مشكله وحده صحبتي من غيز اسم اتجوزت وهي 18سنه كانت تعرفو قبل الجواز بس مش حب كلام…


مشكله وحده صحبتي من غيز اسم اتجوزت وهي 18سنه كانت تعرفو قبل الجواز بس مش حب كلام عادي ومن يوم الخطوبه وفي مشاكل هو ضعب في التعامل اول لما اتجوزت عاشت خدامه لامه وابو وامه كلن مريضه وعاشت علي حاضر ونعم والي يريحك وهو محترمش كده لا كان بيجي عليها الحنيه بتعتو ليها ان بياكلها وبيكشف ليها وبيلبسها وعلي طول يقولها كده هي كلن طيبه اوي وبتحترمو في غيابه علي طول وهو بيعامل اوحش الموعمله جت امه ملتت قال هتزتاح هو طلع اوسخ منها في التعامل من غير سبب شتايم وضرب واهانه واهانه في الاهل وتقوله ط انا بعمل ايه يقولها مش عوزك خالي عندك دم وامشي جت بعد وقت طويل راحت عند اهلها وحت لاهلها طول فتره الجواز الي كان بيحصل وكانت وقفه علي الطلاق بعد كده اهلها قالو لا عشان عيالك ومش ينفع اديله فرصه رجعت تاني ضربها وشتمها من غير سبب عشان حكت لاهلها قال لي طلقني قلها هطلقق بس لما ازلك شويه لو جت نام علي السرير يقولها لانام علي الارض بيصحيها من النوم يقولها اغسلي المواعين وسعات يقولها امش مش تقعدي في البيت وهي تقول لا كفايه فضايح يقولها مانتي تستهلي كده وعلي طرل مشاكل تعمل ايه


Source

انا متجوزة من سنتين عن حب 5 سنين…


انا متجوزة من سنتين عن حب 5 سنين
بيحبنى جدا وانا كمان بحبه
قبل الجواز كان شخص وبعد الجواز بقي شخص تانى خاالص
قبل ما نتجوز بشهر بدا يتغير
لدرجة انى شكيت انه مش هو
بقي يبعتلى مسج من رقم غريب يقولى فيه انه مات
اتصل بيه اسمع صوت صويت وقران
اتصل بمامته تقولى مفيش حاجة تلاقيه بيهزر معاكى
مرة قالى انا مقبوض عليا فى قسم معين ومش عارف اعمل ايه
اكلم اهله ونروح منلاقيش حاجة
ومرة قالى احنا لازم نسيب بعض
وكان بيتكلم بطريقة جد جدا لدرجة انى عيطت
وبعدين يقول هاهاها انتى صدقتى يا هبلة
اول يوم الفرح لقيته جايبلى رنجة وبصل وبيقولى تعالى كلى
وخلانى آكل بالعافية
وفى شهر العسل ودانى عند اهله فى قرية نقضى شهر العشل وركبنى حمار !
وخلى عيال خاله يزفونى وانا راكبه الحمار والعيال تحدفنى بالطوب
وهو يحدفنى معاهم وبقيت اجرى بالحمار
تخيلوا ؟
عروسه ف شهر العسل راكبه حمار
وعريسي بيجرى ورايا بالطوب هو وقرايبه
وانا من خوفى بقيت اقول للحمار هش هش واجرى . اجرى بقي يا حمار
وكمان لو احنا ماشيين فى الشارع
لو جنبنا عربية راكنة يقعد يتكلم معاها
ويقولها عاملة ايه ومبتساليش ليه ..؟
واوقات كتير اصحى ملقيهوش جنبي
واقعد ادور عليه الاقيه نايم فى الدولاب
ويقولى بخ وانا ببقي عارفة انه جوا بس بعمل نفسي اتخضيت
عشان بيزعل لما بيحس ان مقلب من مقالبه باظ
مره لقيته داخل عليا بطبله الساعه 2 بالليل
وقالى انتى نبيله وانا احمد
قولتله نبيله دى مين ؟
قالى نبيله عبيد واحمد ذكى ف فيلم الراقصه والطبال
وقالى هزى يابت . وفعلا فضلت اهز
والغريب انه نقطنى بقرشين
مرة لقيته جاى يقولى تعالى نرجع لايام القدماء المصريين
ونلبس زيهم وناكل زيهم ونعيش حياة بدائية
وفعلا والله يا جماعة عمل كدة يومين
وانا عشان اخرج من الموقف
قولتله تعالى نغير قالى خلاص تعالى نبقي ايام التسيعنيات
وبقي يلبسنى لبسه مامته والله يا جماعة
انا كل دة ومستحملة
بس اللى مش قادرة استحمله انى حامل
وهو مصمم ان هو اللى يولدنى
بيقولى هما الدكاتير بيعملوا ايه يعنى ؟
ايوه هو قالى دكاتير زى ما سمعتوها كده
انا مش بكدب والله . انا بجد عايشه ف سيرك
انا بكتب المسدج دى للصفحه عشان عارفه انهم هينزلوها
وبكتبها وانا خايفه لايكون محضرلى مقلب من مقالبه
قولولى اعمل ايه ؟


Source

اسفه لو هطول بس محتاجه حد يفهمني أنا علي طول عايشه لوحدي ومش بخرج غيرللدروس وما …


اسفه لو هطول بس محتاجه حد يفهمني أنا علي طول عايشه لوحدي ومش بخرج غيرللدروس وما معنديش أخوات بنات ولا اصحاب كنت علي طول بتحايل علي ماما عشان تقعد معايا ونتكلم كانت تقولي تعالي اقعدي معنا كلنا مكنتش بعرف اتكلم معاها وعلي طول في اوضتي مش بخرج غير ساعه الأكل عمري ما حكيت لحد علي مشكله مضيقاني أنا بسمع لمشاكل الناس وبساعدهم
بس عمري ما لاقيت اهتمام من اهلي ولا من اي شخص ابن عمتي دخل حياتي وانا عندي 15سنه وكان بيتقدملي واهلي كل مخ مره يرفضوا لانه كان متجوز قبل كده وعنده بنت بس أنا كنت متمسكة بيه لأنه كان أكتر شخص بيفهمني واحنا عارفين سبب الخلاف وعرفين أنه اتظلم كتير وفضل مستنيني 3سنين واهلي وافقوا لما لاقوه متمسك بيا مخطوبين بقالنا اكتر من شهر أنا حاليا عندي 18 وحاليا مش قادره افهم نفسي ومش عارفه أنا عايزه ايه بس مش مبسوطه وخايفه اظلم الشخص ده لانه بيحبني أنا كل لما يحددوا معاد الفرح الفرح بخاف وبحس إني مش عايزه اعمل فرح وهو بصراحه كريم جدا وبيقولي هيخليني أكمل وبيقولي ديما أنا ممكن مثقش في نفسي بس بثق فيكي أنا بجد تعبانه مش عارفه اعمل ايه ومعنديش حد اتكلم معاه


Source

ممكن تنزل المشكله دي انهارده .. ينفع اتجوز واحد بيشتم شتايم وحشه اوي وبيسب الدين…


ممكن تنزل المشكله دي انهارده .. ينفع اتجوز واحد بيشتم شتايم وحشه اوي وبيسب الدين ؟؟ في ناس قالولي عادي كل الناس بتشتم بس انا مستحرمه اوووي . عايزه رأيكم وياريت لو حد يفيدني من الناحيه الدينيه


Source

نزل ياادمن موضوع النقاش وعاوز رايكم انا شاب علي قد حالي الحمد لله حبيت بنت همي م…


نزل ياادمن موضوع النقاش وعاوز رايكم انا شاب علي قد حالي الحمد لله حبيت بنت همي من غير مااحس بس عمي دي غني مصانع وعقارات والخ وهيا كمان بتحبني وعاوزني في الحلال اتقدمت مره رفضم وقالولي ولمحولي بالكلام اني طمعان في فلوس ابوها الي هو عمي علشان كده عاوز اتجوزها مع العلم اقسم بالله انا مش طمعان فيه ولويسبني اتجوزها وعاوزها تتنزل عن حقاها في مراثها منه انا موافق ومن ناحيه تانيه مش عازز اخودها وامشي زي مافي ناس بتعمل كده ولهي انا انسان محترم بس عمتها واخوها بصين ليا في الموضوع كل واحده عاوزه تخطفها لبنها وحصلت مشاكل وقولتها ربنا يسهلك حالك ويرزوقك بالاحسن مني مفترق عنها بقالي شهر لابكلمها ولابشوفها بس مش مركز في شغلي وديما شارد بفكر فيها ومش قادر اعيش من غيرها انصحوني اعمل ايه بعد اذنكم علشان اقسم بالله بجد تعبت


Source

اهلي كل ما واحد يتقدم بيكون شخص مناسب وموافقين عليه بيوقفوا الموضوع بسبب اختلافه…


اهلي كل ما واحد يتقدم بيكون شخص مناسب وموافقين عليه بيوقفوا الموضوع بسبب اختلافهم في الشروط لان اهلي مغاليين في المهر بالنسبه للوضع الحالي ان ناس كتير مش قادرة تجهز نفسها أهلي وعيلتي الحمد لله مبسوطين وكلهم نفس التفكير
كان متقدملي مهندس قمة في الأخلاق والتدين وبيشبهني في كل شئ ونفس التفاهم والروح ووافقوا عليه وأنا كنت بدعي ربنا قبلها ان يكون نصيبي كنت أعرفه بس مش فيه بينا شئ وربنا استجاب دعوتي وجه اتقدم وأهلي كسروا بفرحتي حاولت أقنعهم مش عايزة أي شئ أهم حاجه الشخص حتي لو ما جابش حاجه لكن نفس الفكر انتي مهندسه ولازم نقيمك وما تكونيش أقل من اخواتك وغيره ومن فلانه أنا من الصعيد وأكيد معروف عند الكثير شروطهم بتكون كبيرة
ومتقدملي حاليا مهندس تاني بس هما عايزين يحطوا نفس الشروط مش عارفه أعمل ايه محدش بيسمعلي ولا البنت عندنا بتدخل في الشروط لان بيكون كلام الرجاله هي ملهاش غير موافقه ع الشخص أو لا
أسيب كل شئ ربنا يقضيه مثل ما يريد ولا أتدخل ولا أنا أكون بضيع فرص من ايدي استسلم ويكون ال بيحصل ده نصيبي ولا أعمل ايه أنا مش فارق معايا أي ماديات خالص أهم حاجه أخلاق والتزام الشخص ال هرتبط به


Source

السلام عليكم بعد اذنك نزل المشكله دى ال قلبى وجعنى ومش عارفه افكر عايز حد يفدنى …


السلام عليكم بعد اذنك نزل المشكله دى ال قلبى وجعنى ومش عارفه افكر عايز حد يفدنى بالله عليكم
اولا انا عندى بنت عندها 9 سنين وانا منفصله عن باباها بقالى 3 سنين وكنت ف مشاكل قبلها سنتين بس مفيش محاكم وكده واتخطبت من 9شهور وهتجوز الشهرين الجايين دول المشكله بق ان كنت ببعت بنتى عند باباها عادى تقعد معاه هو واهله وطول عمرى بحببها فيهم يعلم ربنا ولو اى حاجه كنت بتمناها ليكم وحشه تحصلى زيها المهم ان عم بنتى عمل مع البنت حجات وحشه وانا كنت بحمى بنتى وبغيرلها سالتها وعرفت ان عمها ده هو ال عمل كده الكلام ده من بعد الطلاق ب حوالى 6شهور عرفت ابوها وكنت عايزه اعمل محضر وكده بس خفت ع بنتى ومنعتها من هناك خالص وابوها بق بيجى يشوفها عند والدى ف البيت لحد العيد ال فات راحت وبقت مع ابوها ديما وانا مفهمها ان ده غلط وتخلى بالها ع نفسها وعمها ده متكلمهوش خالص هو دلوقتى عنده ١٨ سنه ابوها طبعا سالبى وموقفه محير مع اخوه واهله وبنته المهم الموضوع اتقفل خالص والبت حريصه وانا مصحباها اوى ف كل حاجه وف حاجه عمرى ماسالتها قالولك اى هناك عملتى اى ولا اى حاجه هى قاعده معاه اليومين ال فاته دول وجاتلى امبارح وشها متغير ومرعوبه سبتها برحتها وقولتلها مضايقه انك جيتى عايزه تروحى تانى روحى عشان انا ال اتصلت جبتها خوفت اكون جبتها غصب اخواتى واهلى كانوا منعنها نهائى من هنا وانا صعب عليا بنتى تبعد عنهم واهلها وحرام وهى وحيده يبق جدها وجدتها وعمتها وعممها بعاد عنها اصريت انها تبق تشوفهم وكده المهم بق عمتها وجدها وجدتها اتصطادوا البت لوحدها وحلفوها تقول الحق واذا كان عمها عمل كده ولا لاء حلفت وقالت ان هو عمل كده ومكدبتش راح جدها قالها انتى كدابه امك ال مصلطاكى تقولى كده وعمتها زعقت وتقولها امك عايزه تفضحك وفضحتك وخلت سيرتك ع كل لسان انا شايفه المرار من جوزى ومش هطلق واخلى بنتى تتربه بعيد عن ابوها بتقوى بنتى عليا وبتكرها فيا منها لله وجدتها بتقولها انا مربيه عيالى انتى وهما ال اوساخ بنتى قالتلها لى كده ياتيته بتغلطى فيهم محدش بيغلط فيكم وعمتها تقولها امك اطلقت ومفكرتش فيكى وريحه تتجوز انا عمرى ماعمل كده وكلهم بق يضغطوا ع البت انا بق همووووت ومش هينفع اكلم ف ال حصل معاهم مش عايزه حد يكره البت ويقول بتوقع الدنيا انا اتصلت ب ابوها وزعقت ليه وقولتله لى سبتهالهم مبقاش بيرد وقلتله كلمهم كان بنتك هى ال حكتلك وبلاش انا لان لو فعلا عرفوا ان عرفت مكنتش هسكت وف حاجه والله والله ماكنت بفكر ف الطلاق وكنت غضبانه ومش فارق معايا ابويا هو ال مستحملش قعدتى كده وخلاه طلقنى وربنا عوضنى الحمد لله اعمل اى محتاجه اعرف هموت بجد المهم بنتى متتغيرش عليا اسفه ع الاطاله


Source

الناس اللي بتابع هنا رجاءا فيدوني انا بحب واحد هو من سني وهو كمان بيقول بيحبني …


الناس اللي بتابع هنا رجاءا فيدوني انا بحب واحد هو من سني وهو كمان بيقول بيحبني انا عايزه اتاكد من كدا هو لسه قدامه سنتين ع ميجي يتقدملي مش هينفع يجي دلوقتي ولو جه هيترفض عشان مش مجهز اي حاجه هو بيدرس لسه هو وحيد وابوه هيساعده وكدا بس برضو مش هينفع يتقدم عشان السن يعني 19 سنه ف نظر اهلي ما ينفعش اتخطبله وكدا المهم انا بحبه خالص بس انا عايزه اتاكد انه بيحبني هو مديني اميلاته ووبيهتم بيا خالص وبيتمنالي الرضا ارضي وبيقف معايا ديما وبيحكيلي ع كل حاجه بتحصل معاه وبالصدفه اعرف انها فعلا عشان بنت عمه صخبتي هو ديما يقولي كلام حلو ويحلفلي انه مش هيسيبني وانه بيخبني فعلا كمان مش حاكي لحد من صحابه انه بيكلمني فيهم عارف انه بيحبني ماحدش عارف انه بيكلمني كل حاجه بيعملها بتقول انه بيحبني بس انا خايفه دا كله يطلع تمثيل وبيضحك عليا هو ما بيطلبش مني حاجه خارجه ابدا غير اخره يقولي عايز اشوفك ابعتله صوره يعني وانا لو رفضت عادي بيسكت وحاليا قلتله ما يطلبش صور مني تاني وفعلا بطل وانا بعتله اربع صور ليا بلبس خروج يعني اتقابلنا مره واحده وكتت مرتحاله خالص ولاكاني اعرفه بقالي كتير هو مناسب جدا كن كل حاجه مش محتاجه اتنازل عن خاجه مقابل حبي ليه ومسكت تلفونه ام اتقابلنا شقلبته مافهوش حاجه ولقيته حاطط صورتي ف برنامج مخفي وعاملها باسورد مش عارفه حاجات كتير بتاكد بس انا خايفه خايفه استناه ع الفاضي واجي ف الاخر اتصدم مش عارفه اعمل اي ولا اتاكد ازاي واطمن هو دلوقتي بيحبني بقاله سنتين وبقالنا سنه بنتكلم احنا حاولنا كذا مره نبعد عشان بس حرام وغلط بس هو بيرجع تاني وانا بصراحه ببقي مدايقه خالص ومخنوقه من غيره وبفرح ام نرجع اخر مره سبنا بعض اول امبارح عشان مذاكرته وكدا هو ف تالته ثانوي وقاسم ف رجعنا بعدها بتلت اربع ساعات ومش عارفين نعمل اي ولا نبعد ازاي وانا برضو عايزه اتاكد واطمن انه بيحبني عشان استناه بقلب مليان فيدوني الله يكرمكم من غير تريقه وشكرا مقدما واسفه للاطاله 😊


Source