Egypt Society Problems

مشاكل الحياه المصريه



انا شاب اتعرفت عل فتاه عل الانترنت من 3 سنين اول معرفتنا كانت خناق .

‫انا شاب اتعرفت عل فتاه عل الانترنت من 3 سنين اول معرفتنا كانت خناق . بعد كده شدنى ليها فعلا احترامها .مع العلم ان فيه اصدقاء ليها قالو دى مغرورة لانها مش بتسمح لاى شاب انو يكلمها لعلمكو ان لحد الان مش شوفتها البنت دى انا حبتها فعلا معرفش يمكن فيكم يقول كدب انك مش حبتها لانك مش شوفتها لكن انا حبتها لدرجه تخوف هيه من نفس المدينه ال انا ساكن فيها المهم انى فضلت اتكلم معاها ف جروب اكتر من سنه لانها رافضه تمام المحادثه الخاصه كنت بتكلم معاها ف الجروب وبعد كده اعترفتلها بحبى وهيه كانت نفس الاحساس لكن كانت ديما تتخانق ومش صارحتنى كان كل يوم المشاكل بسبب انها مش عايزة تكلمنى تانى لانها كده بتعمل حاجه غلط كل يومين نتكلم ف نفس الموضوع وانا كل ال هممنى انها مش تضيع منى ساعتها انا كنت عندى 19 سنه وهيه 17. ودلوقتى انا 22 وهيه 20 المهم انا عرفت منها ان ليها اخ ف قولت انى اكلمه واحكيلو حكايتى عنها بدون ما اعرفه ان البنت ال انا عايزها ف الحلال دى اخته ف قولت اتكلم عن بنت تانيه واشوف ردرو الفعل ولو لقيتو متقبل الموضوع هصرحو فى الفترة دى كان بيحب ومرتبط فقولت اكيد عارف يعنى ايه حد عايز حد وبيحبه وعايزة فى الحلال وحكتلو المهم بعتلو اد وكلمتو وبعديها بفتره حكتلو حكايتى وقالى انا لو منك مش هسبها قولتله انا خايف لما اصارح اخوها مش يتقبل الموضوع ويفهم حاجه تانيه انى مكلمه علشان ارتبط ب اخته وكده قالى ياعم انت داخل دوغرى وداخل تاخد منو كلمه رجاله انها تستناك وكنت هقوله انا كل ال طالبه منكم انك تدينى كلمه انها تستنانى . وانا دخلت دوغرى معاه علشان مش اخسر البنت وكمان علشان مش احسسها ف يوم انها كده عصت اهلها المهم انى قبل ما اعرفه ان الموضوع دا يخصه هوة اخوها عرف بالموضوع بالصدفه وزعق وشتم وضرب اخته جامد وقالى لو اخر اخر واحد مش هتخدها ويوميها ابو البنت كلمنى وعرفنى وقالى خلص دراستك وانا تحت امرك وقعدت 5 شهور مش تفتح بسبب الحكايه دى وبعدين كلمتنى تانى بس نفس المشاعر مش اتغيرت ثانيه لعلمكم انا فضلت 3 سنين كلمتنى مرتين تسال عليه لما مش فتحت علشان الظروف عندها وبعد كده رجعنا نتكلم عل النت تانى ولحد دلوقتى بنتكلم يعنى بنتفق اننا مش نتكلم عل النت او اى مكان لحد ما يكون فيه نصيب وبعد كده بعد شهر الشوق يرجع ومش بنقدر مش نكلم اصلا انى اشوفها اون لاين دى لوحدها حياه بالنسبالى وانا كتبتلها رساله ووعتها انى هوريهالها يوم شبكتنا لو حصل نصيب انا مش طالب اشوفها ولا طالب اكلمها ولا طالب اى حاجه كل ال انا طالبه من ربنا انها تستنانى ولما اتقدم اهلها يوفقو واخوها مش يعترض علشان انا هفديها بروحى .ودلوقتى انا بكلمها بس خفيف جدا اتفقنا اننا مش نكلم بعض لكن احنا مش هنقدر صدقونى لما بتبعد عنى انا حياتى بتتقلب وعل فكره الشخص دا بيحبنى جدا بس انا غلطتى ال عملتها انى اتسرعت وروحت كلمت اخوها بس كان نيتى انى مش احسسها انها بتعمل حاجه غلط انا لو انسان مش كويس كنت هكلمك من غير اهلك ما يعرفو لكن انا مش عايزك سنه اتسلى معاكى واخسرك بيقت العمر ودلوقتى احنا اتفقنا اننا مش نتكلم غير كل اسبوع 5د نطمن عل بعض وخلاص ياريت اسمع ردردكم كلها وانا متقبلها . لانى فعلا محتاج اراكم . لكن عايز اسمع ردردكم عل كلامى لانو كلو صحيح ومش كدبت فى كلمه . . واى كان حصل انا مش هسبها لو لاخر نفس بتنفسه وهخلص جامعه واروح اتقدملها كلمه اخيره . لوالدها صدقنى انا اكتر انسان هحافظ عل بنتك وجايز ربنا يوصلو كلامى انا مش عارف ابتدى الطريق منين‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,039

    انضم الان: اخر الاحصائيات