انا من الصعيد وبدايق جدا لما الاقى ناس بتغلط فى الصعايدة وواخدين عننا فكرة اننا…

‫انا من الصعيد وبدايق جدا لما الاقى ناس بتغلط فى الصعايدة وواخدين عننا فكرة اننا اغبية وجاهلين ومش متعلمين والنكت اللى بتطلع علينا وكلها ليها معنى واحد فى النهاية اننا اغبية ، الافلام والمسلسلات اللى بتطلعنا دايما يا اما تجار مخدرات او عندنا تار واللى بتطلعنا عايشين فى زريبة ده غير اللهجة العجيبة اللى بنسمعها ، اللى مش نزل الصعيد واتعامل مع اهلها ياريت مش يحكم علينا بالشكل ده ، الحمد لله احنا متعلمين وعايشين حياة كويسة ومودرن وبنتكلم زيكو عادى على فكرة حتى اللهجة الصعيدية مش اوفر زى اللى بتسمعوها فى المسلسلات وعندنا مدارس لغات و اوائل الثانوية العامة لازم بيكون فيها من الصعيد مفيش فرق بينا وبينكو اللى عايشين فى وجه قبلى زى اللى فى وجه بحرى معرفش ليه دايما بتحاولو تفرقو كأننا مولودين فى دولة تانية ! سبب ان بعض محافظات الصعيد فقيرة ده لان الدولة مش بتهتم بينا زى باقى المحافظات كلامى موجه للناس اللى بتتريق على الصعايدة وفى النهاية انا بفختر انى راجل صعيدي #منقول‬

اكتب رايك
إلى الأعلى