني و انا مليانه بس بعد كده هو مشي بس كان بيجي مرات زياره و في مره الدنيا اتشقلبت راسا علي عقب و الدنيا كانت عاديه زميل و خلاص. بعد كده هو مش عارفه ايه الي حصل مشاعره بقت غريبه. هو شخص كويس اوي، طيب و الناس في الشركه كانت بتحبه. انا الي مديقني صغر السن ( اصحابي بيقلولي ده مش فرق اصلا) مره كان بيحكيلي عن مشكله بس قال بابا جيه و حلها!! ده طبعا استوقفني بابا!! و كان بيحكي مره ان باباه رفض له شغل قبل ما يعرضه عليه!! برضه!! و اخيرا جاله interview في شركه multinational بس قالي ان بابا مش متحمس للشركه!! فهل ده معناه ان باباه مسيطر!! انا مضايقني موضوع السن و اخيرا موضوع باباه!! اسفه اني طولت عليكم و شكرا! :)‬

الكومنتات

<a class="colorbox" rel="nofollow" href="https://fbcdn-profile-a.akamaihd.net/hprofile-ak-xap1/v/t1.0-1/c0.0.100.100/p100x100/1535516_10153709323540556_172801846_n.jpg?oh=cc7074c3a063b0eb2f54718569a3848d&oe=553E7DB1&__gda__=1427274853_ffff8e5907c6edc06e781fa6e3b5c7ef” title=”” target=””>https://fbcdn-profile-a.akamaihd.net/hprofile-ak-xap1/v/t1.0-1/c0.0.100.100/p100x100/1535516_10153709323540556_172801846_n.jpg?oh=cc7074c3a063b0eb2f54718569a3848d&oe=553E7DB1&__gda__=1427274853_ffff8e5907c6edc06e781fa6e3b5c7ef

<a class="colorbox" rel="nofollow" href="https://www.facebook.com/BrideGroup/posts/10155057660660556″>Bride Group

‫#شارك_الدفا يوم الاجازة الجاي ادخلي على دولاب هدومك هتلاقي هدوم ملبستيهاش اديلك كتير.... يمكن صغرت, كبرت,, قدمت .. او دابت.... يمكن يكون ليها قيمة عاطفية ذكرى حلوة او عندك امل تخسي و تلبسيها او تتخني و تحتاجيها......بس الاكيد ان في ناس بتتنفض من البرد في الليل .. مش قادرة تتنفس من البرد... مش قادرة تنام من البرد.... لمي كل الهدوم ديه... اختاري اكتر 3 حاجات مش عاوزها او مش فارقة معاكي اغسليها و جهزيها و خليها في العربية ... ربنا لو شاف النية هيبعت ليكي حد بجد محتاج... و الفرحة اللي هتشوفيها في عينها هتتحول لاحلى ذكرى...........

الكومنتات

السﻻم عليكم ورحمة الله وبركاته انا عندى مشكلة…وتتلخص فى ان بنت خالى كانت مخطوب…

‫السﻻم عليكم ورحمة الله وبركاته
انا عندى مشكلة...وتتلخص فى ان بنت خالى كانت مخطوبة من 4سنين لواحد وكنا كلنا اصحاب وبعدين اتفسخت الخطوبة وبعدها اتخطبت لغيره واتجوزت وفضلت انا وهو على الصداقة اللى بينا بس ﻻقيت منه انه ابتدى يحبنى ويتعلق بيا وكل ما ابعد يقرب اكتر ولما بكون فى محنة بﻻقيه اول واحد جمبى...دلوقتى انا محتارة اوﻻ هو انسان ممتاز وعشان كده محبتش اخسر صداقته بفسخ خطوبته من بنت خالى وثانيا بيكلمنى فى ارتباط بيا وانا برفض عشان كان خاطب قريبتى اوﻻ ثانيا مش هاستحمل بعدين لما يشوفوا بعض وهى بصتله او اتكلموا ومش عايزة يتقال عنى كﻻم مش فيا ثالثا وده اﻻهم محدش فى العيلة هايوافق وبالرغم من معرفته بكل ده هو مصر انه عايزنى...مع العلم انه محترم جدااا وفيه صفات كتير كويسة وفسخ الخطوبة مكنش عشان حاجة غلط عملها او عيب فيه ولكن الظروف جت كده..ارجو مساعدتى على التفكير بدون تريقة او تسخيف للموقف وشكرا لكل اللى هايدينى رأيه‬

الكومنتات

انا شاب 29 سنه ارجوا المساعده برغم سنى عمرى ما ارتبطت بواحده لاسباب عايز اشاركوا…

‫انا شاب 29 سنه ارجوا المساعده برغم سنى عمرى ما ارتبطت بواحده لاسباب عايز اشاركوا فيها هل ده عادى ولا انا اللى معقد من اللى بشوفه .

اولا انا من زمان بستحرم انى اعرف واحده واضحك عليها او امسك ايدها او او وفى الاخر ميكونش فى ارتباط ولو حصل النصيب انى قابلت واحده واعجبت بيها فى الشغل وبعد فترة معرفة يجى الموضوع بخيبه امل انها بتكلمنى زى الاخوات

تانيا بالنسبة لجواز الصالونات رافضه ... انا عارف ان الصح متبقاش فتره خطوبه طويله تفادى للمشاكل وكمان الفتره القصيره انا مش هلحق اعرفها فيها والاهالى بتكون متحفظه جدا طبعا ان فترة الخطوبه متكملش من 6 ل 9 شهور وكمان لانى شفت نسبه كبيره من اصحابى ومن الطرفين شباب او بنات بيكون فى تمثيل او حد عارف التانى مصلحه او اللى تحب توقع دايما ما بينه هو واهله اوحب التملك او ان طلبتها لازم تبقى مجابه لهتعمل مشاكل

انا فعلا متعقد من الحاجات دى ارجو النصيحه ومن غير تريقه‬

الكومنتات

لو سمحتم انا عايز اعرض عليكم مشكلتي .. انا مهندس معماري .. عندي 24 سنة .. مغترب…

‫لو سمحتم انا عايز اعرض عليكم مشكلتي .. انا مهندس معماري .. عندي 24 سنة .. مغترب وعايش في السعودية .. وللاسف كانت حياتي مغلقة جدا حتى قبل ما اسافر ..مقدرتش اتعرف على حد لما كنت في مصر .. فا لما سافرت فقدت نعمة مهمة جدا وهي نعمة اختيار شريكة حياتي .. بقى كل اللي بينصحني بيقوللي مافيش قدامك غير جواز الصالونات لما تنزل اجازة وانا الصراحة موفقتش في حكاية جواز الصالونات دي قبل كده لما كنت في مصر لان في الاغلب (وده شئ طبيعي) كانت بتبقى البنت جاية غصب عنها ومش عاجباها الطريقة .. وللاسف في المشكلة الاكبر اللي واجهتني بعد ما سافرت وبتواجهة اي مغترب انه بيكون بيئة خصبة للماديات من بنات وطنه .. يعني كمان مش كفاية انه بيكون فاقد القدرة على الاختيار ومعرفة الشخصية اللي حيرتبط بيها .. لأ كمان بيتحول فجأة قدام الطرف التاني لمكينة صرف اموال .. مع العلم كمان اني ماليش في جو اني اتعرف على بنت من الفيس ... والدنيا في السعودية مقفولة اوي ومافيش فرصة ان الواحد يعرف حد من العائلات.. هي كده مقفولة زي الدومينو ولا ايه ؟‬

الكومنتات

السلام عليكم لو سمحتوا الله يخليكوا عندي مشكلة و محتاجة اخد رأيكوا فيها انا متج…

‫السلام عليكم
لو سمحتوا الله يخليكوا عندي مشكلة و محتاجة اخد رأيكوا فيها
انا متجوزة بقالي 10 شهور يمكن من اصعب الشهور اللي عشتها في حياتي عارفة ان اول الجواز الحياة بيكون فيها شد و جزر كتير لكن المشكلة مش هنا المشكلة انه كئيب و انطوائي جدا حاولت كتير اخليه يفك شوية مفيش فايدة ريو علطول في مشاكل هو مشكلته ان هو حاسس ان هو بس اللي بيفهم ومحدش غيره بيفهم حاجة و اناني شويتين حاولت اتكلم معاه بهدوء لكن مفيش فايدة اتخانقنا بردو مفيش فايدة كل حاجة عنده غلط و عيب و ميصحش و ممنوع غلط ان ابقي مراته و نتصور في فرح سوا ميصحش مثلا يكلمني بطريقة كويسة قدام اهله و ع الحال ده علطول كابتني كل اما اقوله اروح مكان بيمنع لمجرد ملوش مزاج و ممكن يكون واجب بس للاسف هو متعودش من صغره ان في حاجة اسمها واجب حاسة ان ضحكتي ضاعت في البيت ده و علطول زعلانة و مش مبسوطة و ساكتة لكن حاسة اني قربت انفجر اتكلمت مع اهله بيقولوا انهم بيخافوا يتكلموا معاه دخلت بابا مرة حاول يفهمه و اعتذر و بردو دماغه زي ما هي نفسي في اسلوب اعرف اتعامل بيه معاه‬

الكومنتات