56471…


56471

بعترف انه بحب شب حب مش طبيعي .. كان يحكي معي بس كل إشي انتهى .. اصلا كان بحب وحدة تانية .. ما علينا بلاها التفاصيل .. بس القصة انه من وقت مبطل يحكي معاي وعملي بلوك بحس حالي انهبلت وبعمل حسابات جديدة وبراقب فيه ع كل المواقع ولو مش منزل بوست بروح أفوت ع صفحات عيلته واصحابه وأشوفه اذا كاتب كومنت او حتى عامل لايك ع أيا اشي بس المهم اني أطمن عليه انه بخير وتمام .. بس بنفس الوقت اتعبت من كل هبلي هاد مش قادرة أبطل أعمل هيك غصب عني والله .. لما اكون مدايقة او عندي مشكله بروح افتح ع صوره واصير احكي معاه في سري وأشكيله .. عارفة انه حتحكو عني مجنونة وهبلة بس انا والله مش عارفة ليش انا هيك بعمل اقرفت من حالي .. واخر اشي صرت ابحث على النت عن طرق انه كيف انسى وكيف اصير قوية بس ع الفاضي اذا بطبق يوم برجع تاني يوم لهبلي .. وجربت أشغل حالي بأشياء كتيرة بس فش فايدة هاد الشخص مسيطر ع كل تفكيري .. انا بقول يمكن لاني عنجد حبيته كتير والله وكنت متعلقة فيه واتعودت اشكيله عن كل اشي بدايقني .. كلامه كان بخليني أطمن أحس انه الدنيا بتضحكلي .. بس خلص الله يساهل عليه .. وأقسم بالله برغم كل اشي ولا يمكن احقد عليه بالمرة .. بس لازم أنساه او حتى أتناسى عشان أقدر أكمل حياتي لازم .. بدي حل لهاد القصة ..


Source

22 رأي على “56471…”

  1. لن ينسيك الا تقوى الله وذكره
    انظري الى مصائب غيرك فتهون عليك مصائبك
    يقول عمر رضى الله عنه الصبر على المصائب حسن لكن الصبر عما حرم الله احسن ..
    لذلك تذكري انما الانسان ضيف في الدنيا وما مصير الضيف الا الرحيل وما عليك هو الصبر وايقاف نفسك عن حدها واسأل الله لك التوفيق ..

  2. مشكلتك مش الشب وحبه ..
    مشكلتك بطريقة تفكيرك لانك عم تقنعي حالك انه هو كل اشي بحياتك وانه ما في اشي بيمشي بالحياه بدونه والحسابات اللي عملتيها مش من حبك الزايد بس الاحساس بالرفض موجعك وكل ممنوع مرغوب
    حاولي تغيري بطريقة تفكيرك وتشغلي وقتك الفاضي لانه هو اللي بخليكي تلجأي ل هالقصص غيري شوي بروتين حياتك الموضوع مش سهل بس بدك تحاولي
    موفقه يا رب

  3. مش عارفة تنسيه و بتتصرفي هيك مش لانك بتحبيه بس لانك انسانه ضعيفة مع احترامي الك
    هادا ضعف منك و هاي التصرفات بتعمليها لانك لو حبيتي حالك ربع ما حبيتيه ما بتكترثي ولا بتتصرفي هيك
    حبي حالك و افتخري بنفسك
    مرقتي بتجربة حب كنتي فيها صح بس الطرف التاني غلط و ما بستاهل شي
    ما في داعي تعملي بحالك هيك و انتي احسن منو بكل شي بكفي انو هو اللي باعك مش انتي اللي بعتيه
    مفروض تفتخري انك انسانه صادقة
    كل ما تفكري فيه تزكري انو باعك بالساهل تخلى عنك و تركك و حبي حالك اهم شي بعد هيك رح تنسيه و تنسي اليوم اللي خلاكي تعرفيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *