Egypt Society Problems

مشاكل الحياه المصريه



السلام عليكم ورحمة الله وبركاته انا مش هقول مشكلة بس انا طلب منكم طلب انكم تدعو…

‫السلام عليكم ورحمة الله وبركاته انا مش هقول مشكلة بس انا طلب منكم طلب انكم تدعو لحبيبي ان ربنا يشفيه ويجمعني بيه في الخير يمكن تكون ساعة استجابة ثانيا حاجة عاوزة انصح اي بنت او ولد اوعو تظلمي حد او تسمعي كلام حد من صحبكم اوعي تدخلوا حد بينكم وبين اللي بتحبوا صدقوني محدش هيحسك بيكم ولا ولا هيعرف يحكم علي اي حاجة زيكم متخلوش الفرصة تضيع منكم الحب الحقيقي صعب يتعوض مش هتعرفوا الكلام ده غير لم تلقوا الانسان اللي بتحبوه ممكن يضيع منكم في ثواني والاصعب انك مش تقدروا تعملوا اي حاجة علشان ده حكم ربنا بالله عليكم تدعولوا ان ربنا يشفيه ويخليه ليا والله وجعي عليه مش يتوصف‬

  • مشاكل اخرى

  • اكتب رايك

    انا خريج طب بشري بس من صغري وانا بحب الميوزيك واتعلمت اعزف عالجيتار وكنت بادخل ا…

    ‫انا خريج طب بشري بس من صغري وانا بحب الميوزيك واتعلمت اعزف عالجيتار وكنت بادخل المواقع والمنتديات العربيه اللي بتهتم بالحاجات دى ولما كان عندي 16 سنه اتعرفت على بنت مصريه انا فرحت لانها كانت من بلدي بس مكنتش اعرف اسمها او هويتها لسه. المهم بعد فتره من التعارف بقينا اصحاب وبعدها ابتدينا مع بعض محاولات لتأليف الاغاني كنت باكتب الكلمات وهي تحاول تلحنها وتغنيها وتسجلها بصوتها وتبعتلي التسجيل وهكذا.. تقريبا الكلام ده كان بيحصل في ايام الثانويه واول سنتين في الجامعه وكان اغلب تعاملي معاها الكتروني واتقابلنا في الواقع حوالي 3 او 4 مرات كلها لحضور ايفنتات موسيقية. وبعد كده وبسبب ظروف عائلية انقطعت علاقتي بالميوزيك وبيها وكان لازم اركز على دراستي واتخرج واشتغل عشان اهلي عدوا بظروف وحشه ومحتاجيني اساعدهم. انا اسف للمقدمه دى بس انا اتخرجت من فتره وخلصت سنه الامتياز واتعينت وباذن الله ناوي افتح عياده مع شريك تاني واحوالي الماديه احسن دلوقتي. انا رجعت قابلت البنت والحمدلله لسه فاكراني هي ما شاء الله عليها كملت في مجال الميوزيك وعملت كذا اغنيه وعندها صفحه عالنت وشويه معجبين ولسه من فتره بسيطه وقعت عقد ويتهيألي هتبقى مشهورة. هي واحده من الشباب اللي اشتهروا بعد الثوره بلون غنائي معروف (ميوزيك الاندرجراوند). انا بحبها اوى وهي اكبر مني بسنتين بس مش فارق معايا وهي بتقدر صداقتي جدا وانا نفسي اقولها اني بحبها ونفسي اطلب ايدها للجواز بس خايف ترفضني عشان انا بقيت بعيد عن مجالها مع اني لسه احيانا بعزف وقت الفراغ وباتابع الجديد في الميوزيك وخايف كمان عشان هتبقى مشهوره وكده وانا انسان هادئ وفي حالي تماما وخايف كل ده هيأثر علينا بعد كده وخايف انها اساسا متكونش حاسه بناحيتي باي حاجه مع انها بتعاملني كويس جدا. خايف من حاجات كتيره وعايز اسمع ارائكم وشكرا مقدما‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,039

    انضم الان: اخر الاحصائيات