المشكلة تخص واحدة زميلتي في الكلية (كلية زراعة اسكندرية ) في دكتور في الكلية عند…

‫المشكلة تخص واحدة زميلتي في الكلية (كلية زراعة اسكندرية ) في دكتور في الكلية عندنا اسمو فكري الشهاوي استاذ دكتور في قسم كيميا المبيدات ووكيل الكلية لشؤون البيئة الدكتور دة مشهور بسمعته السيئة مع البنات وانا عن نفسي اعرف بنات حصل ما بينهم حاجات بس البنات راضية فمكنتش بشغل بالي المشكلة ان المرة دة وصلت ان الدكتور عايز يتجاوز مع البنت دة بالعافية كلمها على الموب و قالها انها ساقطة في اعمال السنة انو عايز ينجحها وعايزها تطلعلو المكتب الساعة 7 الصبح لوحدها ومن غير ما تغرف حد ولو حد عرف ساعتها هيعتمد النتيجة طبعا هيا عارفة اللى بيتقال عنو فمراحتش وراحت اشتكت لدكتور في الكلية يوم امتحان الفاينل طلعلها دكتور فكري اللجنة وقالها انتي بتشتكيني ابقى قابليني لو نجحتي في المادة وخلاها تعلم على ورقة الاجابة بتاعتها على الغلاف من برة خلصت الامتحان وراحت لدكتور محمد بهي الدين القائم باعمال عميد الكلية حكيتلو الموقف من الاول وطلبت انها تعمل مزكرة خلاها كتبت مزكرة وهوا مضي عليها في حضور اكتر من دكتور وقالها انها المفروض كدة ناجحة في المادة لان استاذ المادة طلع شوشر عليها في اللجنة الكلام دة كلو كان في الترم الاول المفروض ان هيا كدة عملت اللى عليها حقها في المادة وحقها في قلة ادب الدكتور قدمت مزكرة نتيجة الترم التاني طلعت بالمادة و 3 مواد كمان كلمت عميد الكلية قالها ما انتي طلعا بكام مادة تانية مش شاطرة يعني لما حاولت تعرف المزكرة اللى عملتها وصلت لايه معرفتش حاولت تاخد صورة من المزكرة عشان تعمل محضر كل يوم يقولها بكرة بكرة لغاية اخر مرة ما طردها من مكتبو احنا دلوقتي قدام حالة تحرش من استاد دككتور ووكيل كلية لطالبة و تعتيم ادارة الكلية المتمثلة في دكتور محمد بهي الدين على الموضوع واضاعة حق الطالبة انا عايز الرسالة دة توصل لدكتور رشدي زهران رئيس جامعة اسكندرية وللمجلس الاعلى للجامعات ولوزير التعليم العالى مينفعش يتسكت على دكتور زي دة وغميد كلية زي دة المشكلة ان كل الكلية عارفة كدة عن الدكتور من زمان والدكاترة عارفة ومفيش حد بيعمل حاجة‬

اكتب رايك
إلى الأعلى