Egypt Society Problems

مشاكل الحياه المصريه



الحكاية بختصار انى مهندس بشتغل في السعودية ….كنت نزلت اجازة ادور على عروسة وغا…

‫الحكاية بختصار انى مهندس بشتغل في السعودية ….كنت نزلت اجازة ادور على عروسة وغالبا بيبقي اختيار الام والاهل وترشيح كذا واحدة والجو دة مش بيجى على هواك لانهم مش عارفين زوقك فبتفضل تتخطب واحدة نقاوة عينك انت واختيارك انت وفترة الاجازة قصيرة وبالصدفة لاقيت بنت عجبتنى وكانت ماشيه مع مامتها ومشيت وراها علشان اعرف بيتها ..قلت لنفسي طالما عاوز الحلال اكلم مامتها على طول من غير كسوف رحت كلمت والدتها قالتلي ان بنتها مخطوبة وخطيبها في السعودية ومامتها طلعت ست محترمة جدا وكمان اديتنى رقم خطيب بنتها في السعودية وقالتلي حديك امانة تدهاله لما ترجع السعودية ..ولما رجعت السعودية كلمتة عشان اديلة الامانة طلع ساكن في نفس المدينة وساكن كمان جنب بيتى وبقينا صحاب وقالي انا حكلمك خطيبتى تشوفلك عروسة من زمايلها اللي كانوا في الكلية وبالفعل قالتلي انا عارفة انكم مهندسين عندكم عقدة كليات القمة انا حرشحلك 2 زمايلي في صيدلة ولو ماعجبكش يبقي حرشحلك صديقة عمري اللي لسة مخلصة تجارة ..بالفعل نزلت اجازة وجبت بابا وماما وشفناهم ..وحسيت بقبول في الاخر مع صديقة عمرها اللي في تجارة واتخطبنا الحمد لله وبنحب بعض جدا وربنا يتمملنا على خير …المشكلة دلوقتى انى على وش انى انزل من السعودية اتجوز واجيب مراتى معايا و صحبي على وش بردو انة يتجوز ويجيب مراتة معاه هنا …. خطيبتى وخطيبتو عاوزينا نجيب شقتين في عمارة واحدة علشان هما اصحاب من زمان ومايحسوش بغربة سوا لما نكون احنا الرجالة الصبح في الشغل ويونسوا بعض ومصممين على كدة … اما صحبي رافض الفكرة وهوة ماقليش لية بس انا متفهم هوة اكيد فاكر ان علشان زمان اعجبت بخطيبتة لما شفتها مع مامتها في الاول يبقي انا كدة ممكن ارجع افكر فيها تانى لو شفتها وانا اصلا خطيبتى مالية عينى جدا ومش فارق معايا لو سكنوا سوا او لا بس مش عاوز يبقي فية حساسيات في الموضوع دة خالص فخاصة لما كل واحد يجيب مراتة هنا فالحل انى اعمل اية من وجهة نظركم‬

  • مشاكل اخرى

  • اكتب رايك

    الاعضاء19,352

    الكومنتات 25,958

    المشاكل 31,041

    انضم الان: اخر الاحصائيات