Egypt Society Problems

مشاكل الحياه المصريه



انا بقي مشكلتي مشكله كبيره كان عندي ١٦سنه عشت اجمل حب في الدنيا حب برئ وهوه كان…

‫انا بقي مشكلتي مشكله كبيره كان عندي ١٦سنه عشت اجمل حب في الدنيا حب برئ وهوه كان عنده ١٩لحد مخني ادام عنيا وقتها انفصلت عنه وقلبي مجروح كان عندي ١٧وحاول انساه بكل الطرق لحد مقابلت محمد كان اكبر مني ب٦سنين كنا اصدقاء مش اكتر وفي يوم كنت مكتأبه وكنا خارجين المهم بدون تفاصيل استاذ محمد كان حاططلي حاجه في العصير واختصبني ولما فوقت قالي مكنتيش عارف انك محترمه كنت فكرك زاي البنات كلها المهم انا نزل عليا صمت فظيع ومعيتيش حتي وده قلقه زياده المهم انا بعدها انهارت بعد كام يوم لما استوعبت الحصل وطلبت منه الجواز زلني وقالي مليش دعوه المهم زلني اكتر وقالي خليني احبك وانا اتجوزك فضلت جانبه وانا بكره عشر سنين ازل في نفسي عشان مضحكش علي راجل ملهوش ذنب غير انه هيتجوزني وفعلا بعد كل العذاب الشوفته في خلال العشر سنين كان بيخوني والبنات تيجي تحكيلي وانا اعمل نفسي مش عارفه عشان معنديش مشكله وسيبني وبعد كل ده العذاب ده بعد عشر سنين كان عايز يسبني فمقدرتيش اعمل حاجه غير اني اقول لابوه وابويا علي كل العمله فيا وكان بياخد فلوسي يشرب بيها وبالرغم من كل ده مقدرتيش اضحك علي راجل تاني واتكتب كتابنا بس وفضل مكتوب كتابنا فتره عشان شقتنا مش جاهزه وهوه مكنيش بيشتغل وكان بيخوني وبيشرب برده المهم انا مقدرتيش استحمل وسيبته وابويا قالي مش مشكله ده كتب كتاب فكك بقي وعيشي حياتك انتي استحملتي كتير واحنا بنطلق انا صممت اني اكتب في قسيمة الطلاق انه دخل بيا مع ان ابويا مكنيش موافق علي الفكره ديه بس صممت مش هستحمل كل ده علي الفاضي وبعد مطلقناواجهني مشكله اقول للناس ازاي وهما عارفين انه اتكتب كتابي بس بقيت برفض العرسان لحد معدا من عمري سنين وانا محروجه اقول ومحمد طول السنين عايز يرجع وانا مش برجع مش قادره انسي زلي وافتراه عليا وفشله في كل حاجه والعذاب الاتعذبته انا مشكلتي مش بعرف اكذب ولا اداري وطيبه جداااااااا والمشكله اني لما باجي اقول لاي عريس انا مطلقه عادي وهوه مش بيسأل علي التفاصيل بحس اني كذابه ومش بقدر اكمل ولو قولت برده في كتب الكتاب حصل كده بيتبصلي بصه وحشه مش عارفه اعمل ايه ومستحيل اني ارجع لمحمد لانه فاشل مش بيشتغل اسلوبه زباله وانا مش بطيقه يلمسني ولا اتكلم معاه كلمتين اعمل ايه مش عارفه من وانا عندي ١٧سنه متعذبه ودلوقتي ٢٩سنهمش عارفه اتحب صح واقوله علي كل الحصلي معنديش ثقه في حد ولا قادره اكذب علي واحد لمجرد انه عايز يتجوزني من اتبني علي باطل فهو باطل ولا ققادره اعيش لوحدي نفسي يبقالي سند وظهر وبيت وبيبي ..انا طيبه جدااا وناجحه في كل علاقاتي مع الحوليا وكل الناس بتحبني جدا ودايما بضحك حتي في عز همي وتعبي وحنينه وطيبه جداا وكل امنيتي اني ابقي شريره عشان اعرف اعيش وضميري مرتاح بس ده مش بينفع دايما يبقي خايفه من الزمن لما هيدور عليا ومحمد ربنا مبهدله وعمال يعاقبه وهوه مش حاسس غير اني طلعت حامل في الاول وموتلي ابني وهوه مبتسم عادي ادالي برشام ونزله وده المش قادره اغفرهوله مع انه كان مستوانا احنا الاتنين عالي وممكن نتجوز عادي خالص بس هوه قال مبحبيش العيال ومش عايز اشيل مسؤليه ومش هتجوز انتي حالي افضلي تحت رجلي لحد مستكفي من البنات والقيكي انتي في الاخر الفاضله واتجوزك وده الحصل محديش يقول انه كان بمزاجي هوه ضربني يومهما واختصبتي اه غلطانه اني اخرج معاه بس انا كنت عيله وهوه كان صديقي في الكليه وكان اكبر مني لانه بيعيد كتير وكنت عايزه انسي قصة حبي الفاشله فأعمل ايه دلوقتي وانا مش قادره اكذب ، ونسيت اقول انت عيله مفككه ابويا متجوز تاني واحده زباله وراح فتن عليا لما قولتلوا وخلها تعيرني وامي مبتعرفش تحل مشكله ولا تعمل اي حاجه في حياتها غير انها تتعارك معانا واخواتي كل واحد عايش مع نفسه انا مليش في الدنيا حد خالص ومعلومه كل الناس بيكره محمد اول مبيشفوه هوه انسان مكره بطبعه الزباله وانا دايما بتحب اول متشاف وده بيغيظه اوي‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,024

    انضم الان: اخر الاحصائيات