السلام عليكم ورحمة الله وبركاته قدامي فرصتين رجوعي لطليقي واحاول اتغير وا…


السلام عليكم ورحمة الله وبركاته قدامي فرصتين رجوعي لطليقي واحاول اتغير واغير منه ونتعلم من مشاكلنا .وشخص متقدم من بلد بعيده عن بلدنا بساعه ونص تاني وأخلاقيا كويس .حيرانه مش عارفه اختار ايه ارجع واصلح الأمور احنا الانتين متساوين في الأخطاء وإلا انسي وأكمل في طريقي


Source

السلام عليكم ورحمة الله وبركاته …


السلام عليكم ورحمة الله وبركاته
انا عندي مشكلة كبيره خالص وهي اني عصبي جدا لما بتعصب مببقاش عارف انا بقول ايه ولا ب غلط ف مين وبقول كلام مش اللي جوايا والله لا اوحش بكتير بخلي اللي قدامي يتصدم فيا رغم إني والله طيب جدا
وبعد دقيقه من عصبيتي دي بزعل جدا علي الي انا عملته وبروح اعتذر للناس بس للاسف ف مش الكل بيقبل اعتذاري حتي لو قبل بيفضل متغير من ناحيتي وبحس اني مش عارف اصلح اللي اتكسر وانا مش عارف اعمل ايه
هل ف حلول ؟


Source

من غير اسم لو سمحت …


من غير اسم لو سمحت
الشئ الغلط ساعات بيكون واضح أمامنا بس ساعات بنكابر . بجد لازم نكون واضحين مع نفسنا وعارفين الحلال والحرام . ولو دا حرام لازم نبعد عنه حتي لو كان هو بالنسبه لينا طوق نجاه لأن ساعتها هنخسر كتير . يا جماعه الحياه قصيره والشيطان يزين لنا الحرام لكي يحلو لنا ولكن والله خاب وخسر من اتبع الشيطان .
ولكن أبواب التوبة مفتوحه لا تيأس واستعن بالله وابدأ من جديد .
لا إله إلا أنت سبحانك إني كنت من الظالمين.
#فضفضه .


Source

المحروس الدكتور المحترم زوجي ابو ولادي جاي و معاه بنتين توأم يقولي ولادي و مامته…


المحروس الدكتور المحترم زوجي ابو ولادي جاي و معاه بنتين توأم يقولي ولادي و مامتهم اتوفت و هيا مش مصرية و اكيد مش هرميهم بالشارع انا سيبتله كل العيال و مشيت و ميعرفش انا فين انا في شقة بتاعة بابا بعيدة جدا و محدش يعرف مكاني لاقيت الرسايل قلت ابعت جايز حد يشوفلي حل و ياريت سهيلة ترد عليا انا بحترم آرائها جدا


Source

انا بنت طول عمري عايشه فالخليج ماما جابتلي تليفون اول مره كنت استعمله وانا ف تان…


انا بنت طول عمري عايشه فالخليج ماما جابتلي تليفون اول مره كنت استعمله وانا ف تانيه ثانوي و كان بابنسبالي حاجه جديده اووي و فرحانه بيه نزلت برنامج عرفت واحد من عليه و قعد يكلمني ساعتها كتير و قعدت اصده و بعدين قالي تعالي نمثل انا وانتي بنحب بعض بعد محاولات كتير يقنعني اقتنعت و سمعت كلامه و لقيت منه حنيه و طيبه ملقيتهاش ف اهلي ولا ف حد ف حياتي قررت احبه و حبيته فعلا و فضلنا سنه مع بعض اسوء سنه ف حياتي .. قالي بنت خالتي اسمها اية خدي كلميها و كنت بكلمها على انها بنت خالته و فالاخر عرفت انه هو الي كان بيكلمني مش دي المشكله اامشكله ان اية دي كانت بتيجي تقولي لازم تقلعي عشان تخليه يحبك والا اي واحده هتيجي تخطفه منك *هو الي كان بيكلمني* المهم جه بعدها و قالي هي قالتلك ايه و قلتله و قالي تعالى نجرب و علمني حجات معفنه و قالي اتصوري و اتصورت فعلا و كنت ببعتله لحد م وصلت ف يوم وانا بصلي حسيت اني مش انا الي امي ربتني على كدا ابدا مش انا الي اعصي ربنا و ارضى بمعصيته طول السنه .. خدت وقفه مع نفسي و قولت هقوله نبطل اول م سمع الكلمه مني حسيت انه اتجنن و قعد يقنعني كتير و قولتله لا لازم عشان ربنا يباركلنا و نتجوز و بس كدا بعدها عرفت ان كل حاجه كانت كدب و انه كان بيعمل حجات وحشه اوب اوي ف بنات و ييستغلهم لحد م ييجو البيت و اعترفلي انه كلن بيخليني اكلمم اهله لكن فالحقيقه هو الي كان بيكلمني لقيت شييطان على هيئة انسان ساعتها و دلوقتي بيهددني بالصور دي وطالب مني 5000 جنيه و عارف اكاونت الفيس بتاع بابا و ماما و عنده رقم اختي و بيهددني يفضحني لو مديتوش الفلوس دي وروحتله الشقه
محدش يقولي كلمي حد من اهلك مستحيل دي تحصل اهلي ناس صعبه اوي

ساعدوني ربنا ييتر عرضكم والله تعبانه نفسيا متدمره م عارفه اعمل ايه ساعدوني


Source

مسالخير ممكن تنزل بدون اسم …


مسالخير ممكن تنزل بدون اسم

انا اختي مخطوبه لابن خالتي عن حب وهو بيحبها ووقف قصاد اهله عشان يخطبها وفعلا خطبها وسافر يكون نفسه المشكله هنا ان امه بتكرهها جدا وهي متكبره ومغرورة اوي وعاوزه الدنيا كلها تمشي تحت رجليها حتي ابنها واختي كان مكتوب كتابها قبل كده ومحصلش نصيب ولا اتجوزت ولا حصل اي حاجه بينها وبين طلقها دلوقتي امه معترضه انها كان مكتوب كتابها وده كان من كذا سنه حوالي ٤ سنين او حاجه وانا اختي ربنا يعنيها بجد قافله كل حاجه فون ونت ومش بتنام وقلبها واجعها اوي شوروا عليا بالله عليكي اي العمل صعبانه عليا جدا ومش ذنبها ان محصلش نصيب


Source

عايز اعرف رايكم من غير اسم لوسمحت …


عايز اعرف رايكم من غير اسم لوسمحت
دلوقتي ليا صاحبي كان مرتبط ببنت حب فوق خمس سنين واتخطبوا في الاخر سته شهور وسابوا بعض دلوقتي بقالهم سنه ونص سايبن بعض
هو صديقي جدا انا دلوقتي حبيت البنت دي وهيا كمان حبتني وعايز اخطبها السؤال هنا هو عيب اني ارتبط بيها لا اهلي بيقوليلي انها كانت
مخطوبة لصاحبك ومينفعش ترتبط بيها احنا بجد حبينا بعض رايكم بجد عشان مش عارف الاقي حل للموضوع دا ولا الطريقه للي اقنع بيها اهلي


Source

هو لو اتنين بيحبو بعض والمهم محصلش نصيب مع انها ضحت كتييييير جدا وعملت عشانه وعم…


هو لو اتنين بيحبو بعض والمهم محصلش نصيب مع انها ضحت كتييييير جدا وعملت عشانه وعمره ماشاف منها قسوة وفجاءة قرر يبعد عنها هى عملت عكس المتوقع تقبلت الوضع بل ساعدته هى واختفت من حياته ومبصتش لحظه ورها تانى وفهمته ان خلاص انتهى من حياتها على طول هو بقي بعدها بقي بيحاول يستفزها ويظهر نفسه قدمها انه مقطع السمكه وديلها وبيتعمد يلفت انتباها لكدة وهى بتبعد ولامبالاه
هو ليه بيحاول يضيقها مع انه قرارة !!


Source

من غير اسم …


من غير اسم
انا كنت بحب واحد جدا بعشقه دي حاجه قليله وهوا كمان كان بيحبني وانا عندي 16 سنه وهوا 18 بس للاسف حصلتلي مشاكل كتيره اووي بسببه وزي م بيقولو الظروف بعدتنا عن بعض انا لما كان يرجع يكلمني او يرن عليا مثلا كنت بقولو كلام يزعل ويدايق اي حد وكان بيبقي من ورا قلبي جدا بس كان بيبقي عل امل انو يبعد عني لان بتحصلو مشاكل كتيره بسببي وانا قولت خلاص مش هكلمه حتي لو رجع يكلمني وملحوظه هوا كلم بابا وكدا بس طبعا بابا رفض لاننا لسه صغيرين هوا عمل كدا لما لقي المشاكل بتحصل ومكنش عايز يبعد عني انا دلوقتي عايشه ف عذاب اقسم بالله وقولت هركز ف مذاكرتي وبس وكدا بس للاسف مقدرتش خالص مش لاقيه حل كل الي نفسي فيه اني بس اسمع صوته او اطمن عليه ولما بفضفض لاختي مثلا او زميلتي بيفكروه تمثيل او انو فتره وهتعدي ومش حاسين بيا خالص هوا انا مزوده الحكايه يعني وعل كلامهم بوهم نفسي والا ايه بس انا لا بذاكر ولا اي حاجه غير اني بصلي وبدعي وبس اطلع من الي انا فيه دا ازاي ممكن مساعده وياريت محدش يتريق ويقول كلام يدايق لاني بجد تعبانه


Source