يا جدعان انا عايز رايكم انا بحب واحده قدى فى السن ٢٤ وهى من محافظه تانى واهلها م…

‫يا جدعان انا عايز رايكم انا بحب واحده قدى فى السن ٢٤ وهى من محافظه تانى واهلها مش موافقين اووى على انها تبعد عنهم بس سايبينها براحتها بيقولولها حياتك وانتى حره وهى تعليم متوسط وانا فى هندسه وانا مش فارق معايا الموضوع دا وعمرى ما فكرت بالطريقه دى بس اهلى مش موافقين على كدا وعايزين انى اتجوز واحده ( زفت قمه ) وانا اقدر اقف قصادهم ومفهمهم انى مش هتجوز بالشهاده ولا عايز واحده تصرف عليا انا عايز واحده افهمها وتفهمنى ونعيش مبسوطين مع بعض وبس بس المشكله انى لسه قدامى سنه جيش وسنتين على الاقل اكون نفسى وحاطط فى دماغى مش لازم شقه تمليك وكدا وممكن نتجوز فى شقه ايجار لحد ما ربنا يكرمنا ونبقى نشترى حاجه لينا بس انا خايف انى بعد ما تستنانى يحصل حاجه او مقدرش اكون نفسى وهى سنها بالنسبه للمجتمع المتخلف بتاعنا هيكون كبير وهى بتقولى هستناك بس خايف من زن اهلها وان المده طويله توافق انها تتجوز جنبهم فى نفس البلد لان فى اكتر من واحد متقدملها ومن نفس منطقتهم فخايف من بكره لمقدرش اكون نفسى واكسر قلبها ومش قادر اسيبها دلوقتى لانى بحبها ومش عارف اعمل ايه ؟ فالى مر بنفس الظروف دى ممكن يقولى رائيه ايه ؟ وشكرا مقدما‬

اكتب رايك
إلى الأعلى